روح في بحر الظلام

الحلقة الثامنة

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

قراء روايتي ترا احبكم بگــــــــــــد العــــراق

💫🤎

انا امرأة ايها الرجل
أنا من كرمني الله
و جعل قلبي ملجاً للحنان و الحب كالطفوله
انا من وصى علي رسولنا الكريم بالرفق بي
و صورني بأجمل صوره
إن كنت آنسه …أو متزوجه…
أو مطلقه…
أو كنت ارمله..
سأظل امرأه
لم يزدني الزواج كرامه
و لن ينقصني الطلاق أنوثه
و لن أخجل إن أصابتني العنوسه
فأنا امرأة….
بداخلي بحار من حنان و أحلام قرمزيه
و في الحب ضعيفه و رقيقه و رومانسيه
و في وجه الغدر جبل من صبر و قلاع فولاذيه

________________

ســــــــــــــرى

على صوت الصراخ عقلي رسم سيناريو من يمه انو ماما ماتت وهذا التابوت بالباب والعالم تصرخ. يمكن من التعب يمكن من التفكير الزايد بالفقدان يمكن هلاوس ما اعرف. على اندمج صوت صراخهم وي صوت صراخي المليان رعب وخوف مع تعالي الصوت اسمع صوت الباب البراني مالتنة تندك بس منين اجيب الحيل حتى اكوم افتحهه

سكتت من الصراخ على كسرة الباب ودخول مرتضى بعد فترة طويلة من الدگ

مرتضى::ششششبييج ششششبيج خبلتيني لج ابوووية ابوووية مو امج لج سرى باعي عليه سسسرى ابويه والله ابوووويه فقد

جان لازم وجهي بثنين ادي واني داخلة بنوبة صراخ هستيرية

عافني وراح جاب بطل مي مجرش من الثلاجة شمرة على راسي ووجهي وبلعومي من تنكعت وبرودة المي فزيت

اريد ابتعد بس هو شمر البطل وحط راسي على صدرة وايدة الثانية طوقت ضهري

بقيت بس ابجي وارجف من برودة المي ومن الهبطة مالت الصراخ. وهو يهتز وي رجفتي ويمسح على راسي

مرتضى::خرب شكلج فزززتييني خليت صديقي يروح ويااا شبيج متكليلي صايرة مخبلة فد مرة

اشهك بالبكاء واحجي::والله عبالي ماما ماتت والله مرتضى عبالي جبتوهه بتابوت كلبي وگع صراخكم عالي حييل

وخر راسي من صدرة وهذا جان اول تقارب بيني وبين مرتضى لزم وجهي وعيونة تفتر على ملامحي

مرتضى::ماكو شي لتخافين. وهسة شدي حيلج واكعدي انا لازم الحك ابوي دزيت ويا صديقي وامي هسة ادزلج البنات يبقون يمج بين ميجي ابوج