في لحظه جنان عرفتك فيها
وشفت حياتي بتحليها
وكله برفقتك بقا سهل
ايه تسوا الدنيا لو مش فيها
ايه يبقي معني سند و ضهر
بغير عليك من هوا بتشمه
و من غطا في اليل بتضمه
و من صاحب ... بحس ب قهر
ليه هو يكون قريب من ضلك
وانا اللي استاهل اكتر منه
بغير من حد ليك بيتابع
ومن ايمومش او حتي طابع
ليك تعمل لاف Love ل إستوري
ده كله ضد دستوري
لابد لازم اووي و ضروري
تلغيه و الأفضل تبعد عنه
ده قلبي في ذكري اسمك بس
يدور ويلف... بيك بيحس
كأنه طفل تأيه من امه
وحتي خيالي ليك بيكون
وكل قصايدي انت بطلها
و بفرح لما اخلصها
واجري عليك بسرعه واقولها
وحتي عيوبي الكل عارفها
وانت وحدك نعمه شايفها
و شايف فيها كل الخير
بعد ده كله لازم اغير
ملاك زيك لازم يتشاال
في قلب يكون عليه اقفال
يصون حبك ويبقي خبير
