ဇနီးချောလေး (Completed)

31-35

Part 31

ထန်ထန် တစ်ယောက် အွန်လိုင်းရှော့ပင်းအကြောင်း သင်ပြီးကတည်းက ကမ္ဘာသစ်တစ်ခုထဲရောက်သွားသလိုခံစားလိုက်ရတယ်။ သူမရဲ့ကမ္ဘာသစ်မှာ အလွန်ကိုစိတ်လှုပ်ရှားနေပြီး နေတိုင်းလိုလို အင်တာနက် ပေါ်မှာ အချိန်အတော်ကြာ ရှာဖွေနေတတ်တယ်။ သူမအနေနဲ့ ဒီလိုမျိုးရှာဖွေတာက အရမ်းကိုအဆင်ပြေပြီး သူမလိုချင်တာတော်တော်များများကို အွန်လိုင်းမှရရှိနိုင်တာကြောင့် ပစ္စည်းဝယ်ရန် ချိုင်းထောက်သုံးပြီး လျောက်သွားဖို့မလိုအပ်တော့ပေ။

သူမရဲ့အကျင့်အတိုင်းပဲ တွေ့သမျှအရာအားလုံးကို လက်လွတ်စပယ်မဝယ်ပေ။ မတူညီတဲ့ ဝဘ်ဆိုဒ် များမှ များပြားလှတဲ့အရာတွေကိုလေ့လာရင်း ကမ္ဘာကြီးအကြောင်း ပိုမိုလေ့လာလို့ရတဲ့အတွက် အတော်လေးသဘောကျနေတယ်။ အရာအားလုံးထက် သူမသဘောအကျဆုံးအရာက အ၀တ်အစားပိုင်းပဲဖြစ်တယ်။ သူမရဲ့ စျေးခြင်းတောင်းထဲမှာတော့ များပြားပြီးဒီဇိုင်းစုံလင်တဲ့ အမျိုးသား၀တ်, အမျိုးသမီးဝတ်တွေ, ကလေး၀တ်တွေနဲ့ ပြည့်နှက်လို့နေတယ်။ ဒါပေမယ့် သူမ ဒါတွေကိုဝယ်မှာ မဟုတ်တာကတော့ အသေအချာပဲလေ။ သူမအနေနဲ့ ဒါတွေကို နမူနာပုံစံယူပြီး သူမဘာသာ ချုပ်လုပ်ဖို့အတွက် လိုအပ်တဲ့ပစ္စည်းများကိုသာ ၀ယ်ယူမှာဖြစ်တယ်။

သူမရဲ့ရည်ရွယ်ချက်က ကျိယန် အရှေ့မှာ လှပနေဖို့ပဲဖြစ်တယ်။ သူမ ဟိုတလောက မြင်ဖူးခဲ့တဲ့ အဖြူရောင်၀တ်စုံကို ဖန်တီးဖို့ဆုံးဖြတ်လိုက်တယ်။ သူမရဲ့ကိုယ်တိုင်းနဲ့ လိုအပ်တဲ့ပစ္စည်းပိတ်စတွေကိုညှပ်ကာ တစ်ရက်အတွင်း အပြီးချုပ်လိုက်တယ်။ သူမချုပ်ထားတဲ့ ၀တ်စုံက ဆိုင်မှာတွေ့ခဲ့တဲ့ဝတ်စုံအတိုင်းကွက်တိတူညီပြီး လှပနေတယ်။ တကယ်လို့ သူမ၀တ်ထားတာကို မြင်လိုက်ရမယ်ဆိုရင် မသိတဲ့သူတွေအတွက်ကတော့ ဒီ၀တ်စုံက ဆိုင်မှဝယ်ထားတယ်လို့သာ ထင်ကြမှာဖြစ်တယ်။

‘’ပေါင်ပေါင်, မာမီ ဒီ၀တ်စုံနဲ့ ကြည့်ကောင်းရဲ့လား...’’

သူမက အသေးလေးရှေ့မှာ နှစ်ပါတ်လောက်လှည့်ပြီး မေးလိုက်တယ်။

ကျိရှောင်ကျိုး  က တွေးပင်မတွေးတော့ပဲ ချက်ချင်းခေါင်းငြိမ့်ပြလိုက်ကာ လက်နှစ်ဖက်လုံးမှ လက်မများကိုထောင်ပြီး