بنت الكاريان والمشهـور الوسيـم

البارت 12

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 12
أحمد : مستحيل نخليك تمشي... اويلي باش تقابلي شي حد غادي تاخدي هاد المبلغ كلوا طبعا كينة شي حاجة باش غادين يخلصوك هكا
نهيلة : راهم لباس عليهم ابا وباغين لي يتهلا فيها وويدون نتا واش مكتيقش فيا...؟!
أحمد شاف فيها : كنتيق فيك كتر من راسي
نهيلة : وخليني نمشي عفتك ابابا وغادة نبقا ديما نهضر معاكم ونهار الأحد نجي عندكم
أحمد : وواعديني الى لقيتي حاجة ماشي مزيانة تم تجي وخا معرت شنو يكون ومتصبري على والو
نهيلة : كنحلف ليك بلي الى لقيت اي حاجة كعدبني ولا تعصبني ولا ماشي تلهيه غادة نجمع حويجي ونجي
أحمد : الله يرضي عليك وسمحي لينا ابنتي
نهيلة باست ليه يدوا : الله يخليكم ليا وبلا بيكم أنا راه والو
أحمد : ايمتا غادة تمشي...؟!
نهيلة : يا غدا فليل ولا بعد غدا فصباح
أحمد : خلي حتال بعد غدا فصباح أفضل
نهيلة : صافي دابا نشوف

_بقاو باركين كيتفرجوا وحتا خوتها جاو بركوا حداهم.... بعد مدة ناضت حطت خديجة لعشا وتجمعوا عليه باش ياكلوا... نهيلة كلات غاشوية حيث كانت واكلا ومن بعد ناضت صلات ومشات لبيت تاعها لي مشارك معا ختها وتلاحت فوق ناموسية وهزت تلفون.....

_فتحت تلفون وبان ليها اشعار تاع 200dh دخلتها تعبئة...

نهيلة وقفت فوق ناموسية وهيا كتشوف فالميساج... : اواه ولد الكلبة دارها بصح ويلي ويلي

_بدات كتنقز فوق ناموسية وتضحك بحال شي هبيلة....

نهيلة وقفت من تنقاز : ويلي على شلوطية نهيلة عندها فقشقاشها 200dh تعبئة ههه

_رجعات تكات فناموسية وضارت رجل فوق رجل....

نهيلة وهيا كتشوف فتلفون : المشكيلة هاد تلفون الى مشيت بعتوا مغاديش يجيب 200dh (بدات كتشوف فيه وتهضر معاه...) فيك تعبئة غلا منك اولد الكلبة اوا شكون بحالك اصكع ليااام 

_فتحات تلفون ودخلت لموقع الإلكتروني باش تأكد واش بصح كينة تعبئة....

نهيلة بعدما خدم ليها الفيديو : ويلي والله حتا بصح (باست تلفون) سيري الله يعطيك متمنيتي ولا خاصني ندعي معا داك المسلوت أما نتا مال مك.... بلاتي بعدا نمشيو نقبلوا على داك المسلوت نشوفوا حريرتوا فين كينة

_دخلت الموقع اخر وكتبت فيه يونس لمصراوي وهوا يطلعوا ليها تصاوروا...