جبروت القلب

البارت الثالث عشر

أنا بين الناس ضايع
وديرة غرب وبنصها گاعد
ضـلتك يَمي تكفي بناسها وغربـتها 🤎

______________________________________.

صحيت على ضربات خفيف بخدي واحد ينادي باسمي لما وضحت رؤيه عندي باوعت جان ملهم رجف جسمي جان يباوعلي بقلق وخوف بعدت ايده وسندت نفسي

ملهم:- شلون صرتي سراب ، باعيلي

راسي يوجعني هواي مسكته بألم ونيت

:- همممم ،زينه ماكو شي ، باوعت جانت امي ومروى وخاله دعاء يباوعن بخوف ابتسمت اطمنهم

ليلي:- شلون صرتي يابعد عافيتي ، شنو صار وياج حتى هيج تعبانه

اوجعني قلبي من سؤالها

سراب:- ماكو شي يمه ،بس تعبانه 

ردت اكوم بس حسيت دنيا دارت بيه بسرعه مسكني

ملهم:-الله الله ،على مهلج سراب اني اسندج

باوعت اله وطولت نضرتي عصرني قلبي شلون بيه وهو يحب اختي من تذكرت مروى دفعته عني صح اني ما احب مروى بس ما اكدر اكسر كلبها اردفت بهدوء وحده

:- ماكو داعي اسند نفسي بنفسي ما احتاج احد

باوعلي باستغراب بس ادارك نفسه

ملهم:- على راحتج ، يلا يوم بخاطركم يجماعة.

اخذ خاله دعاء وطلع وعيوني معلكه عليه ، بس دست ع نفسي وطلعت لغرفتي توني كعدت ولا الباب ينفتح عبالك اعصار  دخلت مروى وشر يطاير من عيونها

:- عبالج عبرت علي مسرحيه مالتج وع أساس اغمى عليج وخليتي ملهم يسندج

باوعتلها بأشمزاز واردفت

:- طلعي برا

:- ما اطلع لو ابصر منو يجي لا عبالج اني ضعيفه لو اسمحلج تأخذين ملهم مني امووت

:- بالله ما تتسحين جايه هنا وهداده وتصارخين ع اختج علمود رجل

اردفت بكلام كسرني اكثر من كسري

:- انتي مو اختي ولا عمرج رح تكوني اختي انتي بنت المره الي سرقت ابونا منا واكرهج سراب

دموع انجمعت بعيوني عصرتها حيل ماريد ابجي كدامها بس تعبي زاد وكدات كلبي دمام ، وكفت بتعب واردفت بغصه

:- طول عمري اعتبرج اختي جنت اتمنى من تلعبين تناديني العب وياج جنتي دوم تمشين ورا امج بكلشي بس ولا مره كلج ضميرج اني اختج انو دمي مربوط بدمج اشرت ع كلبها وكلت هاذا ولا مره حن علي وكال اختي

باوعت ببردو وعدم اهتمام

:- مايهمني حجيج هاذا كله اهم شي اني احب ملهم ورح نزوج ابعدي عنه حجت هيج وطلعت

كعدت ع ارض اخذ نفس واشهك ما ابجي ع زلمه حشى ابجي ع اختي يلي بعتني اخخخ ياوجع قلبي نمت على أرض واجا ببالي بيت شعر يوصف حالتي