روح في بحر الظلام

الحلقة السابعة والأربعون

____ الكاتبة بحر _____

لتنسون التقييم والتعليق على الفقرات +++اضافة للحساب لطفا. pahrasoad

البارت تقريبا  6000 كلمة🌸

_____________________

رانيــــا

على مقصلة الخوف ذبحت روحي 

الساعة ٣:00 فجرا
وحدي مع هواجسي وخيال يرافقني وحدي مع ال لاشيء كان خيالا يوسوس برأسي أن انهضي وعاودي الكرة واقطعي هذا الوريد وأنضري الى اللون الاحمر يزين الارض وثيابك النضيفة

ولكن

هذه الروح ليست لي انا لست مالك الروح
رب الروح مالكها وهي امانة
وانا جلمود الصبر الكبير
ولن ازهقها واغضب مالك كل شيء
من اجل شيطان مريد
لا املك من نفسي شيئا
حين يريد روحي سيأخذها سأصبر حتى يمل الصبر مني

ليلة جافاني النوم فيها
وقلبي كان كالجمرة وسط اضلعي
سرحت بألاف الافكار من دون تركيز  بس گلبي كان تعبان الخوف ملتف على عقلي مثل الافعى
افكر بزوجته وباقي اهله باجر شلون بية شراح يصير بية
وسط مستنقع الافكار غفيت
غفيت واني گاعدة على عتبة باب الصالة
اخاف اتقدم واكره ادخل

بالحلم مرني زياد
وكان مو على بعضه ساكت ودموعه تنزل وانا بنفس مكاني اللي نايمة بي لزمت ادي
حجيت وياه بصدمة
:زيااد هذا انت اجييت
عيونة مدمعة ومبتسم وساكت
زززيااد ششبيك ليش تبجي تعبان

كنت بالحلم مثل المشلولة ما اگدر احرك اي عضو من اعضائي اريد احضنة المس وجهة ما اگدر

بنفس الطريقة اللي نمت بيهة بعتبة الباب وزياد مكرفص مقابيلي ومبتسم
انتهى الحلم بين الحلم واليقضة حسيت بي من باس راسي حسيت بأنفاسه بشعري

بس انتهى الحلم
انتهى الشلل
نهضت من مكاني مفزوعة اركض بالبيت ادور علي
ماما والبنات وبيبي جاية من البصرة تعبانة
ما اكدر اصيح
بس دورت كل زوايا البيت عنه وما لگيته

ياااربي شنو هذا الحلم
راح انجن هذا حقيقة مو حلم انا حتى بوستة بشعري بعدني احس بيهة

نهرت نفسي وزاد قهري واذا حلم ليش ماحضنته
شبي ليش هيج حاله اخاف بي شي
ضليت گاعدة لوجه الصبح ما اعرف شصار بيه والنار مشتعلة بروحي

اللي عقدني ان ماما بعد متحلمة بي تعبت ونسيت موضوع قيصر والعقد والخوف ضليت افتر حول نفسي واروح وارجع منتضرة شهــــــاب يجي يوديني الة
يخليني اشوفه بأي طريقة

وما اجا وصار الضهر وماكو مو لازم هسة ياخذني النذل ليش بعدني
خاف قتلو خاف عدمو
صار العصر وتبعه الليل وماكو شهــــــاب

البيت توتر وياي
منو يتقرب مني اصرخ بوجهة

من شدة التوتر صارت حركاتي مثل المجانين احك بشعري برقبتي برسغ ايدي
اعضعض بسبابات يداي
كلشي حولي يخبرني ان زياد مو بخير فراغ كبير بروحي حركني من داخلي