"ياثقل الوقت من دونك وانا ايامي بلاك طوال "

Part 2

اللهم صلي وسلم على سيدنا محمد

عند البنات
خلصوا رقص وراحوا يجهزون العشاء
فالمطبخ
ارجوان تدندن
" تحبها"
"اي والله اني احبها واغليها "
"وتودها "
" مو بس ود القلب ميت فيها "
نجد : ارجواني صوتك يجنن
ارجوان : اهخخخ عشقييي
هند : وربي صوتك جبررر
ارجوان : اعشقككك يروحي
غلا : هيا انتوا طربانات امشوا حطو الاكل
خزامى : يلا وزعوا السلطات
ارجواني ودي الصحن هذا للرجال
ارجوان : مافيش غيري
خزامى : اه مافيش غيرك وخدي الصحن ي وليه وغوري
هند : ستوب ستوب شفيكم قلبتوا مصريات؟
خزامى : مدري ويلا ارجواني وديه
ارجوان : سمي
اخذت الصحن وكان ثقيل بس تظاهرت انه عادي
راحت للحوش وتمشي وهي لابسه كعب ي طوله على اخر لحظه الصحن بغى ينكب على ماجد بس مسكه الحمدلله
ماجد بحده وعصبيه: وش ذا م تشوفين انتِ
ارجوان بخوف من عصبيته وحدته : بلغلط ثقيل عليا
ماجد : دامه ثقيل ليه شايلته هياط زايد
ارجوان : شدخل هياط هم قالولي
ماجد : روحي روحي الله يستر عليك بس
ارجوان انقهرت من كلمته : خير وش الله يستر عليك شايفيني قليله ادب عندك
ماجد بحده وهو مقرب : مو معنى الله يستر عليك يعني انتِ وحده قليله ادب تنقال كذا بس الله اعلم بالنوايات ولا تكون نيتك وسخه زي كذا
ارجوان راحت وهي مقهوره ومعصبه اول مره يصير معاها كذا
دخلت المطبخ وكانت فيه نجد
نجد : يمه بسم الله شفيه وجهك كذا فيه شيء ؟
ارجوان بعصبيه وانفجار : اخوك الزق ذا بغيت اكب عليه الصحن وهو مسكه وقالي م تشوفين قلتله معليش بلغلط ثقيل قام وقال وليه شايلته امشي امشي الله يستر عليك وش الي الله يستر عليك شايفني قليله ادب مو متربيه عنده
نجد وهي فاطسه ضحك على ارجوان وعصبيتها
ارجوان : خير ليه تضحكين تف عليك وعلى اخوك
نجد : تكفين بطني ماني قادره اوقف ضحك ي غبيه الله يستر عليك مو معناها شيء وسخ ترا حتنى يقولها لي يعني لمن يبغى يصرفني او شيء بس مو معناه شيء ثاني
ارجوان : اها اك امشي امشي بس خلينا نقعد عندهم لا يشكون
عند الرجال
اخذ الصحن ماجد ودخله
ودخلوا باقي الصحون
تعشوا خلص ماجد وقام وراح يغسل
بينه وبين نفسه يوم شاف ارجوان وكيف شعرها اسود كثيف وغااامق سواده وبيضاء وعيونها واسعه حس انها جذبته بس م اعطى ل شعوره اهتمام وطنش شعوره وراح قعد عن الرجال
يوم خلصوا كلهم راح فيصل عشان يقولهم يبغون شاهي
عند الحريم
خلصوا وشالوا العشاء ويحظرون الشاهي ومشتقاته مثل المكسرات والفصفص وكذا ف المطبخ البنات
يحظرون الشاهي والاغراض
جاء فيصل ودخل المطبخ بس من الباب الي من الحوش
فيصل : ارجوان سوي الشاهي وجيبوه تمام؟
ارجوان : ابشر ي قلبي
فيصل : تبشرين بالجنه يارب ي عيوني
خرج
ونجد عيونها قلووووب
خزامى بضححك: واضح الحب خلاص اكلتيه بعيونك
نجد : يجننن شسوييي
ارجوان بضحك : هي لاتطقين اخوي عين سم الله عليه
نجد : لا ان شاءالله العين تطق الزفت الي قاعده هناك
ارجوان : مين قصدك؟
نجد : مين يعني غير لوڤان وععع غثيثه
غلا : يع شفتوا كميه الذهب الي لابستها ياهو عرفنا عندك ذهب بس مو تلبسين الي عندك كله
خزامى : لحجيه من يومها
هند : كله كوم وشعرها المزيت كوم ثاني
ارجوان : استغفرالله بس ريحه العطر حقها يجيب المرض
غلا : اي والله
دخلت غيداء
غيداء : بنات فيه وحده هنا لابسه جكيت جنز وتنوره سوده وشعرها قصير مره ملقوفه وريحه عطرها صقعت راسي مين هيا
غلا : لوڤان
نجد : شفتوا حتى غيداء الي م تعرفها علطول انغثت وانقرفت
ضحكوا
خلصوا الشاهي
قربت ارجوان من نجد وقالت بهمس
" روحي انتِ ودي الشاهي وسوي نفسك انحرقتي بالغلط "
اومت نجد براسها ب تمام واخذت الشاهي وراحت بطريقها
وطبعاً اول م خرجت قريب من المجلس كان فيه فيصل ومعاه حاتم
جات نجد
نجد : فيصل تعال خذ الشاهي
فيصل : الله يعطيك العافيه
نجد : احح دقيقه انحرقت خذ خذ الصينيه
فيصل : بسم الله عليك حطي عليها ثلج بسرعه قبل م تورم
نجد بتمثيل الخوف وراحت للمطبخ
سريع
وكانت تنتظرها ارجوان
ارجوان : بشرييي؟
نجد : يمه ماني مصدقه قالي بسم الله عليك حطي عليها ثلج قبل لا تورم
ارجوان : يحليلك علطول فرحتي
نجد ضربت ارجوان من كتفها : شتقصدين
ارجوان : لا ابد سلامتك امشي عند الحريم
عند فيصل وحاتم
فيصل وهو يلوم نفسه: ياربي انا لسعتها بالغلط
حاتم بنص ضحكة : منجدك انت صدقت انها انحرقت؟
فيصل : ايه وليه م اصدق
حاتم : ذا كله عشان تثير جدلك وتحبها
فيصل بأستغراب : احبها ؟
حاتم : امش بس خلينا ندخل الشاهي
دخلوا وقدموا الشاهي
وقعدوا يسولفون
وماجد سرحان
وفيصل يفكر بالموقف الي صار
نجي عند البنات
بعد م قدموا الشاهي
لوڤان : بصراحه م حبيت لبس خزامى مو مره حلو
نجد وهي مقهوره منها من بدري : ي امي شوفي لبسك بعدين تكلمي على لبس خزامى
لوڤان : اي وانتِ بعد مو حلو
نجد : وانا م طلبت رأيك
لوڤان وهي مستمره تعطي ارائها : اي وانتِ بعد ي هند مو حلو
هند : رأيك ف رجلي
لوڤان : احترمي نفسك
نجد : اقول ترانا ساكتين لك وجع بقره
لوڤان : مالت عليكم وعلى عزومتكم الخايسه
نجد كانت تبغى تصفقها بس مسكت نفسها وراحت لوڤان
وراحوا الضيوف وبس بقي
العيله
تجمعوا كلهم بالصاله
خزامى : تكفووون خلو البنات ينامون عندي
امال: خليها مره ثانيه ي قلبي
داغر : ايه ان شاءالله مره ثانيه
خزامى : تكفوووووون الله يخليكم
محمد : انا واريج عادي بس م عندها ملابس
خزامى : انا اعطيها تكفوووون
اريج : لا ي قلبي كلفه عليك
هديل : اريج ! منجدك انتِ ذولاء اخوات
اريج : ي قلبي اخوات بس والله برضوا كلفه
هديل : اقول بلا هباله ترا مابينهم وخلاص ارجوان راح تنام
محمد : يلا لعيون خزامى
خزامى جري حضنت خالها ومرته
خزامى : احبكممممم يلا تكفون انتوا وافقوا زي خالو محمد وخالتو اريج تكفونن جدو بالله خليهم يوافقون وانت وستو كمان نامو عندنا
الصقر : هم تبشرين غصباً عنهم ينامون عندك لكن انا وجدتك صعبه انتوا تعالو عندنا ويلا خلاص اليوم كل البنات بينامون عند هديل
تعرفون مايمديهم يرفضون كلمه الصقر تمشي تمشي
الكل : ابشر
وقعدوا يسولفون
ونجد تحش ف لوڤان
وعيون فيصل عليها
نجد : ي خالتو اريج تقهررر تقهرررر قسم بالله فقعت مرارتي
امل : بسم الله عليك وليه ذا كلو
نجد : ي ستو م شفتيها كيف قاعده وتقول هذا الحلى طعم وهذا مو طعم هذا لبسك مو حلو وهذا حلو خير هي شايفه لبسها
الصقر : عز الله حسناتك ضاعت
نجد : استغفرالله بنطم تخسى تاخذها
ارجوان بهمس : م قصرتي مسحتي ف سابع جد لها وفيصل فيه
شهقت نجد بالغلط
عايشه : بسم الله شفيك ي بنت
نجد بتوتر: لا ولا شيء شرقت بس
عايشه بدون اقتناع : اها
هديل : اشربي مويه
نجد بتوتر : ايه ايه
ارجوان ترسل ل نجد على سناب رساله محتواها
" الله يفضحك فضحتينا ليش شهقتي "
نجد شافت رساله ارجوان وردت ب رساله محتواها
" مادري احس توي انتبهت ان فيصل فيه اندمجت مع السالفه "
ردت ارجوان
" ي فرحتك ي فالحه "
تركوا الجوال
وجات الساعه 3:50 الفجر
كلهم راحوا
وبقي البنات
هديل : يلا حبايبي خذو راحتكم وانبسطوا انا بنام
البنات : تمام ي قلبي
طلعوا غرفه خزامى واخذوا بجايم من عندها
وقعدوا يسولفون
نجد : بنات ودي احد يتزوج وربي فيه فساتين حلوه عاجبتني
ارجوان : ودنااا والله
نجد : تخيلوا زواج لوڤان بموووت شعرها مزيت وتمشي واللبانه ف فمها وريحتها الي تجيب المرض وقعدت تقلدها
والبنات فطسوا ضحك وصوتهم يزيد
غلا : بموووت بطني اليوم نجد حاقده على لوڤان
نجد : ي بنت خنقتني
دق الباب
خزامى : ادخل
هتان : خزامى تعالي
خزامى : مفحالي
هتان بحده: خزامى تعالي !
خزامى : هففف
قامت وراحت له خزامى :ها شتبغى
هتان : قصروا صوتكم ماني قادر انام
خزامى : الله اكبر وين صوتنا عالي
هتان : انا قلتلك وطي صوتكم وبس وراي دوام
خزامى : طيب ي ابو دوام قفلت الباب
بنات قصرو صوتكم شوي الاخ بينام
هند : نوم العافيه
خزامى بغمز وابتسامه : يعافيك اقولكم بنات ايش رايكم نتفرج موڤي
البنات : يلا قدام
خزامى : اسمعوا تبغون ب غرفتي ولا تحت بالصاله المقفله
نجد : احس عادي الله يريحك
البنات : اي عادس م تفرق
خزامى : طيب خلونا هنا بس بجيب البروجكتر من غرفه هتان
ارجوان : بس لاتفضحينا ترا انتِ تفتحي الباب بقوه اشوف خلي وحده غيرك تروح
خزامى : اممم طيب مين
ارجوان : احس هند لأن يدها خفيفه وماتطلع صوت
خزامى : تم يلا هنودتي
هند : يادي هند الي بتودونها بداهيه
غلا : هيا بلا تحلطم
هند : طيب روحي معايه ي خزامى ماعرف الغرفه
خزامى : الغرفه الي جنبي
هند : تمام بس فين الاقي البروجكتر
خزامى : اول م تدخلين الغرفه فيه صناديق دوري فيها وبتلاقينه لونه اسود مايل على الرمادي
هند : تمام ، راحت للغرفه فتحتها وكانت ظلااام دامس بروووده تقشعر البدن معاها كشاف ضوءه بسيط فتحته وقعدت تدور ف الاغراض فجأه جات يد على كتفها يد باررررررده زي الثلج
هتان بصوت مبحوح : ايش عندك بالغرفه
هند بعيون بريئه والكشاف على وجها وفاتحه فمها : قسم بالله جيت عشان اخذ البروجكتر والله
هتان : طيب يلا خذيه وروحي
هند : بس ماني لاقيته
هتان وطى نفسه وفتح اخر صندوق وطلعه لها هتان : سمي
هند : شكراً ، قامت من الارض ووقفت وهتان يطالع فيها وهيا تتلاشى نظراته وكان يشم ريحه عطرها الي ذوبته
هند ب ارتباك وتوتر : يلا مع السلامه بروح
هتان م رد عليها واتجهه ل سريره
راحت هند للبنات وكانت متوتره بس قعدت تخفي هذا الشيء
غلا : فينك كان نمتي احسن
هند : شسوي خفت يقوم يلا خذو
خزامى : انا جيت شوفوا جبت شبسات هيا شغلوا موڤي
البنات : يلا
عند ماجد كان مستلقي على ظهره على كنبته ويدخن ومطفي نص اللمبات
كان قاعد يفكر ف ارجوان الي مايعرف ايش سوت فيه حط السجاره على الطفايه ومستمر بالتفكير وبينه وبين نفسه والله ي ان فيها شيء جذبني بس ماني عارف وشهو
رجع السجاره واخذ النفس الاخير وطفاها وشرب مويه وخلاص بينام
اما عند فيصل
فيصل كان مو عارف ايش حركه نجد هاذي وصح كلام اخوه حاتم او لا ذبحه التفكير
فيصل بهدوء : حاتم
حاتم رد عليه وهو مستلقي على جنبه ومعطي فيصل ظهره : ها
فيصل : تتوقع نجد سوت كذا عشان تثير الجدل؟
حاتم لف على فيصل وقال بكل ثقه : واقسم لك بعد وانت لحد ذحين تفكر ب ذي السالفه نام الله يصلحك تصبح على خير
فيصل : وانتِ من اهله ، نام وهو كله تفكير ب نجد
عند الصقر وامل
امل : تدري ي الصقر
الصقر : وشو ي عيوني
امل : انت عارف علياء؟
الصقر : من ذي
امل : زوجه نجيد
الصقر : عويض الله من شره هذا بغى يقتل ماجد لأننا م زوجناه بنته تخبرين
امل : ايه خابره وعلياء شكلها رجعت الرياض وبتسير علينا وشايله همها وخايفه يصير نفس الي صار قبل
الصقر : لا تخافين ولا شيء وانا عارف ان نجيد لا بغى يسوي الشيء سواه انتِ تدرين انه اطلق نار على بيت فراج الله يرحمه لاشنه م زوج بنته ل ولده
امل : اعوذ بالله منه
الصقر : ايه تراهو مب سهل
امل : عويض الله من شره اقطع سيرته جاتني كتمه
عند البنات اذن الفجر
خزامى : يلا بنات خلونا نصلي واكلم هتان يجيب لنا فطور ولا نفطر برا؟'
البنات : عادي الي يريحك م تفرققق
خزامى : لا اختارو
غلا : نفطر برا ؟
خزامى : تم يلا بس فيه مشكله
البنات : ايش
خزامى : سيارتي خربانه اشوف هتان يوصلنا ويفطر معانا ويرجعنا البيت
البنات : تمام
غلا : اجل يلا نروح نتوضى
البنات : يلا
راحوا البنات يتوضوون
وفالغرفه هند وخزامى كانت خزامى تلبس شرشف الصلاه
هند بتوتر : خزامى
خزامى : هلا
هند : بقولك سالفه
خزامى بحماس : ايشش
هند : بس امنتك بالله م تقولين لأحد
خزامى : على هالخشم
هند : يوم رحت اجيب البروجكتر من غرفه هتان .... حكتها الي صار
خزامى : يمامييي الله تكفين صدق
هند : اي والله
خزامى : وربي يونننس
هند : خلاص اسكتي اسمعي صوت البنات شكلهم جو يلا صلي
خزامى : يلا يلا من سالفتك تأخرت
خلصوا صلاه
ولبسوا عباياتهم بحيث يوم خزامى تروح تكلم هتان يكونون جاهزين بس م حطو ميكب لسه
راحت خزامى ل هتان ودقت الباب دقه دقتين ثلاثه
هتان : اتفضل
دخلت خزامى : هوهو
هتان : مليون مره اقولك لاتناديني ب ذا الاسم
خزامى : معليش معليش
هتان : ايش تبغين
خزامى ببراءه: عادي تودينا مطعم نفطر؟
هتان : ياليل طيب بس مو الان لسه بدري الحين انزلوا تحت ف الصاله وسبعه وربع سبعه ونص نمشي
خزامى طارت من الفرحه وحضنته : الله احبكككك يلا بروح اقول البنات
هتان ضحك عليها
وراحت فرحوا البنات حطو ميكب خفيف
خزامى : هيا الساعه 6:49ص
خلونا ننزل تحت ، البنات : يلا
نزلوا وكان موجود هتان اول م شاف البنات عيونه راحت على هند وعلى جمالها وبرائتها
هتان حس على نفسه وحب يرقع : قومتوا امي؟
خزامى : لا ماما تعرفها م تحب تقوم الصباح
هتان : زين يلا امشوا ركبوا السياره
خزامى قدام
هند ورا هتان
نجد فالوسط
وغلا محشوره بين نجد وهند وارجوان عند الباب

فالسياره غلا: هتان شغل اغاني
هتان : خذي الجوال وحطي
هند بصوت واطي: هاتي غلا انا بحط
غلا : سمي
هند : شغلت اغنيتها المفضله "اوعديني "
خزامى شهقت : تدرييين ي هند ان ذي اغنيه هتان المفضله
هند : اما
هتان : ايه اغنيتي المفضله طلعتي ذويقه بالاغاني
هند بغرور : طبعاً من يومي
خزامى : متى ونوصل
هتان : اهو قربنا
وصلوا المطعم ودخلوا واختارو طاوله وقعدوا هتان : Please I want the menu
خزامى : اقعد ي المثقف
هتان بغمزه ونص ابتسامه : اعجبك
جاب الرجال المنيو وقاعدين يختارون
هتان : ها ايش طلبتوا
خزامى : انا ابغى سميد
غلا : وانا مناقيش
هند : انا اومليت
نجد : انا برضوا سميد
ارجوان : انا مناقيش بالجبنه
هتان : تمام غلا مناقيش ب ايش
غلا : ايش اطعم ؟
ارجوان : جبنه
غلا : خلاص جبنه
هتان تمام نادى النادل وطلبوا وهم ينتظرون الفطور
خزامى : يع هدوء سيبوا جوالاتكم شوفوا الناس يسولفون ماغير احنا عالجوال
هتان : جيبي سالفه
خزامى : ماعندي
هتان : اجل انطمي
نجد : انا بحش والله ان قاهرتني لوڤان وعععع ياربي اكرها هاذي البنت م اطيقها
هتان : ي بنت شفيك على ذي من امس وانتِ تتكلمين فيها عز الله حسناتك ضاعت
نجد : وربي لو شفتها لغير تتفل عليها سبعه وسبعين الف مره ي ادمي م تنطااق
ارجوان ميته ضحك : بموتتتت نجد من امس حاقده عليها فطستنيييي
خزامى : بس يختي منجد ايش اللبس هذا وفوق كذا تعطي رأيها والله كان نفسي اصقعها كف
غلا : من يومها كريههه
هتان وعيونه تلمع: الوحيده الي م حشت هند
هند بأبتسامه : مالي خلق تاخذ حسناتي الواطيه يع غبيه
هتان فطس ضحك : اهو اخذت حسناتك
هند : يووه استغفرالله خلاص سكروا سيرتها
جاء الطلب وبدأو يفطرون
خزامى : هيا هيا طياره طياره وكانت تأكل غلا
غلا : تسلممم يدك
ارجوان ب يدها الاثنين وحده ل هند ووحده ل نجد : طيارررتين ل هند ونجد
هند : حبييي والله
نجد / قلبوشتي
هتان : ماشاءالله انا ارجوان محد اكلنا
ارجوان : شايف كيف خيانه
هتان : انشهد
خزامى وهي تطالع ف هند وتضحك : خلي زوجتك المستقبليه توكلك
هتان بأستعباط وهو يطالع ف هند: لمن الاقيها
هند ماتتتت من الاحراج حرفياً راحت فيها

رأيكم بالبارت 🔥🔥🔥🔥🔥🔥🔥🔥