الحلقة الخامسة
حقيقة
بقلمـ :
mondaaltomy ❤️
__________________
فايزة: اني هكي تحطيني في موقف اخيي زي اهوا تي شن يقولك عقلك راك مزلتي صغيرة.
ايه و هي تبكي: والله يا ماما لما عرفته متزوج سكرت عليه لاكن هو مصر قالي والله نحبك و نبيك 😭😭.
فايزة بعصبية : انتي بنتي و نعرفك كويس و كنت شاكه فيك قلت لالا مديرهاش بنتي متربية لاكن طلعتي مش قد الثقة و مزالت متزوج توه تشوفي الموضوع عند بوك.
ايه: باللهي عليك ي ماما متقوليش باللهي عليك والله معادش نعاودها باللهي عليك 😭😭.
فايزة: مش هذا يلي كنتي تبيه تحملي ما يجيك طلعت و قفلت الدار.
ايه تخبط ع الباب : باللهي يا ماما ماتقوليش يا ماما افتحي الباب 😭😭والله معادش انعاودها قسما بالله يا ماما.
قعمزت ع الارض و ظمت رجليها و قعدت تبكي و تبكي.
__________________
من وراء الباب
فايزة و هي في سرها : خليها تتربي شوي و قبل ما يجي باتها نفتحلها و مشت ضمت الحوسة و قعدت ع التلفزيون.
___________________
و مرت ساعتين و ايه تبكي
فايزة: توه اكيد حيوصل نمشي نفتحلها الدار.
مشت فتحت و لقتها مغيرتش و نفس الوضعيه يلي كانت عليها.
فايزة: تي يا بلي بري غيري بوك ع وصول.
ايه مسكت يديها: بللهي يا ماما متقوليش باهي والله معادش انعاودها.
فايزة مسحت ع شعرها: يبنتي اني مش حنقول بس حبيت انديرلك شوية دراما توه بري غيري و بعتالي نفضالك نهدرز عليك بهي.
ايه: باست راسها ربي يخليك ليا.
فايزة: و ليا هيا بري غيري بوك ع وصول.
ايه: بهي.
________________
علي: السلام عليكم.
فايزة : و عليكم السلام.
علي قعمز في الصالة: امالا وين لصغار.
فايزة: اولادك قعدين ع حالتهم ديما برى مشعارفة امتي حنقعدوا زي الناس عيلة وحدة مع بعضنا و ايه توه تنزل.
علي: خليهم ع راحتهم لولاد هكي مرتاحين هما.
فايزة: اني مطلبتش شي يا على بس نبي نقعدوا مع بعضنا ع الاقل ع سفرة الاكل بس.
علي: خلاص ان شاء الله خير الموضوع عندي باذن الله.
فايزة: حقا بكري جو خطابة ل اية و رفضت.
علي: علاش رفضتي.
فايزة: بعتالي نحكيلك.
علي: بهي تمام .
ايه : السلام عليكم بوي و طبت ع راسه.
على: و عليكم السلام خيرهم هكي عيونك.
ايه شافت لامها بمعنى شن انقوله.
فايزة: كانت راقدة.
علي: اهاا واني شن قلت عليها اهيا النومة معادش ترقديها يا ترقدي في الظهر يا بلاش هذا اسمه نوم الغافلون.
ايه و هيا مواطية راسه: ان شاء الله يا بابا.
فايزة: هيا خليني نمشي ندير العشاء تعالي ايه معاي ساعديتي.
ايه: تمام اهوا جاية وراك.
_____________________
الساعة 11 ليلا
علي: هيا تصبحو ع خير.
فايزة، ايه: وانتى من اهله.
فايزة: توعديني يا ايه معادش ادرقي عليا شي.
ايه: ان شاء الله.
فايزة: به احكيلي كيف تعرفتي عليه .
ايه قعدت تسترج في شريط ذكرياتها: في الثانوية كل يوم ضروري نلقاه قدام باب الثانوية و في مرة دزلي بنت قالتلي راه معجب بيك و اهوا رقمه و مشت يعني معطتنيش فرصة انقوللها لا المهم حطيته في الشنطة و نسيته الصراحة و لما جيت بنقرا ليقيته الرقم فقلت جربي يا ايه و صار يلي صار تعرفت عليه و بعدخا تذكري لما جت مودة .
فايزة: اي.
ايه: كنت اني و ياه في اليل قبلها بيوم انهدرزوا ع الواتس و حكيتلها قالتلي شن اسمه قلتلها قالتلي بكرى حنجيك و نفهمك الموضوع المهم قالتلي راه متزوج و ورتني مصور هو و صغاره و زوجته تكون عمتها.
فايزة: حي عليك يا ايه حي عليك تي وين عقلك كيف مشكيتيش فيه.
ايه: والله ي ماما عادي يكلم فيا في اي وقت في اليل يعني عادي حسيته الموضوع كأن مش متزوج.
فايزة: قسما بالله يا ايه والله نسمعك تتكلمي معاه نهارك احرف فاهمة و حنقعد انراقب فيك بهي.
ايه: بهي ي ماما.
فايزة : حقا اختك ايناس بكره قالت بتجي. هيا و صغارها.
ايه : اها.
فايزة: هيا تصبحي ع خير خلاص بنرقد.
ايه: تلاقي الخير.
ايه استنتها ل مشت و قفلت باب دارها شدت تلفونها لقت هلبا مكالمات منه اتصلت بيه.
ترن ترن
ايهاب: تي وينك من بدري نتصل مترديش.
ايه: ماما عرفت بكل شي صار.
ايهاب: يعني هذا علاش رفضت .
ايه: اي بعد امك قالت هيا تدري ع الموضوع و راضية وولدي يحبها قالت اني بنتي صغيرة و مش حنعطيها لواحد متزوج.
ايهاب: و عد يا ايه بكره نكلم بابا و حنجي نطلبك من بوك مش حنخيلك لي ناخذ باذن الله.
ايه و هيا تبكي : والله نحبك يا ايهاب.
ايهاب: واني نموت فيك بلاش بكي امسحي دموعك.
ايه: ههه تمام به و مراتك كيف قلتلها والله لا.
ايهاب: لالا متدريش.
ايه : اها باي هيا توه بنسكر و متتصلش بيا ديما لانها قالتلي حتقعد مراقبتي استناني لي اني نتصل بيك.
ايهاب: به تمام هيا معسلامة.
ايه : باييي.
سكرت الخط و ضمت التلفون ليها.
ايه: ههه شكلك تحطي يا ايه طيحة شينة و حبيتي هههه هذا الحب يلي ماكنت مقتنعة بيه اهوا حبيتي يا ايه هههه.
يتبع .......
________________
اسفة ع الاخطاء الاملائية
قـ♥ـرآءة مـ♥ـمـ♥ـتـ♥ـعـ♥ـة
![](https://img.wattpad.com/cover/343069657-288-k458754.jpg)
YOU ARE READING
صدمتي
General Fictionعآرفين آلشـعور لمـآ تحب حد مـن گل قلبگ و تنصـدمـ فيهہ و يخذلگ عآرفين آلشـعور لمـآ تآخذ قرآرآت غلطـ في حيآتگ حيودنگ يمـگن في سـتين آلف دآهہية و تنصـدمـ في روحگ آتقول علآشـ آني آخترت هہذآ آلقرآر علآشـ آندمـر في حيآتي بيدي آو لمـآ آتحسـ نفسـگ آنگ تضـلم...