ဦးပိုင်သောအခမဲ့ပြည့်တန်ဆာ🚨🚨🚨🚨🍼

Part 6

ဦးပိုင်သောအခမဲ့ပြည့်တန်ဆာ-(Part-6)

'' အိမ်မှာ အလုပ်ပေးထားတဲ့အပြင် အိမ်ရုင်တွေအကြောင်းကို အလုပ်သမားတွေက မကောင်းပြောတာကို ဒီတိုင်း ငြိမ်နားထောင်ရလား၊ နောက်တစ်ခါ ဒီလိုတွေ ကြားရရင် ကိုယ့်ကိုတိုင် ထွက်ဖြေရှင်း ကြားလား''

''ဟုတ်ကဲ့''

'' ကိုယ့်မိန်းမရဲ့ ရာထူးက အလုပ်သမားအဆင့်က စော်ကားတာကို ကြိတ်ခံစားနေလို့ မရဘူး၊ အဲဒီပြောတဲ့ ပါးစပ်ကို အရေခွံခွာပြစ်ရမှာ''

''ဟုတ်ကဲ့''

''ဘာလဲ မင်းက သူတို့ကို သနားနေတာလား''

ကြွေ မျက်နှာလေး မကောင်းတာကို ဦးဓနက အကဲခတ်ပြီး မေးလာသည်။ အမှန်အတိုင်းပြောရရင် ကြွေရုပ် သူတို့သုံးယောက်ကို ဘာအပြစ်မှ မပေးစေချင်။ ကြွေရုပ်ကို မကောင်းပြောကြပေမဲ့ ပြောတဲ့စကားတွေက အားလုံး အမှန်တွေချည်းပဲလေ။

ဖြစ်နိုင်ရင် ဒီကိစ္စကို လျစ်လျူရှုစေချင်တာ။ သို့ပေမဲ့ ဦးဓနကတော့ သူတို့သုံးယောက်ကို တော်တော်လေး ဒေါသထွက်နေသည်။

''အရာရာတိုင်း လိုက်ခံစားနေလို့ မရဘူး ကြွေရုပ်၊ မင်း လျှောက်ခဲ့တဲ့ ဘဝက ကျဉ်းကျဉ်းလေး၊ ဒီလိုစိတ်ထားမျိုးနဲ့ အသက်ရှင်မယ်ဆို မင်းကို ကျော်ခွနင်းသွားကြမဲ့ သူတွေချည်းပဲ၊ အဲဒါတောင်မှ ကိုယ့်အိမ်မှာ နေပြီး ကိုယ်မွေးထား ကျွေးထားရတဲ့ အလုပ်သမားက ကိုယ့်ကို လာဟောင်တာနော်၊ တခြားလောကမှာဆို မင်းက ခေါင်းတောင်ဖော်နိုင်မှာ မဟုတ်ဘူး၊ ကိုယ် ပြောတာ သဘောပေါက်လား''

''ဟုတ်ကဲ့ ပေါက်ပါတယ်''

''အရာရာတိုင်း တုံးအမနေဘဲ အမြင်ကျယ်ကျယ် ထားပြီး ဆုံးဖြတ်၊ ကိုယ်က မနင်းချေရင် ကိုယ့်ကိုနင်းချေသွားကြမဲ့ လူတွေက အများကြီးပဲ၊ နောက်ပြီး ကိုယ့်အိမ်ထောင်ပြုလိုက်တဲ့ အကြောင်း မနက်ဖြန် သတင်းတွေမှာ ပါလာလိမ့်မယ်၊ မင်းအကြောင်းတွေ အားလုံးကို ကိုယ် တတ်နိုင်သလောက် ဖုံးဖိထားပေမယ့် အားလုံးကိုတော့ မဖုံးနိုင်ဘူး၊ ချို့ယွင်းချက်တွေတော့ ရှိမှာပဲ၊ ဒါကြောင့် တစ်ယောက်ယောက်က မင်းအကြောင်းကို သိလာရင် မင်းအနားကို နည်းမျိုးစုံနဲ့ ချဥ်းကပ်လာလိမ့်မယ်၊ ဒါကြောင့် ဦးနှောက်သုံးပြီး ဘယ်သူက အစစ်အမှန်လဲ၊ ဘယ်သူ့ကအတုအယောင်လဲဆိုတာ စဉ်းစားဆုံးဖြတ် ကြားလား''