هيام الشوق ارفقي بقلب مغليك

البارت5

بســــم الله الرحــــــمن الرحـــيم

لا تجعل القراءه تلهيك عن صلاتك

رواية للكاتبه:غاده الفهد

ناضر تميم في السكين وهو ياخذه منها ويسحبها بتجاهه لين ماضرب ضهرها ع صدره ومسك السكين وحطه ع رقبتها هيام وهي تحس بقشعريره بكل جسمها مسكت يده اللي ع رقبتها لما مسكها وسحبها معاه وصار مقابل العنود اللي حطت راسها بلقدر من كثر ماتحس انهم بيجيبون العيد

تميم:هااه العنود بكيفتس اذبحها
العنود لتفتت له وهي تشوف وجهه هيام صار احمر ابتسمت بخبث
العنود:يالييت والله
هيام بصدمه:هييه وش ياليت تبين يذبحن
العنود:اي والله تراتس غاثتني اصبعي يعورني واطبخ كله منتس يالرفلا
هيام:انا ماستاهل الذبح والله
تميم قرب وجهه من اذنها وهو يهمس لها:واثقه بعد

هيام وهي معاد تقدر تنطق وانفاسه الحاره ع رقبتها وفوق كذا جالس يهينها وقدام العنود اللي صدت بوجهه عنهم وطلعت برا المطبخ

دفها تميم عنه وهو يقول:مابي احد يعرف اني مابيتس تفهمين
ناضرته هيام وقالت بقهر:وش تستفيد واذا عرفوا
تميم:قلت لتس لحد يعرف وبلاخص ابوي وامي لا تقولين ماحذرتس

طلع وتركها وهي تجلس بقهر وغبنه منه غمضت عيونها وهي تتذكر انها ولا مره دخلت المطبخ ولا عمرها طبخت

««نرجع لورا شوي قبل سنه»»

كانت هيام جالسه ع جوالها والهنوف تقطع صلطه

الهنوف:هيام متى تبين تتلعمين تطبخين
هيام:يووه يالهنوف كل يوم نفس الموال
الهنوف:لا اسولف معتس بجد باتسر لتزوجتي ترا زوجتس مايعذرتس بيطق ع راستس حرمه ثانيه
هيام رمت جوالها وهي تقول:اول شين انا ادرس وثاني شين انا اذا ابي اتزوج اتزوج واحد عيشتوه عيشة ملووك وعندوه خدم وحشم
الهنوف بضحكه سخريه:عيشي الحلام الورديه وانا اختس

««نرجع للواقع»»

شمت ريحه حريق وركضت للقدر وانصدمت لما شافت الكل انحرق كله نست نفسها ومسكت القدر ومن الحراره طيحته بلاض وانكب الاكل المحروق كله ناضرته بصدمه وهي تقول
هيام بعبره بكاء:الله ياخذذذك باتمييييم

وسمعت صوت ابو محمد دخل ع البيت وهنا انهبلت الحين يطلبون الاكل وهي للحين ماسوته راحت وهي تجيب قدر جديد وتحط فيه زيت وبصل وصارت تقلب البصل بعدين ناضرت المويه وهي تكبها ع البصل وتجيب معكرونه وتكسرها كسر صغيره وتحطها ع المويه غطت وهي تبتسم بفخر رفعت انضارها للعنود اللي دخلت

هيام:وين رحتي وخليتيني
قبل تنطق العنود ناضرت في الارض وهي تشوف الاكل وقالت بصدمه:هيييام وش ذا
هيام ناضرته وهي تضرب جبهتها:يوووه نسيت لا شيلوه حرام
العنود:وش سويتي
هيام:الاكل نحرق
العنود بصدمه:ووشوووو
ناضرت القدر اللي ع النار:وش ذا بعد
هيام وهي ترمش بدلع:ازهليه سويت لكم اكل يحبه قلوبكم
العنود وهي منصدمه:وش يحبه قلوبنا اذبحتس انا