"ياثقل الوقت من دونك وانا ايامي بلاك طوال "

Part34

كان مُجرد لقاء
وأجمل لِقاء

عند البنات جاتهم رساله من رهف بالقروب
غلا : رهوف راسله بالقروب
هند : قولوا لها نطلع اليوم
خزامى : خلينا نشوف هي ايش تبغى اول شيء
فتحوا القروب وسمعوا الڤويس الي كان محتواه
" كيفكم عسولاتي اسمعوا تعالو نتجمع اليوم عندي "
خزامى : ها شرايكم؟
ارجوان : ماضنتي ماجد يخليني
نجد : يوه منه ذا
هند :  هفففف اقنعيه طيب
ارجوان : طيب خلونا نرجع بيوتنا وبعدين اكلمه
غلا : تكفون خلونا نروح
خزامى : خلاص اجل اول ماترجعين كلميه تكفين ارجوان
ارجوان : طيب طيب خلاص بس اص لاتنقون فوق راسي
دخلت اريج
اريج بأبتسامه : يلا ارجوان ماجد يقولك مشينا
نجد : احنا خالتي بنقعد ولا بنمشي؟
اريج : حتى انتِ ياعيني يلا 
نجد : تمام
غلا : لاتنسين
اومت ارجوان ب " طيب "
لبسوا عباياتهم ونقاباتهم وطلعوا برا
ماجد بالسياره وجنبه ابوه وكانوا ينتظرون البنات وعايشه
البنات وهم يمشون متجهين لسياره
نجد : يارب يوافق
ارجوان : والله ماضنتيي
نجد : تفائلي بالخير
ارجوان : ان شاءالله بس اص اص لايسمع
ركبوا السياره وقالو السلام عليكم وردو عليهم
داغر : امكم تحب تتأخر
ماجد : خليها جعل مايتأخر غيرها حبيبه قلبي
داغر : ايه  حبيبه قلبك وابوك مو حبيب قلبك وزوجتك ماهي حبيبة قلبك؟
نجد : خير بابا نسيت اختك؟
داغر : انتِ حبيبه قلبي انا بس
نجد : جعلنييي افداااك
داغر : ها رد يا ابو حبيبه قلبي
ماجد : امي غييير وانت يبا بعد والله حبيب قلبي وزوجتي عاد حبيبة رووحي
داغر : من حظك يا ارجوان حبك هالثقيل
ضحكت ارجوان وهيا مستحيه ووجها حممممر
نجد تدق يد ارجوان وتتهمس وتقول
" هيا قوليييي"
ارجوان بهمس
" انطمييييي والله بيسمعك قلت مو ذلحين!"
شاف ماجد بالمرايا ارجوان ونجد يتهامسون
ماجد : شعندكم؟
ارجوان : لا مافيه شيء
ماجد بعدم إقتناع  : ايه زين
جات عايشه
داغر : بدري ؟
عايشه : كنا والله قاعدين نهرج وزواج سعود وخزامى ترا بعد اسبوعين يعني من الان يبنات لازم تفصلون فساتينكم
ماجد : ماقالو بعد شهر؟
عايشه : طيب مر اتوقع شهر يادايخ
ارجوان : خالتي انا بخلي غسان يفصل لي
عايشه : تمام يروحها
طالع ماجد فيها وحدق بنظراته اتوترت ارجوان
نجد : ايه حتنى معك
عايشه : تمام على خير بإذن الله
طول الطريق وماجد كان يطالع ف ارجوان بنظرات حاده ماتعرف ليه وارجوان توترت وماقدرت تستحمل فتحت جوالها ورسلت له
جات رساله من ارجوان ل ماجد شاف الأشعار ودخل لقي رساله محتواها " اشبك تطالع فيني كذا ترا توترت خلاص شيل عيونك" طالع ماجد فيها ورد عليها ب رساله محتواها " تسأليني وانتِ من اول ماركبتي انتِ ونجد تتساسرون كأن عندكم شيء وبعدين تقولين ابغى غسان يفصل لي ماشاءالله غسان يفصل لك!؟ يعرف مقاسك ويجي يقيس خصرك وصدرك وجسمك كله خير ارجوان مقصرين معك المُصممات الباقين ولا لا بس تبين تنرفزيني!" ارجوان ابتسمت من غيرته الزايده شافها وهي تبتسم ورسل لها " شعندك تبتسمين" ارجوان " اصيح يعني!" ماجد" ماقلت كذا المهم غسان لا" ارجوان " وش لا ترا غسان كبير وانا عنده بنته وعادي بس يقيس لي وكيف نجد!" ماجد " مالي ف نجد لي فيك انتِ افهمي انتِ بس لي انا ولو علي حتى اخوانك اغطيك عنهم " ارجوان " لا مجنون انت" ماجد " لا مو مجنون بس غيرتي عليك هاذي ولا تبيني ما أغار ؟" ارجوان " تكفى مجودي عادي اخلي غيداء هي تأخذ المقاسات" ماجد : لاتقوليلي مجودي! وبعدين يامُخ غسان بيعرف مقاساتك" ارجوان " ياخي تكفى" ماجد : اذا غيداء هي تقيس لك بشوف لكن لو غسان تحلمين " ارجوان " زين انتبه لطريق" ماجد" زين وحشتيني ياخي" ارجوان " ياصبر الأرض وش وحشتك ترا ف وجهك انا صبح وليل وظهر وعصر" ماجد " م اشبعش منك" ارجوان " هيا خذلك قلبت مصري"
داغر : سيب هالزفت الي ف يدينك وركز بالسواقه
ماجد : زين زين يبا
عايشه بضحك : خليه يتونس مع عشيقته
ضحكت ارجوان انحرجت مره
نجد : عشيقته وبس يماما؟
عايشه : الله يديمهم يارب
داغر : عاد عشيقته حتنى اعشقها
وجهه ماجد نظره ل ابوه بسرعه
داغر : هد هد لا يطق لك عرق احبها واغليها واعشقها مثل نجد
ماجد : لالا خليها بس لي انا اعشقها واغليها واحبها
ارجوان حاطه يدها على عيونها استحت
عايشه : خلاص احرجتوا البنت
ضحكوا
عند بيت الصقر 
الصقر: كيف اخترتوا قاعه؟
امال : اي شفنا وحده تجنن بس مادري سعود وخزامى تعجبهم ولا لا
خزامى : ايوه والله ياخالتي دامك اخترتيها وعجبتك خلاص بتعجبني
سعود : اي يمه الي يعجبك يعجبنا
هديل : احنا عاجبتنا بس انتوا معاريسنا كيف؟
امال: ايوه حبايبي اهم شيء رأيكم
خزامى : عاجبتنا يروحي
هديل : وانتا سعود
سعود : دام خزامى عاجبتها انا بعد
الصقر : تمام توكلنا عالله احجزوها
عند البنات بالغرفه
غلا : يليل ودي اروح اقعد معهم بس سعود فيه
هند : ترا حتى العيال محكورين هناك
غيداء : يب يعني مو بس احنا
غلا : اي داريه
غيداء : بنات غسان يرسل شكلنا بنمشي اوصلكم؟
غلا : ماعرف اشوف ماما
غيداء : تمام
غلا نادت امها وجات
امال : ها شبغيتي
غلا : يوصلنا غسان؟
امال : طيب لأني مطوله بقعد عند امي وابوي
غلا : خلاص تمام ويمكن نروح ل رهف ترا
امال : زين
رجعت امال ل الصاله كملت هروج مع أهلها
غيداء : هيا بنات البسوا عباياتكم
راحوا ولبسوا عباياتهم وطلعوا ل سياره غسان
عند العيال
هتان :الصراحه انتم مصربعين وشو الي الزواج بعد اسبوعين ترا الناس بعد اربعع خمس شهوور
سعود: نشوف ياهتان لا خطبت الي تبيها وتحبها اذا مو تبي الزواج ب اسرع وقت اتفل علي
هتان ابتسم لأن جت ف باله علطول هند
حاتم : الله يقلع بس ابو الزواج على ابو الحب
فيصل : حاتم ولا عمره حب اعوذ بالله
حاتم : اي الله لا يجعلني احب احد غير ربي واهلي
هتان : ياااوك تغث يعني حتى انعجاب ما انعجبت
سكت حاتم تذكر رهف بس خلاص ماكتب ربي بينهم نصيب قال بكل هدوء " وياليت ما انعجبت" فز سعود من مكانه
سعود : اوووف مين؟
حاتم : وشعليك انت
هتان : من هنا ؟
حاتم : لا
فيصل : اووف اجل وين
حاتم : قلت خلاص سكروا الموضوع البايخ والتافهه هذا وجع حمير
عند ماجد وصلوا البيت ودخلوا علطول كلهم توجهوا لغرفهم ونجد دايركت ترسل ل ارجوان رساله محتواها
" لاتنسين وكلميه !!!" دخل ماجد وارجوان معه الغرفه
ماجد رمى نفسه عالسرير
ارجوان عقدت حواجبها : ماججججدددد طيب فصخ جزمتك مافينيييي حيل انظف ياخي
ماجد : نظيفه نظيفه
ارجوان : كيف نظيفه وانت داعس بها الارض
ماجد : خلاص اهو فصختها ولاتزعلين
ارجوان: مازعلت
ضحك وحط يدينه ورا راسه وقاعد يفرفر ب جواله
وارجوان تنزل اكسسواراتها
ارجوان : منت مفصخ ثوبك
ماجد كان ع جواله ولا انتبه لها
ارجوان لفت عليه وحطت يدها ع خصرها
ارجوان بعصبيه : خير ترا اكلمك م احب احد يطنشني!
ماجد : اا هلا معليش م انتبهت كنت اكلم خويي
ارجوان : اها خويك طيب ياماجد
ماجد : شفيك والله ريان
ارجوان سكتت ولا ردت تبغى تردها له
ماجد " ياخي ارجوان خلاص قلتلك خويي منتي مصدقه شوفي جوالي "
اخذت شباصه ولمت شعرها وهيا مطنشته ورايحه تعلق عبايتها
مسكها من يدها
ماجد : يوم اكلمك ماتطنشيني سامعه!
ارجوان طالعت فيه : شيل يدك
ماجد : اكلمك انا ولا اااها وحده بوحده
ارجوان : افهمها زي ماتبي سيب يديني واي صح اليوم راح اروح ل رهف
ماجد : طيب طيب على الي يخليك تروحين
ارجوان : طيب نشوف
ماجد : ارقدي بس ولا يكثر
ارجوان : لا بيكثر وهذا الي بيدلعني وعشان اليي جاي بالطريق ما اشوف شيء
ماجد : يوم تتنضبطين معي وانتِ حركاتك ذي كأنك بالثانوي
ارجوان : محد قالك تاخذني دامني بزر
ماجد : والله جدي الي... سكت وربط على لسانه عشان مايتكلم ويجرحها لأن مايحس بنفسه يوم يعصب
ارجوان : ايه ايه كمل كملللل جدي الي غصبك خلاص طلق ماتبغاني طلقققققق عاديييي
ماجد ماقدر يتمالك اعصابه وقرر يخففها بأنه جرها ل عنده وصارو لدرجه يتنفسووون من بعض  💋
ارجوان كانت تضربه بأنه يبعد لين بعد
سكتت ارجوان وراحت ل السرير وانسدحت وهي حست ان زودتها شوي وهو بعد جاء لعندها
ماجد : اسف
ارجوان:وانا بعد اسفه
ماجد : تتأسفين ليه علزق ماسويتي شيء واذا سويتي انا ما اشوف انك سويتي غلطك بعيوني صواب لا عاد تتأسفين مابي اسمعها!
ابتسمت وقامت حضنته
ارجوان : انا زودتها عليك شوي
ماجد : عادي وريان ذا ينقلع خلاص بس لك انا
ارجوان : ايوه صح عليك طيب يالله بروح ل رهف
ماجد بنفس عميق : ارجوني؟ انا م احب الطلعات كثير بس لو انا وانتِ والله لو ننام برا عادي بس لحالك لا
ارجوان : ف بيتها تكفى بالله
ماجد : مابي اردك بس ساعه
ارجوان : تكفىىىى اربع ساعات طيب
ماجد : انخبلتي انا ساعه مارح اقدر بدونك كيف اربع خلاص ساعه ولا اهون
ارجوان : طيب ساعه ساعه خليني ابشرهم
رسلت لهم بالقروب
" بنات ابشركم وافق"
علطول ردو
خزامى : الحمدلله
غلا : كويسسسس
هند : والله ماتوقعت بس الحمدلله
نجد : كفوووو بأيش اقنعتيه 😉؟
رنا : اكيد بوسه ههههههه
جوليا : اص اص قلة حياء
رهف : الله يحيكم يارررب عاد انا وجولي ورنو بننتظركم
البنات : تم / على خير
قفلت جوالها ومر الوقت عند الساعه 7 كانت نجد قاعده وتتصور تنتظر ارجوان تخلص ويروحون
عند ارجوان كانت تسوي شعرها
ارجوان: مجود تكفى اعطيني السلسال حقي
ماجد : ارجون شقلت انا ع  ذا الدلع
ارجوان طالعت فيه بعيونها الي تسحر
" زين انا احبه ؟"
ماجد ذاب فيها : خلاص بس لا عاد تقولينه انا م احبه
ارجوان : ماتحب الي احبه؟
ماجد : لاتخليني اتهور بطلي دلع
ارجوان ضحكت : لا كل شيء ولا تهورك بس اعطيني السلسال
ماجد : سمي
اخذته ولبسته خلصت وراحت لبست لبسها وجات
ونجد دقت الباب
ماجد : من؟
نجد : انا هيا ارجوني خلصتي؟
ماجد : لسه ماخلصت
نجد : زين افتح الباب
ماجد : لا
نجد : وجعه تقهر يابزر
ارجوان : دقايق واجيك يروحي
ماجد طالع فيها وقلدها بصوتها : دقايق واجيك يروحي امحق روح روحك بس انا
ارجوان : زين كيف كشختي؟
ماجد : ماقدر اوصفك والله
باسته ع خده وراحت لبست عبايتها
ارجوان :يلا
ماجد : يلا
فتح الباب وكانت نجد واقفه
ماجد : بسم الله
نجد : شايف جني!
ماجد : لا والله اخرش من الجني
ارجوان : لالا حدك إلا نجد
نجد : جعلني ابوسك يشيخه
ماجد : تخسين امشي بس
ضحكوا ونزلوا تحت وسلموا على داغر وعايشه وخرجوا متوجهين لسياره ... ركبوا
عند غلا وهند
هند : هيا سعوووود تأخرت ونمر على خزامى حووووسه امشي
غلا : لا خزامى قالت هتان بيوديها
هند ابتسمت بدون ماتحس اشتاقت ل هتان لاحظت غلا عليها
سعود وهو نازل سريع يسكر ساعته
" زين زين لاتُرجيني"
هند : هيا تأخرنا
ركبوا سيارتهم ومتوجهين لبيت رهف
عند خزامى
هتان : خزامى وربي دقيقه مانزلتي لغير امشي عنك
خزامى : يخي دقيقه بس اخذ عطري
هتان : واحد ... اثنين ..
خزامى : اهو خلصت امشي
نزلوا طياران
عبدالرحمن : انتبهوا على نفسكم
هتان : ابشر يبا
خرجوا سريع ل السياره
عند بيت الصقر كانو جالسين
هديل بضحك: والله سحبت على عبدالرحمن
امال بضحك : والله كلنا توه رسل لي خالد قال وينك قلت مطوووووله
امل : خلكم عندي نامو
الصقر : وين ينامون ورجالهم
هديل : افا يبا
الصقر : ياعيون ابوك تنورون بس رجالكم عيب
امال : عادي عاددي
امل : ايه عادي
الصقر : ع راحتكم الله يحيكم بس قولوا لهم
هديل : ايه اكيد
كل وحده رسلت لزوجها واعطته خبر
بعد مرور نصف ساعه وصلوا نجد وارجوان  وهم نازلين
اعطى ماجد ارجوان بوسه من بعيد وقال ساعه اومت براسها طيب
رهف : حييييوووو نوروتونييي
نجد وارجوان : بنوررك يروحييي وين البنات
رنا بصوت عالي :نحنا هنا تعالو يلا
دخلوا فصخوا عباياتهم
جوليا : ياهلا والله وين البنات
نجد: ذحين اتوقع بالطريق
جوليا : يلا كويس
بعد خمسه دقايق غلا وهند وخزامى وصلوا بنفس الوقت
غلا : اوو هلا خزامى اطلق شيء بنفس الوقت وصلنا
هند كانت نظراتها ل هتان وهتان بعد
خزامى : اييي منجد
سلم سعود على هتان وكان وده يجي ل خزامى بس ماقدر
ركب سيارته وراح لكن هتان قعد لين خزامى وغلا دخلوا وهند كانت يدوب تمشي من الهديه الثقيله الي معاها
جاها جرييي هتان وسحبها وراحوا ل ورا البيت تحت الدرج
هند : هيييي هتان انخبلتتت
هتان : وحشتينييييييي
هند : اكثررر بس امشي لحد يشوفناا
هتان : محد بيشوففف بعدين وحشتيني وريني زينك
هند : لا مقدر
هتان : ترا بتصيرين لي يعني عادي
هند : لا صرت لك شفتني
سحب هتان نقابها وشاف جمالها الي وحشه
هند : خيييير هتان مجنون انت
كانت بتنزل وبتجيبه بس رفعها وحضنها بقوه وباسها ع خدها حاولت تبعده لين مابعد اخذت نقابها ولبسته ورحعت بسرعههه
دخلت الباب كان مفتوح
جوليا : وينك حبي
هند بتوتر : لا بس كنت اشيل الهديه
رهف وهي بالصاله : ادخلي ادخلي هند
دخلت وسلمت وقعدوا يهرجون وهتان رجع ل سيارته وحرك وكان ما ف باله غيرررر هند
عند نواف الي كان مستعد للخطبه بس ماهو عارف ببحدد وقت مناسب وقرر يكلم عبدالرحمن
نواف
" السلام عليكم كيفك ياعمي"
عبدالرحمن
" هلا وعليكم السلام ورحمه الله وبركاته بخير جعلك بخير نواف صح"
نواف
" الله الله "
عبدالرحمن
" هلا والله شلونك شخبارك شعلومك"
نواف
" بخير الله يسلمك اقولك عمي كيف الموضوع "
عبدالرحمن
" موضوع وش"
نواف
" الي كلمتك به"
عبدالرحمن
" ايه تذكرت والله ابد حدد يوم وان شاءالله يكتب ربي الخير"
نواف
" يناسبكم بكره او بعده"
عبدالرحمن
" ان شاءالله على خير "
نواف والفرحه ماهي سايعته
" تمام ع خير يارب فأمان الله "
عبدالرحمن
" الله يحفظك مع السلامه"
قفل وكان طاير من الوناسه
عند البنات فجأه تجي رسااله ل جوليا
" شلونك جوليا صح؟؟"
ردت جوليا بأستغراب ؟
جوليا " ايوا بخير مين معايه؟"
" ماعرفتيني؟"
جوليا " لا ماعرفتك مين!"
" انا سامي "
جوليا " سامي؟ سامي مين ان شاءالله "
سامي "افا ماذكرتيني"
جوليا بخوف قالت للبنات
" يمامي بناااات سامي رسل لييا "
البنات بأستغراب : مين سامي
جوليا : ساميييييي الي ساعدنيييي ذيك المرههه
رسل ثاني
سامي " ها ذكرتيني"
رنا : وييي كيف جاب رقمكك
جوليا بخوف : يمه مدري
نجد : ياحمير نسيتووو عسكري هذااا واصحابه اكيد مباحث وكذا وجايب رقمها
ارجوان : طيب ايش يقووول
خزامى : ثوانييي لازم اجي عندك
جات لعندها
خزامى : يقول ذكرتيني ؟ قولي يب يب
غلا : وش يب يب قولي ايوه امر ايش بغيت
هند : ايوه كذا خليك برستيج
جوليا : طيب طيب        ....
رسلت جوليا " ايوه اتذكرت امر اخوي سامي ايش بغيت "
قعد يكتب
جوليا : ويي يرد بسرعه
غلا : طيب اطلق شيء عز الطلب ياماما
سامي " اخوي مره وحده؟"
خزامى برقت عيونها : بموووت قال اخوي مره وحده
تجمعوا كلهم عند راس جوليا
جوليا رسلت : طيب تبغى حاجه؟"
سامي : لا سلامتك بس جيت سألت شلونك وكذا
جوليا بدون ماتحس والبنات مندمجين رسلت
" الله احب لمن احد يسأل عني "
انتبهت رنا وضربت جوليا ع راسها وكلهم انتبهوا
خزامى : لااااا حمار ياربييي
نجد : لا لا حلووو والله شفيكمممم
سامي " الله ارسلي موقعك اتطمن اكثر "
شافوا كلهم رد وماتو ضحك وجوليا قفلت جوالها واستحت