بنت الكاريان والمشهـور الوسيـم

البارت 48

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 48
نهيلة : اوا هيا لخديتي لفلوس
سفيان : ناخدهم من عندك ولكن من بعد نرجعهم ليك
نهيلة : وخا اسيدي خودهم ومن بعد رجعهم ليا
سفيان ضربها فكتفها : منساش خيرك الخودرية
نهيلة : ماشي براني باش ندير فيك خير راك الخوادري تاعي
سفيان بتاسم ليها بالحب : عارف لي كين
نهيلة : يله نخليك خاصني ندخل لدار وواحد شوية ونصوني عليك باش نمشيو نجيبوا الفلوس
سفيان : صافي وخا

_مشات نهيلة لباب دارهم ووقفت كدق....

خديجة حلات لباب وشاف فيها مصدومة : نهيلة مالك
نهيلة ببتسامة : سلام
خديجة وهيا باقا مستغربة : وعليكم سلام (بعدت ليها من لباب) دخلي دخلي

_دخلت نهيلة وحطت لباليزة تاعها ومشات بركت فوق سداري حدا الأب تاعها لي غير شافها وتصدم من رجوعها....

خديجة بركت حداهم : شنو واقع ابنتي
نهيلة : غير الخير
أحمد : ولكن قلتي لينا حتال لخر تاع سيمانة عاد غادة تجي واش ضار ليك شي حد شي حاجة
نهيلة : لا راه ماشي على قبل هكا رجعت
خديجة : وعلاش رجعتي
نهيلة بتوتر : دابا لمرأة لي انا مقابلاها ياكوا عندها ولد ولدها ياكوا (كانت كتهدر وتعبر بيدها) وقالت ليا بلي ولدها بغات تزوجوا ياكوا وأنا عجبتها وسولتني واش موافقة قلت ليها منقدر نقولك والو حتا نشوف والدين دياولي ياكوا
خديجة : غاهدري بلا ديك ياكوا
نهيلة : وخا... دابا مني قلت ليها هكاك قالت ليا سيري سوليهم والى وافقوا غدا نجيو نخطبوك
خديجة شافت فأحمد ورجعت شافت فيها : حنا كتهمينا نتي وراحتك الى نتي موافقة وعاجبك الحال الله يكمل عليكم
نهيلة شافت فالأب تاعها كأنها كتسنا الجواب تاعوا
أحمد ببتسامة : جوابي من جواب مك الى نتي باغا وراضية بداك ولد ناس حنا منزيدوكم غير الخير
نهيلة قربت ليه وباست ليه يدوا : الى نتوما كنتوا راضين حتا أنا راضية راه غير نتوما لي عندي وأي حاجة درتها او غنديرها غير على قبلكم
أحمد رجع باس ليها يديها : الله يخليك لينا وحنا نبغيوك تكوني غير فرحانة حيث فرحتنا من فرحتك ابنتي
نهيلة : الله يخليكم ليا حتا نتوما
خديجة : ايمتا غادين يجيو
نهيلة : غدا
خديجة : اوا نوضي نوضي راه تابعنا بزااف تاع الحويج