صدمتي

آلحلقة آلحآدية عشـر

الحلقة الحادية عشر
حقيقة
بقلمـ
mondaaltomy ❤️
_____________________
ايه: في يدها الورقة يلي مكتوب فيها الرقم خدت تلفونها و كتبت الرقم و سجلاته و في سرها تقول زعما قراري يلي خترته صح والله غلط حاسه روحي استعجلت هلبا في الموضوع اهااا ياربي شن ندير توه قلبي معلق مع شخص ثاني هل حيقدر ينسيني فيه افففف حسيت روحي استعجلت لاكن من ناحية ثانية مشعارفة حاسه بان حنتريح معاه .
قعدت في صراع بين عقلها و قلبها ديما القلب يفوز ع العقل لما تختاري تمشي وراء قلبك ف حنقولك اختيارك غلط ديما اختاري تمشي وراء عقلك فكري في مواضيع بعقلك مش بقلبك و حتشوفي اختيارك كيف حيكون صح .
و ديما الليل وقت الذكريات و استرجاع الماضي .
مهما كنتي تضحكي و ابتسامتك متفارقش وجهك ف لما يجي اليل حيجنك لحضات انهيار مفرطة مهما خبيتي اوجاعك عن الناس مهما دسيتي في قلب حيجي يوم و حتتفجري.
ايه كانت تبكي بس كاتمه شهقاته ع شان محدش يسمعها كانت تسترجع في المحادثة يلي بينها هيا و ايهاب مفيش حد حيحس بشعورها الا يلي مجربه.
قعدت تقرا في المحادثات و بعدها طلعت ركبت سمعاتها ع الاغنية يلي حست انها تعبر عنها .
(في احساس ماليني و في خوف و دموع في عيني مش قادر ادريها 😔😢.
ظروف معنداني بتجبرني حبيبي انساك 😭.
ظروف كثير ثاني بتمنعني اكون وياك 😔.
مش هنكر حقيقة حاجات حلوة و بريئة حسيت معاك بيها ❤️.
طبيعي هتغير عشان بعديها شفت عذاب .
طبيعي هتغير ما دام بسهولة كدا بتساب😢.))
نحت سمعاتها و نفجرت بكي.
_________________
في بيت ثاني
مهاب فاتح تلفونه و يشوف في رقم ايه متردد يتصل والله لا فجاة جت قدام عيونه كيف لما خشت للمربوعة و متحشمة و بعد تفكير قرر يتصل.
_______________
ايه شافت الاتصال بس مابتش ترد.
و مهاب عاود يتصل بيها و هيا مبتش ترد سكر التلفون و رقد.
____
الصبح
فايزة فتحت النافذة: تي نوضي لي امتي بتقعدي راقدة.
ايه بتكاسل : يا ماما خليني راقدة راه مرقدتش.
فايزة: راه الساعة12.
ايه: نبي نرقد يا ماما وراسك.
فايزة جتها و نحت البطانية و قعمزت ع طرف السرير: كنتي تبكي ولا.
ايه: لالا.
فايزة: يا ايه متكابريش كنتي تبكي و تفكري فيه راه اني امك و حاسة بيك.
ايه: اهاا كنت نفكر فيه.
فايزة بعياط : انسيه كنك انتي راه متزوج متزوج افهمي.
ايه: عارفة بس.
فايزة: يا بنتي انسيه الراجل متزوج و عندة مراته و صغاره اعفسي ع قلبك وانسيه راه مهاب ولد كويس و شاريك و جاك طول من الباب راه راجل اكسبيه وانسي ايهاب .
ايه: ان شاء الله يا ماما.
فايزة: هيا امالا نوضي نرجا فيك.
ايه: تمام .
ايه خلت امها طلعت و شافت تلقونها لقت اتصالين من ايهاب تنهدت حطت التلفون و ناضت.
__________
((ان للقلب اسباباً خاصة به لا يمكن ان يفهمها العقل💗)).
مهاب طول الوقت شارد و يفكر في ايه.
احمد ( صاحبه) : تي كنك انتا ليا ساعة ندوي.
مهاب: ماركزتش عليك.
احمد: تي ليا هلبا معاك اني تفكر في لكبيدة شكلك و غمزلة😉.
مهاب: تي بلا بسالتك الهم اعطيني الاوراق.
احمد: 😂ههه تمشي فيا والله لاوراك وراك توه تشوف لي نعرف في شن تفكر.
مهاب بعصبية: اطلع خليني انكمل الشغل.
احمد: اهوا طالع و طلع.
مهاب في سره اففف مشعارفة علاش نفكر فيه تي يا مهاب ركز ع شغلك ركز الهم و كمل شغله ع السريع و روح.
_______
فرح طقطق ع الباب : مهاب.
مهاب: خشي.
فرح خشت و قعمزت ع طرف السرير: شن كلمت ايه.
مهاب: امس في الليل اتصلت بيها مرتين مردتش.
فرح: بالك كانت راقدة.
مهاب: و مرات متردش ع الارقام الغريبة.
فرح: بس اني حطيتها رقمك .
مهاب : اهاا يعني شافت الرقم و مابتش ترد.
فرح: 😂اكيد كانت راقدة و بعد ناضت لقت اتصالك تحشمت عاد اول مرة.
مهاب: زعما.
فرح: و زعمتين اخرى متزعلش يا خويا متحطش في بالك انتا بعتالي اتصل بيها اكيد حترد عليك.
مهاب: ان شاء الله خير.
فرح: هيا تعالي العشاء ماما ترجا فيك.
مهاب: اهوا جاي و ناضواا.
____________________
ايه كيف كملت غسل عوايز. العشاء طفت ضي المطبخ و مشت لدارها تسمع في تلفونها يشرين شافاته لقاته مهاب: زعما نرد والله نرد والله بعدها اذكرت كلام امها لما قالت .
فايزة: يا بنتي انسيه الراجل متزوج و عندة مراته و صغاره اعفسي ع قلبك وانسيه راه مهاب ولد كويس و شاريك و جاك طول من الباب راه راجل اكسبيه وانسي ايهاب .
ردت
مهاب: السلام عليكم.
ايه : و عليكم السلام.
مهاب: كيف حالك .
ايه: الحمد لله كيف حالك انتا.
مهاب: تمام.
و عم السكوت بيناتهم للحظات و كسر حاجز السكوت مهاب .
مهاب: امس تصلت بيك مارديتيش.
ايه: تبي الحق كنت راقدة ولما نضت تحشمت.
مهاب : حتي فرح قالتلي يمكن راقدة و تحشمت.
ايه: اي مهاب ماما تكلم فيا.
مهاب: خوذي راحتك هيا معسلامة و سكروا.
ايه حبت تنهي ........ يتبع
_____________________
قـ♥ـرآءة مـ♥ـمـ♥ـتـ♥ـعـ♥ـة
النهاية قربت يمكن حلقة او اثنين رايكم في الحلقة و توقعاتكم ع الحلقة الثانية عشر