يا ساكن قلبي ايجار قديم
تعالي حبيبي املكهولك
تعالي اقولك شئ عظيم
بحبك وبس لو اطولك
هنكتب عقد بيع سليم
وفالشهر العقاري هسجلهولك
بنود العقد بينا بقي
تاريخها هيبقي يوم اللقا
بمبلغ قدره بالتقسيط
مقدم حضن دافي بسيط
وميت مليون وصل امانه
فكل يوم بحبك بابتسامه
وفي كمان حبه شروط
سكنك كمان هيبقي مشروط
ممنوع يكون ليك سكن تاني
وان كان في سكن اولاني
هتحرق عقده من سكات
وتعتبر انه ماضي ومات
نيجي بقا للمؤخر اللي بينا
روحي تفارق روحك
يوم ما نجيب اخرنا
هيبقي شهود علينا
كل نظره من عنينا
كل لمسه من ايدينا
كل حاجه حلوه فينا
كل كلمه قولتهالي
كل فكره جات فبالي
هتبقي شاهده عاللي بينا
وكماان هتبقي امضتي
اني دنيتك
وانت غالي
وانت هتبقي امضتك
عاشق دنيتي
وانتي حالي
