بنت الكاريان والمشهـور الوسيـم

البارت 99

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 99
نهيلة تنهدت وشافت فيه : يله هدر نسمع
يونس : إلى بغيتي تمشي معايا لشركة خاصك ترجعي حويجك للبيت تاعي وترجعي تنعسي حدايا
نهيلة بكل تقة : طبعا لا مغاداش نوافق وغير سير مبقيتش باغا نمشي معاك
يونس تم غادي خارج وهوا تيق فراسوا : ماشي مشكيل يله وجدي راسك شوية ونجي نديك (دار غمزها وهدر بكل تيقة) ولبيت غادة ترجعي ليه بزز منك راه باقي عندي واحد طلب لي خاصك تنفديه بزز منك

_خرج وهوا كيضحك وخلاها معصبة وكتشوى بينها وبين راسها...

نهيلة مشات لصالون وبركت : لا طبعا انا مغاداش نطلع نعش حداه مستحيل ومغاداش نتشارك معاه غرفة وحدة لا مستحيل

_شدت راسها بيدها وهيا كتفكر فهاد المشاعر لي ولاو كيراوضوها طول هاد الفترة وهيا كتحاول تقنع راسها بلي هدشي كلوا ماهوا غير صفقة ومدة زمنية وغادي يسالي... وهزت راسها كتشوف وتفكر وفالأخر تنهدت ومشات للبيتها حيدت الكسوة وبركت شادة تلفون كتسنا فيونس باش يدخل...

             ~~~~ بعد ساعات ~~~~

_دخل يونس ولقا الڤيلا ساقلة... ستغرب من صمت لي فالدار لي مدة طويلة دابا باش مبقاش كيدخل ويسمع هاد صمت بسبب نهيلة لي ديما مرونة دنيا بالغوات تاعها... دخل وبدا كيقلب عليها حتا بقا ليه غير البيت تاعها... قرب منوا ودق الباب دقات خفاف مني مسمع صوت حتا واحد حل لباب ودخل حتا بانت ليه نهيلة ناعسة نعستها شهيرة... كانت ناعسة على كرشها وحاطة فيدها بجوج فوق المخدة ومغطية نصها وشعرها كلوا مغطيها...

يونس قرب حداها وهوا كيضحك على المنظر تاعها : حتا نعاسها مفروح بحالها

_حط يدوا على كتفها وبدا كيزعزع فيها باش تفيق ولكن والو مبغاتش...

يونس وهوا كيزعزع فيها : نهيلة فيقي وااا نهيلة فيقي وخا تكوني مي*تة

_بعد عناء كبير وهوا كيحاول يفيق فيها ولكن مبغاتش تنوض فالقرر أنه يهز الكاس تاع الماء لي كان محطوط حداه ويخوه عليها على وجهها بعدما حيد ليها شعر من عليها وعرف كمارتها فين إينا جيهة كينة...

_قفزت من نعاسها وهيا كتشهق بالسباب الما لي تخوى عليها....

نهيلة : اعوذ بالله من الشيطان الرجيم أستغفر الله العلي العظيم
يونس حط الكاس فالبلاصتوا وشاف فيها : دخلتك الإسلام من اول صدمة