جبروت القلب

البارت ثامن عشر

#بقلمي رماد

بسم الله الرحمن الرحيم

چا هَيچ اليَحب يَتجازة بِـ الشَوغات؟

لاتسون للتصويت وتعليق على القصه دمتم بخير وعافية حبايب 🌿

_________________________________________.

مر اسبوع على الصار واني محبوسه بغرفتي مثل الاسيره اخذو تلفوني وكلشي رفضو طلب ملهم وابوي منع امي تحجي وي خاله دعاء القهر اكل روحي اكل جروح وجهي طابت بس جروح قلبي شلون اطيب 

صافنه بالفراغ رح يصيرلي اسبوع كاعده وحدي امي ما اشوفها شنو ساويت أو شنو ذنبي صح حبيت بس حبي نظيف

مروى اختي طول عمري اسمع الاخت سند الاختها بس اختي المفروض تكون سندي غدرت بيه واذتني عيوني حركتني مانعه ابجي بس كل مة اتذكر الي صار نار تشب بيه

ملهم معرف عنه شي من يوم الي رفضو

  سمعت دقت الباب عبالي امي بس انصدمت من جان ابوي زحفت لزاويه وسندت ضهري ع الحيط تقدم بتجاهي وعيوني خازرتني ما انكر اني ما خفت بس ماعاد يهمني شي كلبي برد منهم

عزام:- باعي ولججج اليوم اجو وخطبوج مني توافقين وأنتي الممنونه فاهمه

هنا نزلت دموعي ماريد اتزوج غير ملهم

:- ماريد ،حباب بابا الله يوفقك ماريد اتزوج

ضربني راشيدي وجر شعري

:- توافقين وأنتي الممنونه فاهمه اي حرف منج اورجيج شي ماشفتي سراب فاهمه

حسيت روحي رح تروح مني ورجيف جسمي ما وكف خفت يموتوني هزيت راسي بضعف وقله حيله

هد شعري وطلع برا كورت نفسي بالارض وبجيت بجي مصاير اخخ ياروحي شكد تعبتي زين ملهم وينه معقول ما يردني لو اتخلى عني لا لا ملهم يحبني سمعت صوت الاذان نهضت وصليت وبكل سجده ابجي وادعي رب العالمين ربي ريح بالي وقلبي

________________________________________
:- يمه رح اتخبل ليش رفضوني مو جانو مبسوطين شنو صار معقول سمعو شي لو صار وياهم شي

:- ما ادري يوليدي ما ادري هم ليلي ماترد على اتصالاتي وبس اروح عليهم تطلعي عنود وماترضى ادخل تكول صايره مشاكل عائله وماتريد احد يدخل

تنهدت وضربت كف بكف شسوي اتصلت بسراب للمره الألف ماترد مسكر  وياي رقم صديقتها زهراء اتصلت بيها شوي وردت

:- الوو
.
:- الوو منو

:- السلام عليكم خيتي اني ملهم خطيب سراب

:- وعليكم السلام ،اهلين تفضل

:- اتصل على سراب وماترد قلقت عليه عندج علم بشي

:- لا والله خويه ما ادري ، اني هم الي فتره اتصل وماحد يرد

:- تمام الله وياج خيتي