<Unicode>
သူလေယာဉ်ကွင်းမှ ကားငှါးကာ အိမ်ကြီးဆီသို့သာ သွားလိုက်တော့သည်
ခြံရှေ့ရောက်တော့ သူမှင်သက်နေမိသည် ခြံကဒီလောက် ကျယ်မယ်လို့ ထင်မထားဘူးလေ တကယ်ကိုအကျယ်ကြီး အပင်တွေဆိုတာလဲ စုံလိုက်တာမှလွန်ရော အဝင်ဝကနေလှမ်းမြင်နေရတဲ့ အိမ်ကြီးကလဲ ထည်ထည်ဝါဝါနဲ့ တကယ်ကို ကြီးမားခံ့ညားလွန်းနေတာ
ခြံတံခါးကစေ့ရုံတင်စေ့ထားတာမို့ သူဝင်သွားလိုက်သည် အိမ်ကြီးဆီသို့သွားသည့်လမ်းတဖက်တချပ်စီတွင် နှင်းဆီပန်းရောင်စုံများကို အစီအရီစိုက်ထားသေးသည် လေယာဉ်စီးလာရတာကြောင့် ပင်ပန်းသမျှအားလုံး ပန်းရနံ့လေးတွေရှုရှိုက်လိုက်ရသဖြင့် စိတ်အမောပြေလန်းဆန်းသွားသည်
အိမ်တံခါးမကြီးဖွင့်ထားသဖြင့် အထဲသို့ဝင်သွားလိုက်သည်လူရှိနေသည့် အရိပ်အယောင်မတွေ့သဖြင့် အော်ဟစ်ကာ ခေါ်ကြည့်လိုက်သည်
'' ဟယ်လို ဟယ်လို ဘယ်သူမှမရှိကြဘူးလားဗျ ´´
အန်တီကြီးတစ်ယောက် လှေကားဘေး အခန်းတခုအတွင်းမှ ထွက်လာတာတွေ့လိုက်ရသည်
'' ဟယ်လို မင်းက မစ္စတာကင်ထင်တယ် မင်းရောက်လာတာ စောသားပဲ မစ္စတာကင်ဆိုလို့ အသက်ကြီးကြီးမှတ်နေတာ ငယ်သေးတာပဲ ´´
'' အဲ့ဒါက ကျွန်တော့်ဦးလေးပါ ကျွန်တော့်နာမည်က ကင်ထယ်ယောင်းပါဗျ အန်တီအဆင်ပြေသလို ခေါ်လို့ရပါတယ် ´´
'' ဟုတ်ပါပြီ မင်းညနေမှရောက်မယ်ထင်လို့ ထွက်မကြိုမိတာ မစ္စတာဂျော်ဒန်ကလဲ ခြံထဲပတ်ကြည့်နေလို့ ခဏစောင့်အုံးနော် ကောင်လေး သွားခေါ်ပေးမယ် ´´
'' ခေါ်စရာမလိုတော့ပါဘူး အန်နာ ငါရောက်ပြီ ကောင်လေး မင်းအတွက် အပေါ်ထပ်က ဝရံတာနဲ့တွဲရက်အခန်းကို ပြင်ပေးထားတယ် အဲ့မှာနေလို့ အဆင်မပြေရင် အခန်းပြန်ပြောင်းပေးမယ် အချိန်မရွေးပြောနော် ´´
'' ရပါတယ်ဗျ ကျွန်တော်ကဘယ်မှာနေနေ အဆင်ပြေပါတယ် ကျွန်တော့်အတွက် အလုပ်ရှုတ်မခံပါနဲ့ ´´