سلام جميليني ..
آسفة ع التأخير في تنزيل البارت بس هالرواية مسحوب عليها
كثير منكم ، آسفة بس الرواية اللي م أشوف فيها تفاعل أحطها آخر
أولوياتي بالنسبة للروايات الثانية : (
ومن بعد هالبارت راح تبتدي الأحداث بدون العودة كثير بالماضي ..
/
كَيفْ لي أن أُعيدْ نبض سَرقه الغيآبْــ
21 يوليو 2012 ..
فتح عيونه بإرهاق يمكن م نام ساعة زمان بس ، أيام كانوا يلهون بالفلوس
مع إياس و تميم سوى كِل شي يخطر ع البال إلا أنه مارس مع أحد
يكتفي بقبلات بسيطة بس و لأول مرة كان على حافة أنه ينجرف ،
هالولد دخل حياته من دون سابق إنذار و بدى يلخبطها بأقل من شهر ..
قام من السرير و رفع عيونه لفوق بس م شافه في السرير سحب فوطة
ودخل الحمام أخذ له شاور و طلع و كان كم واحد صاحي فيهم ..
قرب منه وهو يعطيه كوب شاي : جلسنا على فتحة الباب و طلعوه سألت
بلقافة الشرطي عنه قالوا راح ينقلونه لزنزانة ثانية مدري وش السبب ..
أصيل أخذ كوب الشاي و مع أنه ماسكه بكفه كامل بس م حس بحرارته
شي في داخله كان يشتعل لذا بعد عنه و صب كوب الشاي ع سرير
ترف ..
أصيل : نظفوه ..
ركض واحد وسحبهم ع شان يغسلهم ..
ــ
6 فبراير 2013 ..
في السجن وقت الزيارة ..
أصيل بصدمة : من جدك !!
عقيل هز راسه : أيوه بعد ما أشتغلت عندهم فترة أكتشفت أنهم مكذبين
ع الناس ..
أًصيل يحاول يستوعب : و آدم هرب بالفلوس ؟
عقيل : لا بعد ما نجحت بصفقة كبيرة فتحوا لي أهدافهم هو هرب لأنهم
كانوا يآخذون الفلوس منهم بالغصب ..
