အရှင်မင်းကြီးနေမကောင်းဘူး [ Completed]

Chapter 56

နောက်ရက်အနည်းငယ်အတွင်းမှာ လျောင်ချင်းချင်းဟာလယ်ယာစိုက်ပျိုးရေးထွက်ကုန်ဌာနက ကိစ္စရပ်တွေကိုစီစဉ်ပေးခဲ့ပြီး သူမခြံဝန်းထဲကအာလူးတွေကိုဂရုစိုက်ခဲ့သည်။ တစ်ချိန်တည်းမှာပဲ သူမအထုတ်အပိုးတွေကပြင်ပြီးလုနီးပါးဖြစ်နေပြီ။

တော်ဝင်ကိုယ်လုပ်တော်တွေက သူမရဲ့လျောင်အိမ်တော်ကိုသုံးရက်တာပြန်နိုင်ခြင်းကို မနာလိုဖြစ်နေကြပေမဲ့ ‌ဧကရာဇ်ကျင်းလိကတော့သိပ်ကြည်ပုံမရ‌ပေ။ သူမမထွက်ခွာခင်တစ်ရက်မှာဧကရာဇ်ကျင်းလိက သူမအရှေ့မှာထိုင်ပြီးလျှောက်တင်လွှာတွေကိုသုံးသပ်နေခဲ့တယ်။ မကြာခဏဆိုသလို သူကသူမကိုလှမ်းလှမ်းကြည့်နေသည်။

လျောင်ချင်းချင်းက အရင်ဘဝမှာမိသားစုမရှိခဲ့ဘူး။ သူမရဲ့နှလုံးသားထဲမှာ မိသားစုချစ်ခြင်းမေတ္တာကို ပြင်းပြင်းပြပြတောင့်တနေခဲ့တာဖြစ်သည်။ ပုံမှန်အားဖြင့် သူမကကမ္ဘာတုန်လောက်ဖွယ်ချစ်ခြင်းမေတ္တာကိုပြသတဲ့ ရုပ်ရှင်တွေနဲ့တီဗွီရှိုးတွေကိုကြည့်တဲ့အခါမှာ သိပ်အများကြီးမခံစားရပေမဲ့ ကြည်နူးဖွယ်မိသားစုချစ်ခြင်းမေတ္တာကို ကြည့်လိုက်မိတာနဲ့ ရုပ်ရှင်ရုံထဲမှာတတ်မတတ်ချက်မတတ်ငိုတတ်သည်။ သူမအိမ်ပြန်ရောက်လာတောင်မှ အိပ်ရာပေါ်မှာထိုင်ပြီး ဆက်ငိုတတ်တယ်။

သူမကမိသားစုချစ်ခြင်းမေတ္တာကိုတောင့်တခဲ့တယ်။ ထို့ကြောင့် သူမကဧကရီမယ်တော်ကြီးကိုနှလုံးသားတစ်ခုလုံးနဲ့ အကြွင်းမဲ့ဆက်ဆံခဲ့တာ။ အရင်က အကြီးဆုံးသခင်ကြီးလျောင်ရဲ့ကဖျက်ကယက်လုပ်မှုကြောင့် သူမကတမင်တကာဒုတိယသခင်ကြီးလျောင်နဲ့ကျီရှီဆီကနေ ဝေးဝေးနေခဲ့တာဖြစ်သည်။ အခုအကြီးဆုံးသခင်ကြီးလျောင်နဲ့ဒုတိယသခင်ကြီးလျောင်တို့ ဆက်ဆံရေးပြတ်တောက်သွားတာမို့ သူမသွားပြီးသူတို့ကိုတွေ့နိုင်ပြီဖြစ်သည်။ သူမမျက်နှာတစ်ခုလုံးက မျှော်လင့်စောင့်စားခြင်းတွေနဲ့ ပြည့်နေသည်။

ဒီအခြင်းအရာကဧကရာဇ်ကျင်းလိကို အနည်းငယ်မကျေမနပ်ဖြစ်သွားစေပြီး ချောင်းဖွဖွဟန့်လိုက်တယ်။ လျောင်ချင်းချင်း ဧကရာဇ်ကျင်းလိကိုကြည့်လိုက်တယ်။ ဧကရာဇ်ကျင်းလိကသူမကိုကြည့်မလာခဲ့ဘူး။