تعالو شوفو حبيبي وافكاره
بيزق عليا كام واحده وبيسألوني
هل فعلا بتحبيه؟؟
رديت وانا مذهوله من سؤاله :-
طب والاشعار اللي بكتبهاله
متغنيش عن الرد عليه
وانا بوصف شكله واحواله
وقلبي واللي اتعمل
من قلبه فيه
قولوله يسال القمر
اللي تعب وانا بصاله
واضايق من اني بشوفو فيه
و الشمس اللي زعلت من اني
بشبه لونها بلون عنيه
والنجوم اللي فارقتني وخاصمتني
وانا بعدها وسرحانه فيه
طب يسال الليل
اللي ياما سهِرته وانا بكلمه وبفكر فيه
واللي وقت زعلنا كان معايا دايما
وكنت منه بشتكيه
و يسال برفانه
اللي انا محتفظه بيه
وكل مابيوحشني ارش منه واشم ريحته فيه
ويسال التفاصيل
مهي كانت بينا كتير
فنظره منه ليا
وضحكه مني ليه
ويسال خوفي اللي حاسه
يوم ماغاب يومين عليا
وخضه قلبي عليه
ويسال الشوق واللهفه
فيوم ميعاد كان بينا
والثواني اللي كانت تاخد ساعه في اللفه
عشان ييجي الوقت اللي اقابله فيه
ويسال العذاب
يوم ماكان الكون فكه وقلبه كان فكفه
وساعتها بعت الكون وفضلت اني اشتريه
روحو وقولولي مكنش عندها الاجابه
وكلامها كان كله غرابه
بتقول اجابتي جوا قلبك
اسال السؤال لنفسك
وقيس مقدار حبك
وزيد عليه أضعاف
وانها بجد هتنافسك
وحبها مش هيبقي قدك
بس هيبقي لكل الناس متشاف
