جبروت القلب

آلبآرت سٍآبعٍ

كُل شيء من حَولي كان مُغبرًا،الأرض و الناس و الأشجار و الأماكن وَحدها عيناك كانت سمائي الصافيّة♥️.
_______________________________________.

ملهم:-شلونج سراب

درت وجهي وصارت عيني بعينه هو والله ملهم
صديق طفولتي وحبيبي من انا صغيره احبه عشت طفولتي وانا افكر فيه بس للاسف بيوم اجا ودع امي وكال انو يسافر يدرس لبرا ومارجع اليوم التقيت بيه دقات كلبي صارت تنسمع واحس برجفه سرت بجسمي

اردفت بخجل وتوتر
سراب:- زينه الحمدلله وانت شلونك

اردف ببرود وعيونه بعيني
:- انا هم زين الحمدلله ، شكد حجو عنج لدرجه اتمنيت اشوفج اذا نفسج صديقت طفولتي القديمه
وهسا شفتج طلعتي حلوه هواي تخيلتج مثل زمان ايام ماكنا صغار

:- ماكو احد يبقى على حاله الكل يتغير ،حتى انته تغيرت هواي

لسا يريد يجحي ونادا عليه تيم اخوه  استأذن وراح

اردفت بضوجه
:- هسا وكتك تيم ردت اعرف شيريد يحجي هففف

رجعت للصالون عند امي

ليلي:- يلا سراب نريد يروح هسا ابوج يتصل من صبح انا هنا

دعاء:-  ماكو روح خليج للغدا يمعوده مايصير

ليلي:- ماكو داعي كلبي مو جايه اختبرج مبارك عليكم رجعت ملهم ومولود الجديد  (حسن) ابن تيم

جهزت نفسي  وطلعنا انا وامي نتمشى للبيت لانو تيم وملهم طلعو وماكو احد يوصلنا

درت وجهي على امي

:- يوم شلون تعرفتي على خاله دعاء

تنهدت امي تنهيده طويله

:- عشرت عمر انا وياها يمه من زمان كنا انا وياها صديقات كضينا طفولتنا سوا وتزوجنا وجبنا جهال واحنا وحده تسند الثانية

ابتسمت بحب على صداقت امي وخاله دعاء ،كلت مادام الجو مناسب وامي رايقه اسالها عن اهلها

:- يوم طيب سؤال ثاني  ، بيت جدي اهلج يعني وين ليش ولا مره حجيتي بيهم أو اجو لعنا واحنا رحنا عليهم

دمعت عيونها واردفت بقهر

:- جدج ضالم يمه مايحبني زوجني ابوج غصبن عني علمود الفلوس ولما مارضيت انطي فلوس تبره مني

انصدمت من كلام امي شكد جدي بلا ضمير تبره من بنته علمود الفلوس كرهته وكرهت بيت جدي هم

طبطت على ايد امي وبستها
سراب:- ولا يهمج يوم انا موجوده واعوض عن الكل احبج انا

ضحكت امي واردفت بهدوء

ليلي:- ربنا عوضني بيج بعد كل تعبي وحزني شكد تمنيت يكون عندي ولد علمود يسندني بس اجيتي انتي عن الف زلمه قويه وشخصيتج عكسي انا ضعيفه