صدمتي

آلحلقة آلسـآبعة

الحلقة السابعة
حقيقة
بقلمـ
mondaaltomy ❤️
_____________________
آيه : آففف همـ آحرف توه آگيد بتقول لي مـآمـآ .
_______
و مرن الايام تعالوا نختصرلكم شن صار بالضبط
ايه محصلتش فرصة انها تكلم ايهاب مرة ثانية لانها تحت مراقبت اختها و امهاا
و الرجالة جو و طلبوها بوها قال ان شاء الله خير ميبيش يكسفهم زي مادارت زوجته و بعد يومين رد عليهم بالرفض 🤷‍♀️و كل مرة ايهاب يتقدم او يكلم حد ع شان يقنع بوها بس كل محاولاته باءت بالفشل و ايناس روحت.
______________
في الليل ع التلفون
ايهاب: اني يا ايه والله مشعارف شن حندير بوك يرفض و خلاص.
ايه بحزن : الله غالب.
ايهاب: اني خلاص راه منقدرش انحاول مرة اخرى.
ايه: يعني خلاص تخليت عني يا ايهاب مش قلت مستحيل انسيبك و حنتزوجك .
ايهاب: تي لالا مستحيل انسيبك اني عندي خطة ثانية.
ايه: شن هيا.
ايهاب : شن رايك نهربوا.
ايه بصدمة😳: كيف .
ايهاب: نهربوا اني ووياك و نتزوجوا و اني مستعد اهم شي تكوني معاياا.
ايه: 😳😳 انتا مستوعب شن تقول والله لا.
ايهاب: اي مستوعب باللهي عليك يا ايه اني راه نحبك هيا خلينا نهربوا و نتزوجوا حتى كان تبي نطلعوا من ليبيا عادي راه هيا وافقي حتى توه نجيك عادي راه.
ايه: انتا شن تقول شن تحسابني بنت مننفعش نطلع و نهرب من بيت هلي مستحيل نديرها اني تعرف اصلن اني الغلطانة يلي نكلم فيك منحسابكش هكي يا ايهاب و سكرت عليه الخط.
رقدت ع السرير و شفت للسقف و ابتسمت و و فجاة نزلن دموعي.
((فخلف تلك الابتسامة العريضة بركان ينفجر))
و نشوف فيه يتصل بس مارديتش بعدها بعتلي رسالة مكتوب فيها (( ايه كنت نختبر فيك راه ردي عليا ضروري )) بعدها اتصل مسحت دموعي و رديت.
ايهاب: تي يا هبلة كنك هكي كنت نختبر فيك راه كنك صدقتي.
ايه: نحسابك تتكلم بجديات.
ايهاب: معقولة مستحيل انديرها اني شكلك كنتي تبكي.
ايه: كنت مضايقة و هكي.
ايهاب: به احكيلي ي عمري .
ايه: مفيش شي مهم.
ايهاب: به ع راحتك.
ايه: هيا بايي بنرقد تعبانة.
ايهاب: سلامتك هيا معسلامة.
ايه سكرت الخط.
و قالت (( لا شئ يبقى للابد حتى الشمس ستكسر القانون يوما و تشرق غاربا لتعلن النهاية )) اكتفت بالجملة هذي و سلمت نفسها للنوم.
من جملتها يلي قالتها كانت عارفة النهاية كانت متوقعة انا مهما دارت و مهما حاربت هذا الشخص مش حيكون ليها كانت عارفة انا هذا الشخص لغيرها مهما دارت مستحيل حيتحقق حلمها صح هو عرض عليها انها تهرب معاه و كانت عارفة انا هو مكانش يختبر فيها و كان يبيها تهرب بس في نفس الوقت هيا بنت و حبت لاكن من المستحيل انها توصل للهروب و تنزل راس باتها كانت عارفة بس علاش قلبها مش قادر يتقبل الواقع علاش فهل نهاية قصتها حتاخذ حب حياتها و تعيش معاه او حتكون النهاية عكس الكلام هذا كله و تتفاجؤ.
.
.
شن حتتوقعوا انتم؟
______________________
ثاني يوم
ايه: صباح الخير ماما.
فايزة: صباح النور هيا ساعديني نوتوا الفطور بوك قريب يجي .
ايه: اهوا جاية.
ايه و هيا تقلي في البيض (( 😂والله نتكلملك باليبي احسن الدحي 😂))
راحت لذكراياتها لما
ايه كنت ماشية للثانوية كنت هداكا الوقت مريضة و ماناكلش و حالتي بكل بس ضغطت ع روحي ع شان الامتحان مايفوتنيش و مشيت و اني ماشية قريب نوصل للثانوية فجاءة سيارة توقف بجنبي و اني لما تلفتت شفت ايهاب و معاه محمد ( محمد كان يبيني زمان واني كنت نرفض فيه)
و نصدمت كيف مع بعضهم و هو ماقاليش انا يعرفه فسرعت خطواتي و عيوني بدو يضبضبوا و فجاة مندريش ع روحي شن صارلي فقت واني في المستشفى
و نضت من سرحاني ع صوت ماما
فايزة: تي هي يا ايه الدحي نحرق وين مشيتي.
ايه: وووك عليا والله مشعارفة وين مشيت.
فايزة: افففف هاتي عنك توه اني انكمل بري ضمي البيت.
ايه: باهي حاضر.
فايزة تتكلم في سرها شكله بنتي حتروح فيها بنتي كبرت و حبت 😥يارب ان شاء الله بنتي ماضيعيش من بين يديا يارب احفظهالي.
كانت امها حاسه بيها و حاسه بشعورها لما تكون تحب من كل قلبك بس مفيش حد حيوقف معاك في هذا الحب كانت عارفة نهايتها مش حيكونوا لبعضهم او ان من المفروض انا ميكونوش لبعضهم كانت عارفة انا بنتها حتتعب هلبا حاولت انها توقضها من حلمها يلي عايشته بس اذا القلب حب مستحيل حيطلع الشخص من قلبه .
ايه و هيا تكنس فجاة مشت ف عالم الذكريات لما كانت في الثانوية تشوف فيه تعالو نقوولكم كيف ((ايهاب كان عنده و لد عمه في نفس الثانوية وولد عمه كان مدرس ف امتى ماتبدا الثانوية حكم فاضية او بعد انتهاء الدوام و لد عمة يكلم في ايه ع اساس يبيها في موضوع دراستها او هكي فكانت تمشي معاه و تتفاجئ بي ايهاب قاعد في الحجرة و تتعارك معاه.
فاقت من سراحانها ع صوت امها
فايزة: تي يا بنت .....يتبع
_____________________
قـ♥ـرآءة مـ♥ـمـ♥ـتـ♥ـعـ♥ـة
اسفة ع التاخير كنت كاتبتها و نحذفت فعاودتها
رايكم في الحلقة و توقعاتكم
نتلاقوا في الحلقة الثامنة ❤️