هيام الشوق ارفقي بقلب مغليك

البارت9

لا تجعل القراءه تلهيك عن صلاتك

بعد ساعه هدت هيام والعنود تمسح ع راسها وتقرا عليها وهي حزيينه جداً علييها تحبببها تعودت عليها ماتقدر تشوفها تبكي او حزينه بتعدت هيام عن العنود وهي تمسح دموعها

هيام: العنود لا احد يدري
العنود بستغراب:عن وش
هيام:ان انا بتسيت (بكيت)
العنود:لا شدعوا وليه اقول
هيام وقفت وهي تنفض عبايتها:اي تميم لا يدري
العنود ابتسمت وهي تأشر ع خشمها:ع خشمي

بتسمت هيام بذبول وهي تمد يدها لـ العنود ومسكت يدها العنود وقفت

العنود:وش رايتس نروح ع الإبل
هيام:لا لا مابي اذا تبين انتي روحي
العنود وهي تحط يدها ع خصرها:وليه
هيام وهي تمشي:ماحبهم
العنود وهي تكش عليها بمزح:مالت عليتس قالو هي تموت فيتس
هيام وهي تلتفت عليها:سمعتس ترا

ضحكت العنود وهي تجلس عند الدجاج حقها
العنود:والله لازم نفتح معرض عندنا صرنا حديقة حيوانات

قدام الخيمه كان جالس سطام وتميم

وقف تميم بصدمه وهو يناضر سطام:وش تقول
سطام:اللي سمعته
تميم:سطام نجنيت شي تبي  تعرس
سطام ناضر فيه:وليه ماعرس اشوفك انت تزوجت
تميم بعصبيييه:وش زواجه انا زواجي تسميه زواج انا تزوجت بس عشان استر عليها وبس نلقى اهلها بطلقها ولا تجلس معي دقيقه تكفى لا تقول تزوجت ومدري وش انا بكل حياتي مارح اسمي ذا زواج انا اذا بتزوج بختار اللي ابيها مو ابي اساعدها ويشوفني ابوي معاها ويزوجني غصب افهممم عشان كذا لا تتورط زي ماتورطت انا
سطام بستغراب:كل ذا بقلبك عليها ؟
تميم تدارك نفسه:خلنا منها والحين تروح ع ابوي وتقول مابي اعرس
سطام وقف:لا ابي اعرس
تميم قرب منه:مو انت تبي الجوهره لا تخليها وتورط بنت الناس معك واخر شي بتطلقها وترجع للجوهره
سطام ابتعد عن تميم وهو يقول:ومن قال بتركها اذا تزوجت مستحيل اترك زوجتي اما الجوهره هي رفضتني وانت تدري كم مره خطبناها ورفضت مستحيل ارجع مره ثانيه واخطبها
تميم مسكه من يده وهو يقول بغضب:من معبي مخك بذا الكلام سطام انا اعرفك أكثر من اي شخص انت اذا تزوجت رح تطلق وبنت الناس ماهي لعبه والجوهره انت تبيها وابصم لك بلعشر ان مافي وحده رح تاخذ مكانها بقلبك
سطام:تميم خلاااص انا قلت لـ ابوي كلمه مارح اتراجع عنها وانا مب لا اول واحد ولا اخر واحد ماخذا اللي يحبها وقفل الموضوع تكفى
تميم برفعه حاجب:كذا يعني
هز راسه سطام بأي وهو يروح ويترك تميم اللي جلس وهو فيييه قهههههر الدنيا وماكان يدري بالعيون اللي تراقبه

كانت هيام جايه ع الخيمه لكن وقفت لما سمعت تميم يتكلم عليها وجاها فضول تعرف وش يقول راحت من ورا الخيمه وهي تدخل من تحتها وتسمع وش يقول لكن نصدمت من كلام تميم وكانت كل كلمه يقولها تطعنها بقلبببها اكثر من الثانيه جلست وهي تسمع كلامه اللي مثل السممممم وعيونها تدمع وذي حالتها من جت عليهم وهي تسمع كلام تميم وتبكي لأنها ابدا مب متعوده ع ذا الكلام كان دايم كل قبيلتها يبونها لهم وحريمهم كل يوم وحده تخطبها لكن هي ترفض وترفض وكانت امنيتها تتزوج واحد يحبها وتحبه لكن جاها العكس لا هي تحبه ولا هو يحبها تعالت شهقاتها وهي تحط يدها ع فمها تمنعها لكن وقفت وهي تروح لأخر الخيمه عشان تطلع من تحتها ولا يشوفها تميم لكن تعثرت وطاحت بلحدايد حقات الخيمه