صدمتي

آلحلقة آلسـآدسـة

حقيقة
بقلمـ
mondaaltomy ❤️
____________________
آينآسـ : تي نوضـي ي بلوة لآمـتى بتقعدي رآقدة .
آيه : تي آفف خليني نرقد آلهہمـ وآنتمـ آمـتى مـآتجو مـتخلوآ حد يرقد .
آينآسـ : غير هہيآ نوضـي سـلمـ خيتي .
آيه شـآفت آلسـآعة لقتهآ 10 شافتلها: تي بري عني شن جايب الهم توه و اعطتها كانشو برجلها😂😂.
ايناس: توه تشوفي الحق مش فيك الحق في يلي مستاحشك تفوو.
ايه : اطلعي و سكري الباب وولت رقد 😴.
ايناس طلعت وسكرت الباب
ايناس: ي ماما بنتك مشعارفة كيف حتتزوج والله لما ادير العار.
فايزة: هههه والله حتى اني هكي حاستها حشيشتها النوم الفرخة اهيا و بعتالي حتى انتي كنتي احرف منها و اهوا تزوجتي و تغيرتي والله ناسية روحك.
ايناس: 😂😅لا والله مش ناسية.
فايزة: تي بري شوفي اولادك مشعارفة شن يكسروا.
____________________
الساعة 1
ايه: صباح الخير
ايناس: تي قولي مساء الخير يا بايرة يا خميرة اندادك بصغارهم.
ايه: مدخلكش به خيرك جاية من الصبح ان شاء الله خير.
ايناس: واللهي حوش بوي امتى نجي نجي مدخلكش.
ايه: به به شفت الساكوات متقوليش بايتة الهم.
ايناس ترقي في حواجبها : اي و مرات اسبوع والله اكثر راجلي مسافر.
ايه: تعرفي ترقدي انتي و فروخك في دار المعيشة فكيني من اصواتهم.
ايناس: به يصير خير.
ايه: 🙂🙂🙂 .و مشت للكوجينة
ايناس لحقتها للكوجينة
ايناس: امالا شن بديري.
ايه: واضحة بنفطر.
ايناس: و الغذاء من بياكله.
ايه: انتم.
ايناس: بلا بسالة راه ماما داراته واجد غير شوفي الرز كيف هلبا.
ايه شافاته: تستاهلوا محدش قاللكم ديروه هلبا هكي.
ايناس: خويتي الغالية باللهي عليك ماتفطري اهوا بابا شوي و حيجي هيا خلينا نوتوا.
ايه: استغفر الله حتى ماكلة متخليكش تاكل شن الحالة اهيا بري لراجلك.
ايناس: سلم و خيتي هيا نوتوا الصفرة.
ايه وهيا تضحك ضربتها ع راسها: يايي طلع الكلام المعسول 😂😂😂.
ايناس: 😂😂نجيها خويتي الصغيرة.
ايه: هيا هيا بابا قريب يوصل .
____________________
في العشية
ايه: ي ماما بنمشي ل وتين.
فايزة: امشي لاكن ماطوليش .
ايناس: خويتي جيبيلي شكلاطة.
ايه: شن تشوفي فيا بنك روما والله شن.
ايناس: هيا سلم وخيتي.
ايه : بهي به و مشت .
_______
فايزة: اسمعي مادامك قاعدة معانا اسبوع نبيك تراقبيلي اختك.
ايناس : علاش.
فايزة: امس جونا خطابة و اختك ماقالتليش و الراجل يلي يبيها متزوج و عنده 3 صغار و هيا تبيه و تكلم فيه واني قلتلها معادش تكلميه ووعدتني و انتي زيدي راقبيها ماو حسيتها تكلم فيه.
ايناس: هذا كله صاير واني مندريش.
فايزة: تي كنك هذا الكلام صار امس.
ايناس: و اسلام ( اختهم) تدري والله لا.
فايزة: لالا متدريش.
ايناس: اهاا به تمام توه نراقبها متشغليش بالك.
فايزة ابتسمتلها .
____________________
في الليل
ايه: هيا خلاص بري فرشي لولادك.
ايناس: به طلعيهملي.
ايه: اففف به توه نجيبهملك.
ايه مشت جابتهم
ايه: اهوا هاكك.
ايناس: صحيتي و بدت تفرش .
لؤي: ماما نبي بطانية.
ايناس: به توه نجبهالك نمشي نكلم خالتك ايه شوية بس.
لؤى: به.
ايناس بتمشي لدار ايه تسمع في صوت ايه تكلم ع التلفون قعدت تسمع فيها من وراء الباب.
ايه: به امك مزعلتش.
ايه: اي صح حسيت ماما زودتها.
ايه: حي حقا بكره.
ايه: لاكن عارفة بابا حيرفض زي ماما.
ايه: والله انقولوا ان شاء ال......
فجأة خشت عليها ايناس و ايه تلبكت تبي تسكر مشعارفة كيف و التلفون طاح.
ايناس شافاته طايح و الخط مفتوح قاماته و تكلمت : ايوا.
و بعدها الخط تسكر
ايناس شافتلها بعصبية : تي انتي شن اندير فيك كنك ماتسمعيش في كلام امك تي والله كان تدري لما تقتلكك.
ايه: باللهي عليك يا ايناس متقوللهاش.
ايناس: توه بديتي خايفة هيا شن قالتلك مش معادش تكلميه ووعدتيها.
ايه: والله انحبوا بعض انتم علاش هكي متفهموش .
ايناس: تي يا دراه الراجل متزوج متزوج كنك ماتفهميش.
ايه: عارفة والله عارفة هو ميحبش زوجته.
ايناس: و كان ميحبش زوجته يعني راه عنده صغار صغار يا ايه وانتي مزالت العمر قدامك علاش اديري في روحك هكي راه مهما تقدملك بابا و ماما حيرفضوا.
ايه : بكره حيجي لي بابا .
ايناس: مهما جاء راه مصيره الرفض و توه تشوفي قولي ماقالاته ليا ايناس.
ايه: تي كنك هكي انتي تحطمي فيا.
ايناس: تي هذا مش تحطيم هذا الحق هيا بالعقل و المنطق واني قلتلك اهوا مش حيوافقوا و جت بتمشي.
ايه: ايناس استني.
ايناس شافتلها : كنك.
ايه: باللهي عليك ماتقوليش شي لي ماما.
ايناس شافتلها: توعدي و بعتالي اديري روحك خايفة.
ايه: به غير قولي بتقوليلها والله لا.
ايناس: مشعارفة يصير خير حقا لؤى يبي بطانية اعطيني.
ايه: هاك.
ايناس: صحيتي و مشت.
يتبع.....
__________________________
قـ♥ـرآءة مـ♥ـمـ♥ـتـ♥ـعـ♥ـة
النشر حيكون يوم بعد يوم باذن الله
و اسفة ع اي اخطاء املائية
رايكم في الحلقة و توقاتكم