مساء الحُب حلوياتي
اخباركم ؟ و أخبار رمضان معاكم ؟
يا رب ينعاد عليكم بالصحة و السلامة و يبلغكم
أيام العيد لا فاقدين و لا مفقودين .
-
أعدت نشر الرواية لأني بكملها بعد العيد لذا اللي حاب
يقرأ التكملة بعدين يقرأ من البداية تجنبًا للتعليقات اللي
ما احبها ( مين هذا و ما اذكر شي و متى صار و نسيت
و يبي لي ارجع اعيد اقرا ) و اللي مو حاب يقرأ التكملة
خلاص براحته .
و اللي قرأ الرواية و لسه حافظها بس حاب ينعش
ذاكرته و ما يبي يقرأ البارتات تحت هالسطور راح أحط كذا نقطة مختصرة جدًا للأحداث اللي صارت من البداية .
-
القديس
- تميم كان رئيس عصابة إحتيلاية و اختلاسية في السرقة و غسيل الأموال و
جنى ثروة من ورى هالشي
- تميم عنده اثنين متعاونين معاه ( إياس و أصيل ) و كانو معطينه
كل الثقة في أموالهم
- تميم بلغ الشرطة عن بعض عمليات الاحتيال و الاختلاس
اللي كانت عن طريقه و بلغ على إياس و أصيل بباقي
الجرايم كلها و شهد زور ضدهم في المحكمة
اللي كلفتهم ١٢ سنة سجن .
- تميم عنده زوجتين ، زوجته الأولى عنده اخوان ماسكين الفلوس
مع تميم و الزوجة الثانية على قد حالها تزوجها تميم ع شان تجيب
له عيال لأن الأولى ما تقدر و جا له ولده الوحيد ( آدم ) .
- أصيل و إياس افترقو داخل السجن كل واحد راح لعنبر
مختلف و كل واحد صار يخطط لحاله كيف يقدر ينتقم
من تميم إذا طلع من السجن .
- مرض تميم و صار على فراش الموت و لأنه ما يثق بأي أحد
غير الاثنين اللي خانهم ف عطى كل واحد فيهم نص
مفتاح لبوابة خزنة ثروته في سويسرا و النص الثاني لولده آدم
و قال له أنو هالاثنين بيجون له ع شان الفلوس اللي
يثق فيه عدل يعطيه النص الثاني و يتقاسم معاه الفلوس .
- أم آدم سمعت عن مخطط أخوان زوجة تميم الأولى
بأنهم بيذبحون آدم و يستولون على الفلوس لذا هربت مع
ولدها سرًا و بشوية الفلوس اللي عندها بين الدول ع شان تهرب من
عيونهم و استقرت في أمريكا ،
هناك خدعت اللي بالكنيسة بأنهم تايهين و ان آدم أخوها
( اخفت انه ولدها ) و تبيه يصير قس ،
صار قس قدام الناس و احترموه و ساعدهم كثير لدرجة صارو ينادونه
( القديس ) .
- من جهة ثانية داخل السجن ( إياس ) تعرف على اثنين
و قال لهم قصته هم ( سراج و ترف ) و قررو يساعدونه
و ع شان يعرف شلون يفكر أصيل خلى ترف يروح له سجنه
و يتقرب منه لين نشأت شوية مشاعر بينهم هناك
( أصيل و ترف )
- أصيل كان متعاون بالسر مع زوجة تميم الأولى و اخوانها
و كان أخوه ( عقيل ) يساعده بعد عشان يلقون آدم قبل إياس. .
- قدرو جميع يحددون آخر مكان تواجد فيه آدم اللي هو أمريكا
و بالتحديد المنطقة اللي هو فيها بس ما عرفو شلون يوصلون له
، القديس اللي هو آدم نشأت بينه و بين ( اياس ) علاقة صداقة
و بدت تتطور لحب بدون ما يدري اي
واحد مين حقيقة الثاني .
- ينكشف آدم عند الكل انه مو قس و يحاولون اخوان زوجة أبوه
يأذونه بس يجون يساعدونه ( أصيل و اياس ) و يحاول اياس يقنع
آدم انه يحبه بدون طمع
بالفلوس و يتنازل عن المفتاح لأصيل بس آدم يرفض و
خوفًا منهم انه ينقتل قررو يساعدونه يرجع السعودية و يطلع للعن
بشكله و بأسمه ( آدم تميم )
ع شان يحمونه مؤقتًا .
- ترف صار جاسوس و عاش مع أصيل اللي اعترف له بحبه
الكامل و حبهم متبادل بس يشوبه أن أصيل ما يدري عن تعاون
ترف اياس و انه ينقل له كل
خطواته.
- عقيل و سراج صارو مقربين بعد و عقيل ما يدري أن سراج
تقرب منه بعد ع شان يعرف خطوات أصيل .
لهنا و للحديث بقية مع باقي البارتات .
طبعًا أنا ما أحب أحذف رواية أو ما أكملها حتى لو بعد
سنين لذا بكملها لعيون اللي كانو منتظرين النهاية .
+ التواريخ في الرواية جدًا قديمة بسبب اني كاتبتها من
قريب ٨ او ٩ سنوات و بكمل على نفس التواريخ .
و قراءة ممتعة للي ناوي يقرأها من البداية .
القاكم على خير .
