جبروت القلب

آلُبُآرتْ آلُثُآنْيُ

#بقلمي رماد _ جبروت القلب

"""""""""""""""""""""""""'""""""""""""""""

وإن سألوني يوماً عن كُل ما هو جميل في حياتي سأكتفي بذكر أمي ! ❤️🥺

""""""""""""""""""""""""""'"""""""""""""""

صحيت على صوت عنود تصرخ وتكول الحقونيي
عزام الحقنييي رح اجييييب ركض

عزام بسرعه وانا صعدت وراه

دخلنا لكينا عنود واكعه بالأرض وتصرخ ركض عليها عزام وكلها ع كيفج أخذي نفس

وكلي جيبي عبايه وشال بسااااع ركض دورت بالغرفه وجبت شال وعبايه ولبستها وركضنا فيها للمستشفى بعد ما امنت

الجهال عند دعاء وصلنا المستشفى ودخلنا قسم الولادة والممرضات اخذو عنود من ايدي وجهزو غرفه العمليات واستنينا

انا وعزام برا اسمع صوت عنود وابجي خفت حيل ياربي احس عنود رح تموت وهي جايبه طفلين قبلي ربي ساعدني بعد ساعة من الانتضار نورت "ورده" رحت على عزام وكتله

انا رح اروح مع الممرضه علمود ورده خطيه وانته ابقى هنا لما تصحى عنود هزلي راسه

ومشت مع الممرضه وصلنا
الحاضنه وباوعت على ورده من شباك تزلت دموعي وانا اباوع ع ملاك الصغير دعيت ربي يحفظها وتكون من صالحين

شوي ورحت عند عزام سالتو اذا عنود صحيت كلي اي صحيت وسالت عن بنتها كتله يلا نفوت نطمن عليها حط ايده على ضهري وكلي يلا

دخلنا عندها كانت صاحيه كلتلها الحمدلله ع سلامه بس دارت وجها  وماردت

ابتسملي عزام وكانو يكلي ميخالف لاتهمتي.

كلها الحمدلله ع سلامتج نورت وردتنا ابتسمتلو وكالت الله يسلمك حبيبي فده لوجهك شفت بنيتنا كلها اي شفتها حلوه تشبهج

ليلي اباوعلهم واحس بالغيره ماكدر ما اكول اني ما احب عزام بس ضروف ضدنا وكلشي ضدنا وضد هاذا الحب
اووف اخنكت وطلعت برا الغرفه ورحت اقعد بزاويه بالمستشفى صرت افكر شلون رح اولد واقضي حياتي هيج وهمين طفلي رح يتعب وياي هواي

شوي وحسيت احد قعد صفي باوعت عزام كتله شكو حط
راسه ع كتفي

:-شبيج ليش طلعتي

:- اخنتكت شوي وطلعت اشم هوا

:- زين هسا احسن

:- اي احسن لا تشغل بالك

:- دامنا بل مستشفى خلينا نطمن ع صحت الطفل ونعرف جنسو

:- لا ماريد هسا واصلا ماضل شي واولد

؛- عفيه وانا منو يهتم بيه ذيك جابت وانتي رح تيجين وانا منو يهتم بيه

:- ليش شكو جاهل انت وتريد احد يعتني بيك