هيام الشوق ارفقي بقلب مغليك

البارت12

لا تجعل القراءه تلهيك عن صلاتك

بعد يومين
خارج المملكه السعوديه

في الفندق كانو جالسين يجهزون الشنط عشان يرجعون لـ سعوديه وكانت الجوهره جالسه في الغرفه ترتب ملابسها بحماااس سكرت الشنطه وهي تناضر بنفسها بالمراية ابتسمت بفرححح فرحتها ماتنوصف ابددا واخيررا رجع لها نضرها وصارت تشوف وتمشي وتروح وتجي بدون مساعده احد اتجهت للباب وهي تبي تروح لخوها وامها اللي جالسين بصاله

في الصاله

ام سلطان:متى الطيارتنا
سلطان وهو يطقطق بجواله:بعد ساعه
ام سلطان سكتت وهي تشرب قهوه لكن رفعت راسها لما سلطان قال

سلطان بصدمه:يممه
ام سلطان بستغراب:شفيك
سلطان:خالي  سعود خطب لسطام
ام سلطان بصدمه:صدژ الكلام اللي تقوله
سلطان:اي وبعد خاطب له من يومين وملكين
ام سلطان:وراهم ماعلموني

ماكانو يدرون بلي جالسه تسمع كلامهم بصدمهه ودموعها ع خدها ولا هي قادره تتحرك بس دموعها اللي تتسابق ع النزوول رجعت ورا وهي للحينها بصدمتها تجهت للغرفه وهي تقفل الباب وجلست ع الارض وضهرها ع الباب وهي مو جالسه تفهم او تستوعب اللي قاله سلطان من شوي وفجأه صارت تبكي وهي تميل راسها يمين ويسار وتقول بخيبه

الجوهره بدموع:لا لا لا تكككفى ياسطام لا لييه تسووي فيني كذاااا حررررام علييك حراام

وصارت تبككي بكاء يقطع القلب وهي تردد وتقول
الجوهره:تكففى لاااا تكففففى

في السعوديه وتحديدٍ الديره

في المطبخ

العنود بقهر: الله ياخذتس يابشاير
هيام بضحكه:شبلاتس ذابحه روحتس ومحد درا عنتس
العنود: قهروووني مالقووا الا بشاير الله لا يبشرها بلخير
هيام:عاد وش تبين تسوين خلاص خطبوا وملكوا
العنود:اي كله من سعوود (ابوها)
هيام بستغراب:منهو سعود
العنود بصدمه:بس لا تقولين لي ماتعرفين من سعود
هزت راسها هيام بلـ لا
العنود:ابوي
هيام بحنين لبوها:اسموه نفس اسم ابوي
العنود:ابوتس اسمه سعود
هزت راسها بـ اي وهي ماتبي تبين دموعها الي جتمعت وتحاول النزول

سكتت العنود وهي تشوف كيف عيونها صاروا حممر ابتسمت وهي تبي تضيع السالفه

العنود:ماقلت لتس ع اساس اليوم يوصلون السعوديه عمتي وعيالها
هيام ابتسمت يذبول:يوصلون بسلامه وفرحانه للجوهره رجع له نضره واخيرراً ياربي لك الحمد
العنود بحماس:ايي ودي اشوف فرحتها

دخل تميم:العنوود
لتفتت له العنود:هااا
تميم:صارلي ساعه اناديتس
العنود:ماسمعتك
تميم:زين لحقيني

طلع تميم ولحقته العنود وهيام واقفه وهي مستغربه من تميم اللي صارله يومين مطنشها ولا يسولف معها كان دايم يهاوشها ويصارخ عليها ويفشلها قدام اهله لكن صارله يومين ابدد كأن مافي هيام بذا البيت