خليني اتغزل فيه شويه
وتعرفو انا بقيت مجنونه ليه
شوفتو وسامته ازاي مغريه !؟
اكيد لا
طيب شوفتو ايه ؟
شوفتو ازاي بيبص عليا
وقت اما ببص عليه
شوفتو اللمعه اللي ف عنيه
ولا اللون !!
بني الصبح
عسلي الليل
اخضر غامق
او زيتي مثير
وقت الشمس بكون
عاوزه اقول فيه مواويل
بكتفي بانه
بس خطير
ايوا بجد عنيه دي حكايه
وليها الف قصه معايا
بفضل اضايقه وابص جواها
واكسفه دايما اقول حباها
شوفتو ملامحه
مليانه جراءه
علي اول غلطه ب سامحه
اول مايبصلي ب براءه 🥺
دقنه بتجرح
رمشه بيدبح
شكله بجد تشوفه تفرح
كمان وسلامه
الضحكه تسلم قبل ايديه
ولا كلامه
تفكر فيه و تحن اليه
انسان ذوق من طبع زمان
فين مايكون بيرش حنان
انسان فهمان
بيدفي ويدي بجد امان
وقت هزاره بتلقي كمان
طفل صغير كله جنان
ميكس جميل لغبطلي كياني
قلبي صغر وقت ما جاني
بقا بيحس هيام و سلام
