• 𝐖𝐡𝐲 𝐇𝐢𝐦....¡ • | 𝐓𝐚𝐞𝐊𝐨𝐨𝐤 | ᶜᵒᵐᵖˡᵉᵗᵉ

|13|

"තමුන් මේ කොහේ ඉදන්ද එන්නේ..."

ජන්කුක් පඩිපෙලේ අවසාන පඩියටම අඩිය තියද්දි ඇහුන හඩත් එක්ක ගැස්සිලා ගියා.. ඇස් හීනි කරන් තමන් දිහා බලන් ඉන්න ග්‍රැනී දිහා බැලුව ජන්කුක් තමන්ගේ කෙල ගිල්ලේ දාඩිය බින්දුවකුත් නලල දිගේ පහලට ගලනකොටයි...

"ම..මම මැඩම්...."

"ඔව්.. තමුන් තමයි.. උඩ මම ගිය වෙලාවෙ හිටියේ නෑනේ , මම දැක්කෙ නෑ..."

තමන්ගේ අතේ තිබ්බ මුද්ද අනිත් අතින් ස්පර්ශ කරන ගමන් ග්‍රැනී ටිකෙන් ටික ජන්කුක් ගාවට ඇවිදන් එනකොට ජන්කුක් අත් වැට තමන්ගේ අතින් මිරිකලා අල්ලගත්තා...

"ජන්කුක්, ඔක්කොම පිහදැම්මද..."

තරප්පු පෙල බැහැගෙන එන ගමන් ටේහ්‍යොන්ග් හයියෙන් අහනකොට ග්‍රැනීගෙයි ජන්කුක්ගෙයි දෙන්නගෙම ඇස් ඒ දිහාවට හැරවුනා...

"ම..මහත්තයා...."

"ටේහ්‍යොන්ග්..."

දෙන්නම කියනකොට ටේහ්‍යොන්ග් ඉතුරු පඩි කීපයත් බැහැලා ඇවිත් ග්‍රැනීයි ජන්කුකුයි අතරේ හිටගත්තා....

"මම කිව්වා උඩ ටී වී එක ඉස්සරහා හැලුන වතුර ටික පිහලා එතන හොදට අස් කරන්න කියලා.. ඒ ටික කරලද ආවෙ ..."

ජන්කුක්ගේ පැත්තට හැරිලා සාක්කු දෙකට අත් දෙක දා ගන්න ගමන් ටේහ්‍යොන්ග් ඇහුවාම ජන්කුක් ටේහ්‍යොන්ගේ මූන දිහා බලන් ඉදලා ආයෙත් පිටිපස්සෙ හිටපු ග්‍රැනී දිහා බැලුවා...

"යනවා දැන්.. මන් ගියාම වැඩේ හරියට වෙලා තිබ්බෙ නැත්නම් ඒක මන් බලාගන්නම් , දැන් යනවා.. අදට තමුන්ගේ වැඩ ඉවරයි..."

"මහත්තයා මම...."

"දැන් මොකක්ද මන් තමුන්ට කිව්වේ, යනවා...."

ටේහ්‍යොන්ග් හයියෙන් කෑ ගහනකොට ජන්කුක් එහෙම්ම හැරෙන ගමන් ඇතුල් පැත්තේ කොරිඩෝ එකේ දුවන් ගියා....

"ටේහ්‍යොන්ග්.. මොකද කෑ ගහන්නේ.. අනික මොකක්ද ඒ වැඩ ඉවරයි කිව්ව කතාව..."

ඒ වෙලාවෙනම් ටේහ්‍යොන්ග් හිනා වෙලා ග්‍රැනී දිහාට හැරුනා...

"එයා මගේ වැඩ ගැන බලන්න ඉන්නේ කෙල්ලේ.. මට බඩගිනි අපි යමුද...."

ග්‍රැනීගේ කර වටෙන් අත දාගන්න ගමන් ටේහ්‍යොන්ග් ඇදගෙන වගේ කෑම මේසේ දිහාවට යනකොට ඔලුව දෙපැත්තට වනන ගමන් ග්‍රැනීත් පුටුවෙන් වාඩි උනා...