لو فاكر
اني فيوم حبيت قبلك تبقا غلطان
انا قبلك كنت بشوف الحب جنان
قبلك كان كل مذكر مش انسان
كان كلمه حب اقول عنها توهان
واتريق واضحك عالحبيبه
مشاعرهم كانت تافهه غريبه
ازاي بيحسو ببعض
وعذاب ومرار من البعد
قال يعني الهوا بيروح
والدفا يتحول برد
وعرفت وشوفت وحسيت
يوم ما الدور جه عليا وحبيت
الحب من بعد ما كان توهان
بقا عشق عيون وغرام
قلبي اتحول هيمان
و داب فغرام وشوق اجمل انسان
وبقيت من ضمن الحبيبه
وجنانهم بقا طبعي كمان
وبفكر فيك بطريقه مريبه
واحلم بحنان ودفا وأمان
عارف انا حاسه بايه دلوقت
طايره وفرحانه وواقف الوقت
لو بس حياتنا تتعدل
وأحوالنا المايله تتبدل
كنت لاحلامي دي صدقت
لو بس الدنيا تضحك حبه
وتدينا حبه محبه
لو كل الكون اجمع
علي انه يجمع
كل حبيبين
كان قلبي ده سقف من جوه
ومن كتر الفرحه بكت العين
كنت اجي واقولك ياحبيبي
البعد خلاص راحت آلامه
ويا دنيا عيدي وزيدي
ورينا حلاوه الحب وايامه
الجنه هتنزل عالارض
والحب هيلمي الكون
هنشوف الرقه فالورد
ونشوف الدفا في عيون
خليك متاكد من اني
حبك ده ف قلبي وف النني
انا عشته معاك
بالرغم من بعدك عني
ساكني هواك
ومهما البعد فرقنا
ومهما لبعضنا اشتقنا
ارواحنا دايما متجانسه
وعمري فيوم ما ليك هنسي
لو حتي غربنا وشرقنا
