بنت الكاريان والمشهـور الوسيـم

البارت 61

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 61
_دخلات لصالون لي كانوا باركين فيه كلهم من غير خوتها صغار...

هدى(الجدة) : تبارك الله مشاء الله اجي ابنتي بركي حدايا
يونس هز راسوا لي كان حاضروا لجيهة تاع لباب وهوا معارفش شكون هادي لي داخلا
هدى : تبارك الله زينة مشاء الله
خديجة دفعتها بشوية : سيري حداها انهيلة
نهيلة مشات حدا هدى وبركت
هدى : مشاء الله زوينة (شافت فاليونس) تبارك الله عليك عرفتي تختار
يونس وهوا باقي مصدوم ومفاهم والو : لا الجدة راه ماشي هيا هادي هادي انا مكنعرفهاش انا
نهيلة عفطت ليه على رجلوا حيث كان بارك قريب منها فالسداري لي حداها... قالت وهيا كتضغط على كل حرف : مال حب مك ممتيقش
هدى : كيفاش اولدي
يونس بتوتر : والو والو
هدى ضارت كتشوف فالنهيلة وهيا مبتاسمة : حتا ولدي تصدم من جمالك بحالا اول مرة يشوفك ولكن راك زوينة تبارك الله
أحمد بدا كيكحب : اوا ولدي...
يونس : يونس سميتي يونس
احمد : اوا اولدي يونس بنتي راه هبيلة ومعندها عقل والى كنتي متهزش بالهبالها خليها فدار باها يعني لي نطولوه نقصروه
يونس شاف فنهيلة بسخرية : الله يودي هبالها على راسنا وعينينا
هدى : اويلي على هبيلة حشومة تقول هكا عليها شوف تبارك الله كي متبتة ومحصنة
احمد : لا نقوليكم اش فيها من دابا باش الى مكنتوش ديروا ليها خاطرها خليوها فدار باها
هدى : ميكون غير الخير ان شاء الله
يونس شاف فأحمد : الى جات على خاطرك طبعا بغيت نهدر معاها ونتفاهموا على شي حويج باش لوافقت مرحبا
نهيلة : ياك حنا متافقين
يونس عفط عليها وشاف ببتسامة صفرة : غير كين شي حويج خاص تعرفيهم وصافي
احمد : اه ماشي مشكيل اولدي سيروا تفاهموا (شاف فنهيلة) نوضي ديه وسيري لبيتك وهدروا
نهيلة وقفت وشافت فيه : وخا يله نوض

_مشات نهيلة لبيتها ويونس تبعها وهوا كيطلع وينزل فيها حيت معرفهاش...

يونس دخل وسد لباب : شكون نتي
نهيلة : أنا جنية لي غادة ضربك اويلي على شكون أنا... أنا نهيلة
يونس حط يدوا على وجهها : لا نتي فصوتك هيا وحتا تصروفاتك لعوجة هيا ولكن وجهك ولحمك لا ماشي هيا أبدا
نهيلة دفعتوا عليها : انعل شيطان احنيني راني غا نهيلة والى متيقتيش أجي نقولك فوذنك