وغاب له يوم
وجاي يسالني...... موحشتكيش؟؟
رديت بهيام ...موحشتنيش
انا كل ماغمض عيني
القاك قصادي مبتمشيش
اللي بينا كبير وجميل
هفضل عليه العمر اعيش
ايه يعني غبت يوم ولا يومين
فاكر هتبكي عليك العين
انا حبي صلب تقيل
وعمره ما كان تهويش
اه اضايقت
واه اتخنقت
وقلبي كان شويه حزين
بس حبك قواني مضعفنيش
غيابك زود رصيد حبك
وعرفني انك من غيري مش عارف تعيش
وانك عاقبت نفسك بيه
ومعاقبتنيش ☺️☺️
لك عندي ١٠٠ صوره
و ١٠٠ بسمه محصوره
وهقولك مهخبيش
وقت اما تبقي بعيد
افضل اجيب واعيد
واشوفك وانت متشوفنيش
لك عندي ١٠٠ تسجيل
اعترافاتك و بالدليل
وقت ما توحشني وليك اميل
اسمع صوتك وانت متسمعنيش
كلامك وهمسك بِ حُبك
بيوصلولي دقات قلبك
بيخلوني أطير بخيالي معاك
وافضل علي طول فكراك
وانت فاكر انه مجرد تطنيش
الحب عمره ماكان بكلام
الحب احساس قوي وهيام
انا يومي وياك عيشاه
وقربك هو اللي بتمناه
انا لو تبعد عني دقيقه
روحي بتعرف الطريقه
لازقه ف روحك وين ما تروح
ومش بتستني منك بوح
مهما فضلت اقر بعشقي وحبي
عمر الكلمه متوصف احساس قلبي
عمرها مهتوصف اذاي انا بيك بعيش
ولا هتبين انك نصي التاني ورفيق دربي
يلا بقا مقولتليش
وصلتك الاجابه ولا لسه
هل وحشتني ولا موحشتنيش؟؟
