روح في بحر الظلام

الحلقة التاسعة والخمسون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا pahrasoad

البارت تقريبا 6000 كلمة

{أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ}

_________________________

رانـــيــا

:أســامة ششعلي

:يــااا شعلي رانـــيــا خااف احجي وتزعلين بسس شنو هذا عمج شيطاان خــو موو شيطاان

:احججي عفيية والله وگفتي ل گلبي
:متفق ويا اسامة گايلة تحط اجهزة تنصت بالبيت ويســاعدة بماا اعرف شنوو ماا افتهمت

نجاة: هناء والله عيب عليج ششوكت تبطلين هااي العادة انتي رايحة تشتغلين لوو تتجسسين

:اهوووه محسستني گاعدين بالبيت الابيض

:النبي محمد وصانا
ادخل بيوت الناس اعمى .. واخرج منهاا ابكم
ميصير يا أمي مدخلينج بيتهم يعني مأمنين وواثقين بيج

:اللهم صل على محمــد وال محــمــد ..شساالفة يمعوودة هسسة شگلنا واصلا مو عليهم على عم رانـــيــا واساامة  دنسوولف

: ميصير اسامة ابنهم والناس متفضلين عليج وخبزتج منهم تطلعين اسرارهم ليش

التفتت علية متعصبة
:شبييج يمعوودة ترة ماسبينه ولا حجينا باطل وهاا ءهااا سسكتناا

ضربت فمها بأطراف اصابعهة واستدارت

وصلنا لبيت صغير يمه اطفال يلعبون طوبة  نزلت نجاة قبلناا اجوو يركضون علية

:ادخلوو جووة بسسرعة يلاا اني موو كلت مااكو لعب بالشاارع بالليل

نزلو الكرسي ونزلوني بسسرعة
دخلت للبيت البيت صغير بسس ريحتة نضافة ريحة معطر المطبخ طرمة صغيرة بيهة سندانات هواي  دخلتني جوة كان البيت بي غرفتين متقابلات ومرر بنهايته المطبخ وبعده الحمام

مفروش كله
دخلتني لغرفة باوعتلي محتاارة
:هسسة شلوون يرانيا مااعندي سرير خاف الارض توجعج

ماگدرت اخفي خوفي لان ما اتخيل مع هذا الوجع اگد انزل للأرض وشلون ارجع اكدر اگوم

ابتشمت ورديت: عادي خالة هذا الموجود

:لا لا اصبري راح اجيب الكرويتة البرانية وارتبهة الج.

دخلوو كرويته وهناء تساعدهة ومااكانت تسكت عجيب هااي شلون مسيطرة وساكتة بهذاك البيت ذكرتني بمشمش هيج ترطن وماتسكت
نجاة كل ساعة تباوعلهة بملل وما تفصل

جابت الكرويته الحديد مسحتهة وعقمتهة  ورتبت عليهة فراش وشرشف ومخدة وباوعتلي

:هااا هناية احسن لو بلارض
دمعت عيني من الخجل: عفية لويش تعبتي نفسج