روح في بحر الظلام

الحلقة الخامسة

شكرا لله اللي وفقني بكتابه هالقصة

شكرا من القلب على عدد المشاهدات المتزايد بهالوقت القياسي

شكرا على تقييمكم ومدحكم
________________

___________________________

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق
⭐🌟⭐

_______

البَينُ جَرَّعَني نَقيعَ الحَنظَلِ

وَالبَينُ أَثكَلَني وَإِن لَم أُثكَلِ

ما حَسرَتي أَن كِدتُ أَقضي إِنَّما

حَسَراتُ نَفسي أَنَّني لَم أَفعَلِ

نَقِّل فُؤادَكَ حَيثُ شِئتَ مِنَ الهَوى

ما الحُبُّ إِلّا لِلحَبيبِ الأَوَّلِ

كَم مَنزِلٍ في الأَرضِ يَألَفُهُ الفَتى

وَحَنينُهُ أَبَداً لِأَوَّلِ مَنزِلِ

،،،،،،،،،،،،،،،،،،،،،،،،،،،،،،،،،،،،،،،،،،

باوعتلة متفاجئة

سـرى::هلو بابا تفضل

عـلي::هلا بيج امج وينهه ثبرتني ثبر صار ثلت ايام

::هياته جوة دنتعشة، تفضل

طلعت ماما من المطبخ شافته ودنكت ورجعت دخلت

باوع عليهت وتنهد، عافني وفات بقيت مهضومه حتى ماسلم ولا بوسني باوعت علي ضهره لحد مافات للمطبخ. بابا ليش اتغير علينه. ليش كرهنه.بس عرفو اهله بزواجه من ماما صار يكرهنه كره العمى انقلبت حنيته الى نضرات كره والله مسوينه شي.
اني رحت لغرفتي سديت عليه الباب. وبقيت اسمع صوته وهو يعيط على ماما.

حطيت المخدة ع اذني وغطيت حتى راسي احاول ما اسمع بس شقتنه زغيرة والصوت كلة بأذني

عـلي:: يعني اجاركم جاي ادفعه ومصرف بتج جاي يوصلج تخابرين عليه تعال وتعال ششششـتردين

جميـلة::صلي على النبي اكعد خل اسلم عليك اشوفك لعد اني مو زوجتك هم اللي حق عليك

::جميلة انا خيرتج من سنين كتلج تردين طلاك اطلكج تردين تضلين على ذمتي كل حگج ادفع اجارج ومصرف بتج.

غيرهه مالج شي يمي. لا نعيد ونزيد بنفس السالفة

::بنتي ما محتاجة مصرفك اني دا اشتغل واصرف عليهه. بنتي محتاجة اب محتاجة اهل.اصحا على نفسك وخاف الله بينه شوية

::لا تضلين تعيدين بهالقوانة جايبتني من الناصرية لبغداد وداحي باب خيبر اذا ماعندج سالفة بيهه خير افلش ويهج