الكبيره ٢ بقلم / لولو_محمد

الحلقه ١٣

(((((((( الكبيره ٢)))))))))
#لولو_محمد
الحلقه ١٣
عباده / انهى شر بعد ما يجيلى تليفون اصحى يا كبير بنتك نطت من فوق السور مع جوزيف انهى شر ممكن يجرالى اكتر من كدا طب الاول كنتى مخطوفه و بقول غصب عنك و اى كان اللى هيجرالك هناك غصب عنك انما انتى رايحه معاه بكيفك و من ورايا من غير علمى و لا اذنى

نجاه / مش هعمل كدا تانى ... وعد

عباده / انا طول عمرى بعتبرك مصدر فخرى

نجاه تعيط

عباده / انا ما بقولش كدا عشان انتى بقيتي العكس بس عشان بخاف عليكي ... بخاف عليكي من نفسك انا اقدر ... بحاول احميكي من الدنيا بس مش هقدر احميكي من نفسك .. عاوز اموت واقف زى الرجاله يا نجاه ما تكسرينيش قدامهم

نجاه ترمى نفسها فى حضن ابوها يطبطب عليها و يبوس راسها و هى بتعيط

عباده / اوعى يلا وريني بقي علمك ايه ابن رشيد

نجاه تبص لابوها يمسح دموعها

عباده / نطيتي من فوق السور يا بت دا انا ما عملتهاش فى حياتى

نجاه / وقعت

عباده / و هو

نجاه / زبده

عباده / نعليله السور و نركب حديد على الشبابيك و نحط سلك شايك كمان اما نشوف اخرتها مع سي فرقع لوز ده

نجاه / هو عم رشيد كان زيه كدا صح ؟

عباده/ عمك رشيد كان فيه البدع ... بس ما كانش كافر يا نجاه

..........................

نجاه تبص فى الارض

عباده / ليس بعد الكفر ذنب يا بنتى

نجاه / احنا ربنا كرمنا و اتولدنا مسلمين فى ناس تانيه ما كانتش محظوظه زينا بس اكيد باذن الله يعني لما يلاقي حد يكلمه و يوريه الحقيقه اللى بجد ها...

عباده / انك لا تهدى من احببت و لكن الله يهدى من يشاء

نجاه / نعمل اللى علينا عشان لما نقف قصاد ربنا ما نبقاش قصرنا يشيل هو بقي نتيجه أفعاله

عباده يتنهد و يروح يفتح لنجاه باب العربيه تروح تركب

عباده / سديتي قصاده جامد على فكره

نجاه تبتسم عباده يقفل الباب و يروح يسوق يعدى بالعربيه من جنب دياب و منصور و جوزيف يلمحوا نجاه بتمسح دموعها

جوزيف / كنت عاوزنى فى ايه يا منصور

منصور / الكلام اللى قولته امبارح ... بخصوص مراتى

جوزيف / بخصوص الخاين اللى فى بيتك

منصور / عملته ليه

جوزيف / سبته عايش ليه