جبروت القلب

البارت سادس عشر

أنه المَفطوم بِسمُوم العرابيد
وَيعلمني الغَشيم ع الحيَيايه

________________________________________

بعد ماحجت وياي عنود خلت وراحت لغرفتها كعدت ع قفنه افكر هاي شتريد مني ما كفها الي عملتو زمان واذيه الي شفتها عنود مثل اي مره تغار ع زوجها وحقها بس حقد وجبروت عنود فاق الحدود من فتحت عيوني واني اتعذب ع أيدها وايد عمتي منار بس هذيك كفت عني بس عنود الي مصره باي شكل كان تأذيني رجعت ذاكرتي لايامي مع عنود

::::::::::

جنت طفله عمري 12 سنه واحب رسم هواي وبيوم ابوي جان مسافر اخاف من يسافر لانه عنود تسيطر على بيت ومحد يقدر يحجي  كاعده ارسم نجوم وكواكب احبهن هواي فجأة سمعت صوت عنود ترحب باحد كمت اشوف منو جانت بيبي عهود وعمتي منار رحت اركض عليهن مع أني اعرف ما يحبني مدري ليش بس احبهن وجنت شايله بايدي رسمه

:-بيبي ،باعي رسمتي

قدمت رسمتي بكل طفوله الها وجنت أتأمل انها رح تفرح بيها بس الصدمه الي صارت عندي انها شقت الرسمه  هاي رسمتي اردفت ببكاء وقهر

:- ليش بيبي اني تعب واني ارسم بيها

:- انجبي ولج ، مابيج خير عايفه قرايتج وكاعده ترسمين عوجت حلكها وكملت بس انتي امج منو واهل امج منو اكيد تطلعين مابيج خير

ماحجيت سحبت نفسي بهدوء وطلعت واني ابجي ع رسمتي يلي حبيتها اجت عنود وهي ماشيه طلعت ع رجلي صرخت بألم

:- وعمى شبيج كلها دعست رجل لميتي الفرع

ماجاوبتها جنت اتالم شفتها راحت لغرفه امي واسمعها تحجي عليها طلعت امي من الغرفه واتجهت ع مطبخ وعنود راحت الاستقبال عندهن مر وقت واجت امي عامله شاي ورحت قدمته الهن لحكتها واسمع انواع الجحي من عمتي واني ساكته من جابت طاري بيبي ام امي ماسكتت وجاوبتها

منار:- لو امج عندها كرامه جان ماضلت ويا ابوج

:- امي عندها كرامه بس الحق مو عليها ع على ناس يلي بزرتها شر بشر

منار :- شقصدج احنا بزرنا شر بشر ولجج صدك لو كالو قاعدين بحضنا وينتفون بذقنا تفو عليج

عمتي منار هجمت ع امي وجرتها بشعرها ورمتها ع ارض تضرب بيها وعنود همين كل راشدي تضربه لامي اقوى من لخ بجيت وركضت بتجاها احميها بس ما اقدرلهان رحت بتجاه بيبي اترجاها تكوللهن يعوفن اني

:- بيبي حبابه كليههن لا يضربن ماما ابوس ايدج بيبي

قربت اريد ابوس أيدها دفعتي اسمع صراخ امي من ضربهن شفت عمتي منار ضربت امي ع بطنها ضربه قويه  اشوف ثوبها امتلا دم خفت حيل وعبالي ماتتت صرخت بأعلى بس عنود ركضت بتجاهي وجرتني برا الغرفه وحبستني بغرفه امي صارت بيه حاله نفسيه واني افكر انه امي ماتت بعد تقريبا ساعتين واسمع صوت ابوي يصرخ ويتوعد حسيت باب انتفح جان ابوي شكلو جاي من سفر وجه تعبان اقترب مني  واخذني بحنضنه

:- تعالى يابا تعالي

شالني واني ابجي بحضنه رفع راسي ومسح دموعي واردف

:- ليش تبجي سراب ابوها 

شهكت وكلت ببرائه ماما ماتت

:- لا اسم الله عليها عايشه وهسا تجي

:- اي زين

انتضرنا واجت امي وسانديتها خاله دعاء راح ابوي بتجاها وجان خايف عليها ابتسمت من شفتها اخذوها لغرفتها 

اسمع ابوي يحجي وياها ويهتم بيها ابتسمت طلعو واخذوني معاهم لان امي لازم ترتاح اسمع ابوي وخاله دعاء يحجون
وفهمت منهم ان امي جانت حامل وسقطت وللاسف بسب ضرب الحمل صار صعب عند امي خلو وراحو
_____________________________________

سمعت صوت وراي جان ورده ابتسمت بوجها واردفت

:-شلونج حبيتي

ابتسمت

:- الحمدلله حبيبتي وانتي

:- الحمدلله يلا روحي غيري ملابسج

راحت واني انشغلت مع ابوي جان عدنه شغل يريد اخلصه وياه

جان يرن تلفوني جانت فرح رديت وكالت انها جايه هي واهلها المسا كلت لابوي وكال اهلا وسهلا بيهم

صار المسا واجو اهل فرح جانت هي وأمها وبنيه هم سمره وحلوه ملامحها حاده

رحبت بيهم امي وعنود وكعدو وكلام بكلام لحد ما كالت أمه

:- احنا اجينا وعنا طلب يمكم

:- اهلا وسهلا تفضلي حبيبتي شنو طلبج

باوعتلي وابتسمت
:- نريد بنتكم سراب لابنا

انصدمت

لا لا مو وقتهم ابد اجيت ابجي بطني صارت برجيلي من الخوف اخاف يوافقون امي اشرتلي اطلع اسمع امي تكلها

:- نشوف ابوها وان شاء الله نردلكم خبر

:- إن شاء الله ، بس كون خبر يفرحنا

انا طلعت لغرفتي واتصلت بالملهم كتله

كال
:- ارفضيهم وخلص ع شنو خايفه

:- اخاف يوافقون

:- اني ماجنت اريد اخطبج هسا علمود دراستج اصلا جاي ابني بيت علمود ما تخلصين الا والبيت جاهز بس هسا اختلف الوضع رح احجي ويا امي واجي اخطبج
:-اي ، الله يوفقك ماريد اكون لغيرك

:- لا إن شاء الله انتي الي وماتروحين لغيري

سكرت تلفون واتوكلت ع الله نزلت واسمع امي تحجي ويا ابوي كالها

:- القرار بيد سراب ما اجبرها
فركت ايدي بتوتر

:- اي زين ، اني اسألها ونشوف

اخذت نفس

الحمدلله ما يجبروني فرحت حيل

يتبع ٠٠٠٠٠٠٠٠🔥

دمتم بخير وعافية حبايب قلبي ♥️ لاتنسون لايك وتفاعلون ع قصه