صدمتي

آلحلقة آلتآسـعة

الحلقة التاسعة
حقيقة
بقلمـ
mondaaltomy ❤️
________________________
ايه: والله مكنتش متوقعاته يطلع هكي اهااااااا ربي يقدرني ع نسيانك.
خدت تلفونها و فتحت النت قالت بالك نلقى وتين فاتحة.
لقتها فاتحة بعتتلها هلا قعدت شوي و بعتالي ردت عليها.
وتين: اهلين شنجووو.
ايه: والله مضايقة بكل كان توه فاضية بنكلمك.
وتين: تمام يا عينيا توه مش فاضية شوي و نكلمك.
ايه: تمام نرجى فيك.
وتين: باي.
ايه سكرت النت و مشت تسرح في شعرها و فجاة يتصل بيها رقم و هيا مركزتش و ردت بسرعة تحسابه وتين ع شان قالتلها شوي و نكلمك فردت طول.
ايه: هلا وتين.
مجهول: ههههه مش وتين يا ايه اني نبهتك راه مستحيل تاخذي حد غيري مستحيل.
ايه بصدمة: ايهاب.
ايهاب: ههههه اي ايهاب.
ايه: خلاص اخطاني شن تبي فيا اني معادش نبيك معادش.
ايهاب: اني نحبك يا ايه و مستحيل حتكوني لحد غيري انتي حبيبتي يا ايه.
ايه: خلاص انساني خلاص.
ايهاب: اني مش حننساك واني نبهتك يا ايه.
ايه: والله لمريض نفسي و سكرت عليه و هيا ترعش و خايفة و تبكي 😭😭😭اهااا ياربي 😭😭بعدها تلفونها شرين شافاته لقتها وتين ردت.
ايه و هيا تبكي: الووو.
وتين: كنك يا ايه.
ايه: 😭😭ايهاب يا وتين.
وتين: كنه ايهاب احكي يا ايه قعده نشحت في الكلام منك تشحيت.
ايه 😭😭 : اني سيبت ايهاب.
وتين: علاش يا همم.
ايه: ماهو امس جوني خطابة و صليت استخارة و ارتحتله و مشعارفة سيبت ايهاب و قاعد يهدد فيا بالسحر يا وتين شن ندير 😭😭😭.
وتين: حي احلفي .
ايه: والله يا وتين 😭شن ندير.
وتين: بصراحة متوقتاش هكي لاكن متعدليش مستحيل يدير حاجة و قولي ماقلاته وتين.
ايه: 😭😭مشعارفة حاسه حيديرها يا وتين والله خايفة و نرعش 😭 .
وتين: تعرفي كان اني توه بجنبك شن درتلك 🙂🙂.
ايه: شنوو.
وتين: كنت كسرتك بالمكنسة 🙂تي ياهم خلي روحك قوية و عندك شخصية كنك هكي حساسة و بكاية الهم.
ايه: الله غالب هذي شخصيتي شن ندير.
وتين: غيريها 🙂 .
ايه: 🙂ان شاء الله.
وتين: المهم يقلبي باللهي فكك منه راه مش حيدير شي و حتي كان دار توه نعطيك التعليمات.
ايه: ان شاء الله ياربي.
وتين: توه هيا بايي ماما تنادي فيا.
ايه: تمام هيا معسلامة.
وتين: سلام و سكرن.
ايه بعد ماسكرت من وتين انفجرت بكى كانت خايفة و ترعش و مشعارفة هل ايهاب حيقدر يسحرها والله لا خايفة من كثر ماتسمع ع السحر وانواعه و كيف يخليك تتعذبي بس كل ماتبكي تحس انا في ضوء بسيط حينقدها من هذا كله حيخليها تحب حياتها حيعطيها قوة يلي كل بنت تتمناها حيطيها قدرة ع التحمل حيخليها سعيدة في حياتها بس شن هذا الضوء و من الشخص يلي حيعطيها كل هذا الشئ قعدت تفكر في اختيارها لي مهاب هل حيكون صح او غلط سمعت صوت اذان العصر ياذن مشت توضت و صلت و دعت و تخش عليها امها.
فايزة: يا ايه بسرعة هيا البسي لبسة قنينة و ديري دورة ع روحك بسرعة.
ايه باستغراب: علاش.
فايزة: مهاب هلى حيجوا.
ايه: كيف هكي بسرعة هذي.
فايزة: ماهو مخبريني من امس بعد اعطيناهم الرد و ماقلتلكش.
ايه: يا ماما علاش به ع الاقل استنيتوا مش طول رديتوا عليهم.
فايزة: ماهو عارفتك حتغيري رايك 🙂هيا بري ديري دورة ع روحك و نرجا فيك راه قريب يجوو و طلعت.
ايه: باهي يا ماما.
ايه: اففف توه هدوله وقتهم هما و ناضت تشوف شن تلبس.
_____________________
فايزة: هلا هلا اتفضلوا و بدو يسلموا.
هنية ( ام مهاب) : سلمك كيف حالكم.
فايزة: الحمد لله في نعمة.
هنية : وين عروستنا ☺️.
فايزة: اهوا توه انكلمها خودوا راحتكم و مشت.
فايزة: هيا يا ايه العرب يستنوا فيك.
ايه: اهوا يا كملت .
فايزة: بري ديري وتي الضيافة و تعالي ومشت.
ايه: تمام.
ايه في المطبخ و متلبكة و حالتها حالة تقول اول. مرة يجوها خطابة 😂وتت السفرة و طلعت و هيا رجل تقدم و رجل توخر و خشت للصالة.
ايه: السلام عليكم و بدت اتسلم .
كلهم : و عليكم السلام.
فرح ( اخت مهاب ) : ما شاء الله تهبلي يا ايه.
هنية: جمال الله يبارك ولدي عرف يختار ربي يحفظك يا ايه .
ايه و هيا متحشمة ☺️😂: من ذوقك و يحفظك.
هنية: حنعرفك ع ولدي مهاب م 98 و ماشاء الله بخدمتة و بيته و سيارته و مش متع مشاكل بكل ع حاله وانتم زيديو اسئلوا.
فايزة: ماشاء الله.
هنية: والله يا ايه خشيتي خاطري ان شاء الله تكوني من نصيب ولدي يارب.
فايزة: ان شاء الله.
و ايه مسكينة متلبكة و ماتكلمتش بكل 😂.
علي بصوت عالي: ايه يا ايه.
فايزة: شكله بوك يضبح عليك.
ايه: اهاا سمعته و ناضت نعم يا بابا.
علي: بري البسي و شاحك و تعالي الراجل يبي يدير نضرة شرعية.
ايه: شنوو 😳.
علي: تي كيف شن بري بسرعة.
ايه وهيا متلبكة: بهه بهي ومشتت لبست و دارت قهوة و جتت.
علي: هيا خشي.
ايه: خشت و هيا منزله راسها السلام عليكم و قعمزت و منزله راسها.
مهاب: و عليكم السلام شن حالك يا ايه .
ايه: الحمد لله وانتا كيف حالك.
مهاب: دووم ياربي الحمد لله .......يتبع
______________________
قـ♥ـرآءة مـ♥ـمـ♥ـتـ♥ـعـ♥ـة
اسفة ع التاخير
نتلاقوا في الحلقة العاشرة