💛 Sweet Like Honey 💛
အပိုင်း 2
သူမရဲ့ တိုက်ခန်းဆီကို ချိုရီ ပြန်ရောက်တော့ ပင်ပန်းလွန်းလို့ အိပ်ရာပေါ် ပစ်လှဲချကာ မျက်နှာကျက်ကို အကြောင်းမဲ့ ငေးကြည့်လိုက်မိသည်။
ပင်ပန်းလွန်းတဲ့ တစ်ရက်တာကတော့ ပြီးဆုံးသွားရပြန်ပြီဖြစ်သည်။ မနက်ဖြန်အတွက်ကိုလဲ ချိုရီဆက်ပြီး အားတင်းရဦးမည်။
မအိပ်ခင်လေးမှာ သူမရဲ့ အချစ်ကလေးတွေ Fan club app ထဲမှာ ဘာတွေ တင်ထားလဲဆိုတာ သိရအောင်လို့ ချိုရီ ဖုန်းလေး ဖွင့်ကြည့်လိုက်သည်။
fan club app ထဲ၀င်၀င်ချင်းမှာပဲ တွေ့လိုက်ရတဲ့ post လေးကို ဖတ်ပြီး ချိုရီ့ နှုတ်ခမ်းတွေ ပြုံးယောင်သမ်းသွားရသည်။
ထို့နောက် post လေးတွေကို scroll down လုပ်ပြီး ကြည့်နေတုန်းမှာပဲ မဆုန်ဆီမှ အနားယူဖို့ ပြောသည့် message က ၀င်လာတာကြောင့် ချိုရီ နှုတ်ခမ်းလေးစူလိုက်မိသည်။
ဒါပေမဲ့လဲ သူမ သဘောကျသည့် post လေး နှစ်ခု သုံးခုမှာတော့ comment လေးတွေ ၀င်ရေးဖြစ်အောင်ရေးလိုက်၏။
ထို့နောက် ဖုန်းလေးကို ပြန်ပိတ်ပြီး လှဲနေရာမှ ထလိုက်တော့ စိတ်က သံစဥ်ပြောပြသည့် မနေ့က သူမတက်ခဲ့တဲ့ မင်္ဂလာပွဲအကြောင်းဆီ ပြန်ရောက်သွားရသည်။
မနေ့က မင်္ဂလာပွဲရဲ့ သတို့သမီးက ကျောင်းတုန်းက ရင်းနှီးခဲ့တဲ့ စီနီယာမို့ ချိုရီ မင်္ဂလာပွဲကို တက်ခဲ့တာဖြစ်၏။ ၀တ်ခဲ့တဲ့ ၀တ်စုံကလဲ ဒီအတိုင်း ဘာရယ်မဟုတ် သာမန်ကာလျှံပဲ ရွေးချယ်ပြီး ၀တ်လိုက်သည့် ၀တ်စုံတစ်စုံသာ ဖြစ်သည်။ ဒါပေမဲ့ သူမရဲ့ anti-fans တွေအတွက်တော့ ပုံကြီးချဲ့ချင်စရာ ခေါင်းစဥ်ကောင်းကောင်းတစ်ခု ဖြစ်လို့သွားခဲ့သည်။
Idol / Actress ဆိုတဲ့ ဂုဏ်ပုဒ်သာရှိမနေခဲ့ဘူးဆိုရင် သူမဟာလဲ ဒီအတိုင်း သူလိုကိုယ်လို လူသား တစ်ယောက်သာမို့ အခုလို အဆုံးမရှိတဲ့ တိုက်ခိုက်ခြင်းနဲ့ အမုန်းတွေကြားမှာ ချိုရီ တစ်ခါတလေတော့လဲ ပြောမပြတတ်အောင် စိတ်ပင်ပန်းရသည်။
ဒါပေမဲ့လဲ တစ်ဖက်မှာ သူမကို ချစ်ပေးကြတဲ့သူလေးတွေ ရှိနေသေးတာမို့ တစ်ဖန်ပြန်ပြီး အားတင်းကာ ရှင်သန်ရသည်။
