صدمتي

آلحلقة آلثآنية عشـر

الحلقة الثانية عشر
حقيقة
بقلمـ
mondaaltomy ❤️
________________________
ايه: حبت تنهي المكالمة محبتش طول فيها في شي بداخلها مضايقها لما سمعت صوته.
و مرت الايام و دارو بيان و قروا الفاتحة كل شئ صار بسرعة حتى من ايه قعدة مصدومة في يلي صار و الان تعتبر زوجة ايهاب و طول هذي المدة ايه لما يكلمها مهاب تسبل بي يا ماما تكلم فيا او نبي نرقد او نبي نرقد عندي امتحان بكرا و غيره كانت ايه مش متقبلة الموضوع او يلي صار كانت مصدومة في روحها و في قراراتها يلي صارت بسرعة و في سرها تقول علاش وافقت كان قلبها معلق مع شخص ثاني كانت تقنع في روحها انها تزوجت مهاب و متبيش تفكر في ايهاب بس قلبها مش قادر يقتنع و في نفس الوقت حست بتصرفاتها تجاه مهاب انها ظلماته او حتظلمه معاها في المستقبل و آلآيآمـ مـرت بسـرعة بگل حتي مـشـ حآسـين بيهآ تمـر بسـرعة رهيبة و مـشـ عآرفين شـن ربي گآتبلنآ آو نهآيتنآ گيف حتگون و نهآية ايه كيف حتكون هل كيف متوقين او لا.
____________________
في يوم من الايام ع التلفون
مهاب: حبيبتي بنقولك حاجة.
ايه: شن في.
مهاب: شن رايك نحددوا العرس.
ايه بصدمة: كيف.
مهاب : كنكن انصدمتي و بعتالي اني كملت كل شي علاش نستنوا وانتي دبشك عادي تكمليه في اسبوع.
ايه بانزعاج: لالا ع الاقل نكمل امتحاناتي و بعتالي ساهل.
مهاب: خلاص ماتزعليش نحددوه بعد الامتحانات تمام.
ايه: تمامم هيا تصبح ع خير بكرا عندي امتحان.
مهاب: وانتي من اهله.
و سكروو
__________
طق طق طق
مهاب: خشي.
فرح خشت و قعمزت ع السرير: كنك حسيتك مضايق.
مهاب: لالا مافي شي.
فرح: كذاب تي شوفلي حط عيونك في عيوني.
مهاب شافلها: هااا و بعدين.
فرح: تي كذاب الهم اني نعرفك راه في حاجة مضايقتك.
مهاب: ايه.
فرح: كنها ايه.
مهاب: مشعارفة حسيتها مغصوبة عليا والله كيف.
فرح: و كيف حسيت ان شاء الله.
مهاب: ديما لما نكلمها تسبل مشعارفة كيف كانها تبي تنهي المكالمة بسرعة.
فرح: كيف يعني بشنو تتسبل.
مهاب: مرات تقولي نبي نرقد والله بكرا امتحان و مرات ماما تكلم فيا و حتي اليوم قلتلها شن رايك نحددو العرس حسيتها ضياقت والله كيف.
فرح: مرات البنت مضغوطة راه امتحانات شهادة ثانوية اكيد حتكون مضايقة و مضغوطة.
مهاب: ان شاء الله يكون كلامك صح.
هنية بصوت عالي : يا فرح يا فرخة هذا كله تعالي انتي و اخوك .
فرح: 😂😂😂شكلها الحاجة معصبة حتي الدخان بيطلع من وذانها.
مهاب: 😂😂بكل هيا نمشولها توه تجي تقربع الباب.
فرح: 😂😂هياا.
و ناضوا
______________________
ايه في سرها: حسيت روحي زودتها عليه زعما نكلمه و نقوله خلاص حدد و الله لا لاكن خليني بكرا نكلمه نقوله بعد الامتحانات ع شان ننساه .
______
مرت الايام و حددوا العرس يوم 10 /8 كانت اي تقرا و تطلع تشري في بتاتها كان صعب عليها بكل و بدات انها امتحانات كانت مضايقة و في نفس الوقت خايفة من كلام ايهاب و تتوقعه انها يديره السحر.
_________
يوم الصالة
ايه واقفة ع لمراية و مرتبكة: ايناس شن حلوة والله لا.
ايناس: تي طالعة اميرة و جت قدامها واككك و اخيرا شفتك عروسة.
ايه: باللهي متخلينيش نبكي الهم.
ايناس: متبكيش توه المكياج يسيح خليني نكلم منذر ( خوهم) .
( خوتها مذكرتهمش لان معندهمش دور في القصة)
ايه: افف خلاص حسيت روحي مرتبكة .
ايناس: ايه يا ايه.
ايه: نعم.
ايناس: هيا منذر قدام الباب.
لبستها الكاب و طلعت.
منذر نزل من السيارة و ساعدها في الركوب : كبرتي و بتخلي البيت فاضي من بيكويلي ملابسي .
ايه: 😭😭باللهي متزيدهاش عليا واني ع فوق .
ايناس: يا منذر متخليهاش تبكي المكياج بيسيح.
ركبوا في السيارة و ايه مسكينة تبكي.
ايناس: تي خلاص الهم رقي راسك.
ايه: منذر.
منذر: نعم .
ايه: 😭😭نبي نروح معاكم خلاص منبيش نتزوج.
منذر: 😂😂واككك تحسابيها لعبة هيا 😂😂مش وافقتي الهم والله يا طشة معادش بنسعوا هرجتك في البيت .
ايه تبكي
ايناس: 😂😂😂تي خلاص الهم سكري كشختك شن يا منذر محمد بيجي يدخلها.
منذر: منذر شفتيه انتي و تسكير الراس قال بيجي لاكن مرات يغير كلامه زي كل مرة😂😂.
ايناس: ان شاء الله لا😂😂.
نسيت نحكيلكم ع ايه
ايه : كانت عروس جميله بفستان ابيض منفوخ وكبير وطرحه طويله ومكياج ثقيل

دخلوها لغرفة العروس
لاقتها امها و جايبة المبخرة معاها: ماشاء الله ع بنيتي تبارك الرحمن اميرة و قعدت تبخر فيخا اقري المعوذات.
ايه :😭 يا ماا خلاص منبيش نتزوج بنروح معاكم.
ايناس: يا ماما كلميها في السيارة ع طول فاتحها كشختها.
فايزة: تي سكري فمك توه تحشمينا قدام العرب هيا كلمي خوتك وقت خليخا يدخلوها.
ايناس: تمام طلعت و شافت خوتها هيا ماما قالتلكم وقت وانتا يا محمد قلت اكيد مبتجيش.
محمد ( خوهم) : عيب كيف منجيش اندخل خويتي يلي تكويلي في ملابسي 😂😂.
ايناس: خزي باهي و احنا علاش مدخلتناش.
محمد: انتم صح خواتي لاكن مستحيل تجو في مكان ايه 😂.
ايناس: خزي عليك هيا يرجو فيكم.
منذر و محمد: هيا و مشو خشو لداخل.
ايه: اول ماشافتهم قعدت تبكي 😭😭.
منذر : تي خلاص ياهم صدعتيني قالولك بتتزرجي مش بتموتي 😂.
ايه: 😭😭بنستاحكم.
منذر و محمد : والله حتي نحنا بنستاحشوك.
محمد: بتخلي مكانك فاضي يا طشة و حضنها.
اسلام: تي هيا ياسر من لدراما.
كل واحد شد يد و كانت تدريجتها ع الاسماء الحسنى و الانظار كانت عليهم في يلي حاسد و يلي غاير و يلي ناوي ع شي و يلي سعيد و غيرهم .
___________
ان شاء الله تكون الحلقة نالت اعجابكم الحلقة الجاية الاخيرة ❤️❤️
نتلاقواا
قراءة ممتعة❤️