____ الكاتبة بحر _____
لتنسون التقييم والتعليق على الفقرات +++اضافة الحساب لطفا pahrasoad
________________
( إبراهيم ناجي )
يَا فؤادي رَحِـم اللهُ الـهوَى * كَانَ صَرحاً من خَيـالٍ فَهَـوى
اسقنِي واشـرَبْ عَلـى أَطلالـهِ * واروِ عَنِّي طَالَمـا الدَّمـع رَوَى
كَيفَ ذَاك الحب أَمسَـى خَبـراً * وحَديثـاً من أَحَاديـث الجـوَى
_________________
رانيـــاا
بس سمعت صوت صرخاتها تهسترت ركضت اتوسل وابجي ب ماما
رانيا:: ماما فدوة والله خطية ماعدهه احد غيري خليني اروح اشوفهه اروحلج فدوة.. جنت احجي واشهك بالبكاء
ليلى:: اي حتى تكمل على راسج منا ابوج شاد وياج ومنا طالعة بالليل. لج استقري خلي الرجال ينسى مصايبج شبيج انتي متخبلة وزايحة المستحى
رانيا:: بالقران حرام عليكم واللي ديصير ظلم وحرام شمسوية هااا بس كليلي شنو ذنبي. انتي شايلة وجهج عليه وبابا بس الضرب والاهانات
كل جريمتي انخطبت حالي حال البنات
اني حجيت هيج وهي ماما تخبلت عليه كامت تصيح وتغلط وتضرب
ليلى:: ادبسز. الخانسة. تخزرين امج وتصيحين بوجهه ماتستحين صوجي اني انطيتج مجال لا والله انتي مو مال احترام
تنخررسسين وصووتج ماا اسسمعه لا والله اططيح حظج
مشمش وكفت يمي عاجزة تخاف من ماما ماتكدر تطلع نفس حتى.
كعدت بالطرمة ابجي على حالي مدري على حال المسكينه سرى صار هدوء. هدأت نوبة غضب امي
دخلت للصالة لكيتهه كاعدة تلبس جواريبهه
لــيلى:: اني راح اشوف سرى بالي ضل يمهه خطيه. وانتي حاسبي نفسج ترى تصرفاتج صايرة متنطاق.
رانيا:: ماما اسوي كلشي تردينه بس خل اجي وياج فدوة
:: ماكو اكعدي واسكتي مالي خلك اسمع حجي زايد من ابوج يجي اكلة وارجع اخذج
عافتني وراحت مشمش كاعدة تدرس ماله خلك احد مدت راسهه من الغرفة دموعها بعينهه كالت
::رانيا يعني شنو خالة جميلة حتموت
رديت عليه واني مدنكة راسي ما اريد اشغل باله بحزني وقهري.
YOU ARE READING
روح في بحر الظلام
Randomفي وسط حقل الشوك يامن رميتني مع روحي وقلبي في الهموم اغرقتني حافيا ستعود في درب الالم ستموت ندمانا كما موتّني بقلمي✍️ الكاتبة بحر
