روح في بحر الظلام

الحلقة الثانية

روح في بحر الظلام

____ الكاتبة بحر _____

بنات كل اللي تمر منا ارجوكم لتنسون التقييم
بالنجمة والتعليق

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

قيس بن عاصم :

أخاك أخاك إن من لا أخا له *
 كساع إلى الهيجا بغير سلاح

💔

________________

رانيا::

برعب وصوت خافت وعيون جاحضة بخوف: هااا يووم شكوو فدوووة زياااد وين شبي..

مجانت تگدر تسيطر على شهگاتهه حتا تسولفلي بقيت اهز بجتفهه مصدومة

::ماااامااا فدوة احجي. عاد بيبي ردت علية بدموع

ام شهاب::تعالي يروحي تعاليلي لتخافين ماكو شي والله زيودي واكع من الدراجة ومتعور مابي شي اذكرو الله بنياتي شوفي اخيتج راح يوكف گلبهه

التفتت لكيت مشمش منزوية بصف الحايط وبس تباوع ودموع عشرة عشرة وبلا صوت

رانيا بابتسامة كاذبة ودموع وعبرة مخنوكة:::ماكو شي حبيبي لتخافين

جنت احجي كلمات ما اذكرهم مثل هذيان ع اساس اصبرهه بس اني شلون منو يصبرني هذا حبيب الروح الوحيد اللي يسمعني هذا اخوي الوحيد اللي يضحكني من گلبي لا ياربي فدوة عمري على عمرك زياد خوية

خليتهه تبدل واني بملابسي مابدلت اروح رايحة راجعة ماعرف شأسوي اخر شي نفذ صبري

رانيا::ماما حبابة يعني شلون والله راح اموت خل نروح للمستشفى نسوي اي شي
. التفت وهي تمسح دموعهه

ليلى::عمج مايرضى يكول محد توصل للمستشفى ولا ماجان شفتيني هنا وانوب اتصل محد يكلف نفسة ويرد كلبي راح يوكف ولج يووووم_ كالتهه بصوت عالي وبجت

::بيبي حبابة راح اموت سوي شي وديني، انتي ميحاجيج عمو فؤاد. احجي وابجي بعبرة وحيرة، باوعتلي بحزن كالت

::گومي ام زياد شو گومي البت گلبهه راح يوكف عود خلي فؤاد يگص عيبي لو شافني كامت تمشي عرجة كبيرة بالعمر بس جانت حلوة ودبدوبة وحمرة كامت تمشي مثل البطريق على عصايتهه وماما ركض لبست عبايتهه

::ماما لعد واحنا شلون فدوة

::هاج هذا موبايلي واني اتصل من خط ابوج

راحو واجت مرت عمو فؤاد حتى تبقى يمنة هية وبناتهه

فاطمة::ها عمة لتخافون انشالله ماكو شي هسة يجون اني كلبي بارد اطمئني

بوستني وكعدت بالصالة

بيتنة حيل صغير عكس بيتهم. صالة وغرفة ومطبخ وطرمة زغيرة
ف مجان اكو استقبال كعدت بالصالة تتفرج بأنحاء البيت وبناتهه يمهه