هيام الشوق ارفقي بقلب مغليك

البارت14

لا تجعل القراءه تلهيك عن صلاتك

ناضرت وراها وانصدمت من سوير اللي ماسكه السكين والغزاز متناثر حولها ونزلت انضارها وشهقت اول ماشافت الدم ينزل من يدها رمت القهوه بلارض وجتها بسسررعه والعنود كانت واقفه ولا تحركت من مكانها لأن سوير ماهمتها

هيام وهي تاخذ السكين من يدها:وش سويتي بيدتس
سوير بخباثه وهي تمثل انها تبكي:كله منتس كله منتس انتي
ناضرتها هيام بصدمه ولتفت ع البنت اللي واقفه عند باب المطبخ وتصرخ اول ماشافت يدها

البنت:يويلللللي ووووش سوووويتي
سوير وهي مكمله تمثلييه وتبكككي:مززززنه تعااالي شوفي وش سوت بيدي

جت مزنه تركض عليها:الله لا يوفقتس وش سوت فيتس عشان تسوووين فيها كذذذا
سوير وهي تشهق بخبث:نادي لي امي بسسسررررعه

راحت تركض مزنه وماهي الا دقايق وجتمعوا كل الحريم بلمطبخ

ام عبود بصدمه:يمممه بنننتي
مزنه وهي تأشر ع هيام:كله من ذي
العنود بصراخ وغضب:هيييام مالها دخل لا تسوين سوالف ياسوير
سوير وهي مبسوطه وتشوف كل الحريم جتمعوا عندها:الا هههي مسكت يدي وجرحتها

ام  عبود وهي تضمها وسوير تبكي وتعلي صوتها وام محمد اللي جابت السعافات الأوليه وهي تطلع تعقيم وشاش وتعقم فيهم يد سوير

في العزبه

تميم:يبه علمني وين مكانها
ابو محمد ابعد فروته وبحده:انت ماينفع معك قولت ماهي عندي تبيني امحطك بذا العقال
سطام اشر لتميم انه يسكت
تميم سكت بقههر وهو يبي يعرف وين مكان البطاقه الخاصه بهيام

وقف تميم وقف معه سطام وتجهوا للإبل

سطام بهدوء:وش تبي بطاقتها
تميم:ابوي خذاها ومارجعها
سطام:وليه تعطيها له
تميم بسخريه:اول شي كانت عندي وماكان بالي اعطيها له لكن مدري كيف وصلت له
سطام بستغراب:شلون كذا

هز تميم بكتوفه بعدم معرفه
سطام:ماقلت لي وش تبي فيها
تميم:باخذ البطاقه واعطيها لشرطه واكيد رح يعرفون مين اهلها ويودونها لهم
سطام ناضره بصدمه:انت صاحي ولا فيك شي
تميم:لا صاحي وبعديه انا وعدتها ارجعها لهلها وابي ارجعها وماعندي غير ذا الحل
سطام:تدري ابوي بيسوي لك سالفه اذا خذيتها وديتها لشرطه من دون علمه
تميم بحده:ابوك تراه ماسوا شي وذي هي صارلها من متى وهي عندنا وماسوينا شي
سطام:لا تسوي شي تندم عليه ياتميم

صد تميم لما ناداه ابوه واتجهه له

تميم:سم يبه
ابو محمد:رح ع البيت شوف وش يلزم اهلك جيبه
تميم بستغراب:ليه
ابو محمد بحده:وش ليه
تميم:يعني وش المناسبه
ابو محمد بغضب:الحين محد يجيب اغراض لاهله الا لازم يكون مناسبه
تميم:لا مو كذا طال عمرك بس اقول يعني
ابو محمد وهو يمشي: بكرا تجي عمتك وبنسوي لهم غدا بمناسبه رجعون الجوهره نضرها