جبروت القلب

بارت الثاني عشر ♥️

طشت اسنيــن المحبــة ومن بگاياهـن شلــم 

مـرة تغفـه جروحي بيه ومـره احــن وانلچم

لـ عريان سيد خلف

فصلت الخط امي من مروى وكامت بسرعه 

دعاء:- شكو ليلي ،شبيج 

ليلي:- مادري حجتني مروى تصرخ وتبجي تكول عزيز كسر البيت 

اثناء ما نحجي دخل تيم وملهم ع صوت امي 

ليلي:- امشي يمه نشوف شكو  

هزيت راسي ومشيت بس ملهم رفض يتركنا لوحدنا ومشى ويانا وامي تدعي طول الطريق وصلنا للبيت جان صوت عزيز راج البيت 

ليلي:- شبيكم يمه شكو 

مروى:- لحكي خالتي عزيز معصب لانه مرته حامل ومايريد طفل ضربه وكسر البيت 

ليلي:- أستغفر الله العظيم ، شبيه اخوج هذا رزق ماكو احد يعترض على حكمه رب العالمين امج وين 

:- امي بسوك هي ورده ماكو غيري اني وزينب 

راحت امي بتجاه عزيز يلي ما وكف ضرب بالباب لان زينب حابسه نفسها بالغرفه 

:- فتحيي باب ولج موكتلج ماريد طفل اني لو لا

مانسمع غير صوت بجي زينب كسرت خاطري هواي متساهل عزيز الجلب جتفت ايدي اباوع المسرحية هاي نزلت امي مجلبه بعزيز وتهدي بيه 

:- اهدا يمه الله يرضى عليك مو هيج تنحل المشاكل 

:- شهدا خاله شهدا بنت الجلب كلتلها ماكو اطفال ماريد طفل هيا تجيني تكول حامل 

جاوبته بعد ما فرات اعصابي 

:- وهو بيدها يعني حمل وصار 

:- انتي انجبي 

جاوبته بعصبية ودمي فار 

:- ما انجب ، كلنا ندري انك مو كفو وحيوان بس هذا نصيب الطفل 

هجم عليه وجر شعري باوعلي وشرار يطاير من عيونه