تفاعل لطيف : ) ؟
كان حلمي بِك نجمة صغيرة ف أصبحت الشمس !
ــ
إياس فتح عيونه بأوسعها : شقصدك ؟
آدم بعد عيونه عن إياس : بدأ دوامي هنا م قدر اتأخر .
مشى آدم عن إياس إللي ضل واقف يطالع فيه لين أختفى من عيونه .
ــ
من جهة ثانية فتح عيونه ببطء و ما شافه منسدح جنبه لذا على طول
قام من فوق السرير و بيفتح الباب بس سمع صوته يتكلم ..
أصيل : إللي يغدر فيني مرة ما أثق فيه لذا دوروا عن آدم بروحكم
و أنا بضل بروحي .
جاسم : افاا ما قلنا لك خطتنا ع شان م تتسرب أو شي م كان قصدنا
نطنشك يعني ..
أصيل : الزبدة أن الولد فلت منكم و أنا بتفاهم معاه بطريقتي و لا تتوقعون
أني بحط يدي في يدكم من جديد ..
جاسم : م راح تحصل ع المفتاح إذا صدناه قبلك.
أصيل بسخرية : شدوا حيلكم .
سكر أصيل الخط و ضل كم دقيقة و بعدين فتح ترف الباب ..
أصيل التفت له : صباح الخير .
ترف قرب منه وهو يحرك شعره : أخذتني نومه ...
أصيل أشر على مكان جنبه و جلس ترف .
أصيل : شلون دوامك ؟ م عندك اليوم ؟
ترف تذكر انه مكذب على أصيل : أ..خلصت الكورس الأول و شهر
و يبدأ الكورس الثاني .
أصيل : حلو يعني فاضي ..
ترف هز رأسه : ايوه .
أصيل حرك شعر ترف : أنا م فيني حيل أسوي أي هالفترة .
ترف تسند على أصيل : خلنا نضل كذا أجل .
أصيل : ههههههه راح نعفن من الجلسه ..
ترف : يومين ما تضر بس نجلس نسولف فيها لاحقين ع الشغل
و الأيام اللي م نفضى فيها .
أصيل باس جبهة ترف : بجهز لنا فطور ..
