أرهقني قدرها

الحلقة الثالثة واربعون«مشاعر

ألحلقة توصل للألف ڤوت عشان أنزل الحلقة التانية في أسرع وقت❤
»»»
أرهقني قدرها
الكاتبة لادو غنيم♥

»»»
اللهم صل وسلم وبارك على سيدنا محمد 🌼
كل من ليها نبي تصلي علية🌺

»»»»»»»
دلف يونس إلي حديقة المنزل ينتظر درغام "حتي ياتي إليه ليذهبوا سويا فقد ذهبا أثر بصحبة أدم منذ الصباح" وأثناء أنتظاره وجد دلال تتقدم منه وتقف أمامة ناظرة داخل عيناه بتعجب هاتفه.....
لأول مرة من سنين مشوفش الشوق في عيونك ليا. "

شهق الهواء عبر رئتيه وبادلها النظر بقول.....
يمكن لأني أول مره أشوفيك بوضوح أوي كده."

نغزت عبارته قلبها الذي يؤلمها بالندم وقالت بعين ترقرقت بالدموع......
أنا مش واحشة أوي كده زي مابقيت شايفني_أنا عملت اللي عملته امبارح لأني محروقة بسبب جوازك منها الحد دلوقتي مش قادرة استوعب أنك بتنام في حضنها هي وبتبقي معاها هي بجسدك "أنت مش حاسس بالنار اللي بتولع في قلبي كل مابتخيلها بتلمسك أو أنت بتلمسها" أنا عارفه أني غليط لما عملت علاقة معا اديتيا ومش هقولك أن ده عادي وأنه مفهاش حاجة ادام العلاقة موصلتش للسرير "لاء أنا فاهمه كويس أن العلاقة والخيانه مش محتاجين سرير عشان يكتمله الخيانه خيانة
حتي لو كانت بالكلام _وعارفه أني استغلاليه واستغليت حالة مريض ودية حاجه متنفعش كاطبيبة" أنا غلط ومعترفة بكدة بس أنا كنت متاثره بالبلد الأوربية اللي كنت عايشه فيها ومعملتش حساب لتقاليد بلدي او عائلتي نسيت كل حاجه بسبب الطيار اللي كنت عايشه فيه "بس بعد كده فوقت وعرفت غلطي ونزلت مصر وخبيت عليك الموضوع عشان موجعكش مجاش في بالي أنك ممكن تعرف من حد غيري" أنا أسفة مستعدة أعمل أي حاجة عشان تسامحني وترجعلي تاني"

لم تداوي كلماتها نبذات قلبة فلا ينفع الأعتذار بعد الخطأ _تبريرها جاء متاخر بالنسبة له فقد أبصرت عيناه علي حب جديد ينموا بداخله "مما جعله يقول بأستفهام.....
لو قولتلك أن نوارة بقي ليها محبة جوة قلبي"
تقبلي أنها تشاركك في قلبي وتفضل مراتي وأتجوزك انتي كمان بس بشرط أني مطلقهاش.!!

شعرت بالسخافة ولوت شفتيها متحدثة بجمود.....
طبعا لاء مش موافقة "أنا مبحبش حد يشاركني فيك_ولو بالنسبة لشوية الحب اللي بتوهم نفسك بيهم نحيتها فانا هنسي هوملك" أنت بس طلقها وخرجها بره حياتنا وخلينا نرجع تاني لبعض ونتجوز أنت بتحبني أنا ومبتحبش غيري "عارفه أنك بتعاقبني بجوازك منها وأنا اتعاقبت وأتوجعت كفاية بقي الحد كدة طلعها برة حياتك وخلينا نبص لمستقبلنا معا بعض." "

«فرك لحيته باابتسامة خافتة وهو يشعر بعودتها لشخصيتها الذي شاهدها طوال الايام الماضية منذ أن تزوج من نوارة تلك الأيام الذي اظهرت خبايها "مما جعلة يتحدث بجدية.....
للاسف مش هقدر أعمل كده اللي لقيته في نوارة في كام يوم ملقتهوش فيكي في سنين_التضحية والحب الرباني والدعاء والثقة بالله والخوف من حساب ربنا قبل حساب البشر كل دول صفات لقتهم فيها وملقتهمش عندك"!!
لو كانت نوارة هي اللي واقفه ادامي دلوقتي وقولتلها اني بحبك وعايز اتجوزك عليها"
كانت هتبتسم وتوافق لانها بتحبني واللي بيحب حد بيتمناله السعادة حتي لو كانت معا حد غيرة"
نوارة بالنسبالي مبقتش مجرد بنت اتجوزتها عشان اكمل حياتي معاها لاء نوارة بقت هي الحياة اللي نفسي أعيش فيها وأحس بيها الحياة اللي بجد اللي هلقي فيها الأمان والأطمئنان والراحة الحياة اللي هحب كل تفصيله فيها "
نوارة مبقتش مجرد بنت أتجوزتها لاء بقت الحب اللي بكتشفه من جديد الحب اللي بجد اللي بيكبر في كل ثانية بشوف ضحكتها الهادية فيها"
أكيد هتستغربي اني بتكلم عنها بالطريقة ديه معا ان معداش اسبوع علي جوازنا"أنا نفسي مستغرب من الشعور اللي حسه نحيتها ومن الكلام اللي بيخرج من قلبي وأنا بتكلم عنها_بس كل الاحاسيس والمحبة المفاجئه دية ملهاش غير معنا واحد وهو أن نوارة عوض ربنا لقلبي"