"ياثقل الوقت من دونك وانا ايامي بلاك طوال "

Part24

تمتلك جمالاً اكثر من المسموح بهِ .

بعد ماراحوا الضيوف قعدوا ينظفون البنات والعيال قاعدين فالصاله يكملون قهوه
نجد: مافيكم خير اعوذ بالله واحد يفز ينظف معنا
ماجد: اقول نجد كملي تنظيف
نجد: مالت بس
ارجوان : مجوووددد ااا اقصد ماجد تكفى تعال نظف بدالي
عايشه : ماجد فز اسمع كلام زوجتك
ماجد : سمي يمه وزوجتي ... قام ونظف بدال ارجوان
وراحت ارجوان قعدت
نجد : ما اقول غير لي الله
قام فيصل من نفسه واخذ المساحه من عند نجد وبالغلط جات يده على يدها
عم الصمت وكانوا يناظرون ف بعض
اريج وهي جايه من المطبخ وشافت الموقف
اريج: ماشاءالله حبايب شعندكم
عايشه : ايش فيه؟
اريج بضحك: شوفي ماسكين يد بعض
عايشه بضحك : اوف اوف لازم نزوجكم
غسان : لايشوفكم جدي والله يزوجكم علطول
حس فيصل وشال يده ونجد بعد البنات كانو منصدمين ان امهاتهم يقولون كذا
نجد استحت وانحرجت كثير وراحت طيران وهي تجري قابلها جدها
الصقر وامل : يويلاه شفيك انتِ
دخلت نجد الغرفه وماردت على جدها وجدتها
الصقر : علامها البنيه
عايشه وهي تكتم ضحكتها
" ولا شيء ياعمي "
امل : عساها طيبه
اريج : طيبه طيبه ياخالتي بس بتنام
الصقر : بتنام وتجري كذا
غسان : لا تشغل بالك ياجدي
البتات ميتين ضحك
الصقر : هاااا انتم شوراكم
خزامى بضحك : لا ابد ولا شيء
امل : والله وراكم بلاء
هند : افا ياامي احنا ورانا بلاء
اول ماتكلمت هند عيون هتان عليها وابتسامته شاقه وجهه شق
هديل : يلا خلصتوا يلا يلا امشوا غرفتكم
البنات : لا بنسهر
هديل : ماعندكم دوامات
خزامى : طز عادي
هديل : بكيفكم
الصقر : خلي حفيداتي على هواهم لو مايبون يداومون مايداومون
هتان : ماشاءالله ياجدي البنات عادي حنا لا
الصقر بضحك : لالا حتى انتم اخليكم على هواكم
خزامى : يع هتان لاتنشب لنا
هتان : انقلعي انتِ مدلعه
الصقر: اص بزارين
غيداء : اسمعوا بنات تعالوا نشغل فيلم كذا ونتفرج
غلا : تم يلا
هتان : حتى حنا معكم
خزامى : انقلع لا
هتان : مالك دخل
الصقر : عادي كلكم مع بعض تفرجوا واستانسوا بس لاتزعجونا
البنات : سم ياجدي بس نبي لحالنا
الصقر : خلاص الي يبي يقعد يقعد الي مايبي يروح انا مالي فيكم
قال الصقر كلامه وراح هو وامل
امال : سمعتوا ايش قال جدكم مايبي ازعاااااج
محمد : اي لاتزعجونا خلونا نرقد ف امان الله
اريج : اي بالله مصدعين ترا
غلا : اي ماعليكم
راحوا كل الاهالي بالغرفه
عند نجد دخلت الغرفه ورهف كانت فيها
رهف : بسم الله شبلاك انتِ
نجد : ياويلي يارهف ياويلي هيبتي راحت راااحت
رهف بضحك : ماعندك هيبه يابقر
نجد : كليزققق انتِ لو تدرين شصار يويلي يويلي
رهف بحماس : ايش صارررر
قعدت نجد وتحكيها
رهف شهقت : ياويلتاااااه عز الله زواجكم قريب
نجد : ياليييت بس الموقف قدامهم وامي وخاله اريج احرجوني
رهف : مالومك والله الموقف لا يحسد علللييييه حرفياً
نجد : انا بنام بنسى الموقففف
رهف :  ارقدي ارقدي لا يجون البنات ويستلمونك
نجد : اي والله صادقه يلا تصبحين على خير
رهف : وانتِ من اهله يامعشوقه فيصل
نجد : رهف يارهف لاطيح فيك يارهف
رهف : سمي سمي
راحت نجد ورمت نفسها على السرير ..... عند البنات
خزامى : حنا بنجيب سناكات وانتم رتبوا المكان
هتان : مرتب
خزامى : لا حولا لله
راحوا البنات المطبخ عشان يجيبون السناكات ويسوون فشار
غلا : بنات قولوا ل رهف ونجد يجون
ارجوان : ياحبي انسي نجد تجي بعد الموقف تلاقينها نايمه
خزامى : ورهف بعد مستحيل عشان العيال بس نروح ونقولها
هند : زين انا بروح اقول لها
خزامى : تم يلا روحي
راحت هند متوجهه لغرفه البنات ويوم قربت صادفها هتان ابتسم لها
هتان : اشتقت لك
هند بإرتباك وتوتر: هتان لوسمحت ايش تبي
هتان : قلتلك اشتقت لك
هند : طيب وشسوي
هتان : بحضنك يصير ؟؟
هند سكتت من الصدمه
هتان : السكوت علامه الرضا ... وراح طيران حضنها بقوه
هتان : اشتقت لك مره .. بنفس عميق قال
" بادليني الحضن "  ... فجأه هند بادلته الحضن ماتدري ليه
هتان : احبك والله اني احبك ياهننند
هند بنفس عميق : وانا بعد
هتان فك من الحضن وطالع ب هند وحط يده على خدودها
هتان : والله؟
هند : والله
هتان : زين ليه تنكرين ؟؟
هند : مانكرت
هتان : يوم قلت لك اني احبك قبل فتره شردتي ولا رديتي علي
هند : طبيعي ترا انا انحرجت
هتان : زين ماعليه بس توعديني ماتنكرين حبنا
هند أومت ب " نعم "
هند : بروح قبل محد يجي
هتان : وشعلينا
هند : لا هتان لا تنهبل علي منجدك لو احد جاء بيفهمون غلط خلاص بمشي واصلاً دقايق بنتجمع بالصاله
هتان ابتسم : زين
راحت للغرفه ولقيت رهف تقرأ كتاب ونجد شبهه نايمه
هند بهمس : اسمعي رهف بنتجمع ف الصاله بنتفرج فيلم البسي حجابك وتعالي معنا
رهف : لا ياعيوني والله بنام
هند : زين يروحي على راحتك
رهف : قولي ل نجد عشان ماتنفجر عليكم بكره
هند : اي اي
راحت هند ل نجد
هند : نجد نجد قومي بنتفرج فيلم
نجد بصوت مبحوح : زين
راحت هند
رهف : مانمتي
نجد : حاولت بس وربي قعدت افكر
رهف : بوش
نجد : بالموقف الي صار
رهف : يا امي خلاص سوي سكب وانتهينا
نجد : زين زين تعالي معنا
رهف : لا بنام
نجد : تكفين
رهف : والله بناممم
نجد : هفففف منك يارهف
ضحكت رهف وغمضت عيونها .... خرجت نجد وراحت للبنات
ارجوان : غرررريبه والله جيتي
خزامى : مايفوتها شيء
نجد : خزامى انقلعي وبعدين ترا ماتخطيت الموقف يالله اني بوجهك كيف بشوفه ذا
هند بضحك: غطي وجهك يعني بالله كيف بتشوفينه عادي
ارجوان : نجد لانضحك على بعض ترا انتِ وفيصل بتتزوجون يعني خلاص عادي ايزي بيزي
نجد : اي اي صح
غلا : والفشار جهز يلا خذوا
اخذوا الفشار والسناكات الباقيه وراحوا لصاله وحطوها على الطاوله طبعاً اول مادخلوا فيصل جات عينه على نجد واستحى منها وهي بعد
نجد وهند جنب بعض وخزامى وغلا وغيداء جنب بعض
وفيصل وارجوان جنب بعض وغسان وهتان وسعود وماجد وحاتم جنب بعض ... شغلوا فيلم اكشن ورومنسي
خزامى : هيا لحد يفتح فمه
هتان : هذاك انتِ الي فتحتي فمك
خزامى : ياااربي سخيف انطم بالله
هتان : خزامى وربي لو مانطميتي جيت وسطرتك
غسان : يالله اني فوجهك انتم بزارين ولا وش
ارجوان : خلاص اص بدأ الفيلم
فيصل كان حاط يده على كتف ارجوان  وقاعد يأكلها فشار انتبه ماجد والغيره ذبحتهه❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥
ماجد بحده  : بنت ارجوان تعالي عندي
ارجوان : لا بجلس جنب فيصل زمان عنه
ضحكوا
فيصل : بس ياغيور بس هدي علينا
ماجد : فيصل خلك على جنب واقطم
" الموقف الي صار بين نجد وفيصل ماجد ماشافه ولله الحمد "
ارجوان : ماجد خلاص
قام ماجد وجاء جنب ارجوان وشال يد فيصل وخلا  ارجوان فحضنه
حاتم : الله لا يبلانا
طالع فيه ماجد وقلب عينه " يعني شمق " ضحكت ارجوان على غيرة ماجد
بنص الفيلم نجي لقطة 💋 غمضت عيونها ارجوان وانتبه لها ماجد
ماجد : شفيك غمضتي عيونك ترا قد سويناها
شهقت ارجوان من صراحة ماجد
غسان : ولد انت هي اسكت قله ادب
نجد : عز الله ماما ماعرفت تربي
ضحكوا العيال على صراحة ماجد
ماجد : شتبون انتم خلكم بس بالفليم ذا
غسان : اسكت لاتفتح فمك
قلب عيونه ماجد
غسان : قطع الله هالعيون
ارجوان : غسان لاتدعي على زوجي
خزامى : يعععععع الله يقرفكم وش ذا مو لايق ابداً اص اص لاتتكلمون
ماجد : غيرانين لهدرجه
نجد : ماجد اسألك بالله تنطم
ماجد : انطمي بالأول انتِ
غسان : الله ياخذ الي يقعد معكم يابزارين قومي ياغيداء
اخذ غيداء وراحوا غرفتهم
غيداء : ياربي مت مت على صراحة ماجد
غسان : الله يصلحه اخذ راحته
غيداء: بزيادددده
عندهم مره ثانيه
غلا بهمس : تكفين شوفي سعود كيف يناظرك!
خزامى بهمس : احمم مهوووس فيني ياماما
غلا : ماينلام والله
خزامى : انتِ سيبي سعود شوفي هتان كيف يناظر هند
غلا : اي واضح يحبها
خزامى : ذا عاد اخوي ابو قلبين
غلا ماتت ضحك
هند ونجد : شعندكم ها تضحكون ضحكونا معكم
مرت يومين  بسلام مافيه احداث كثيره
نجي ل يوم الجمعه الي بكره السبت شبكه وخطوبه خزامى وسعود طبعاً يوم قالو لصقر فرح كثير لأن كان يتمنى يتزوجون من بعض
الساعه 10 بالليل تحديداً كانو قاعدين يتعشوون ف مطعم
الصقر : والله المطعم زين ماشاءالله
الكل : اي ماشاءالله طعم
الصقر : عاد والله لو تدرون قد وش انا مستانس ان بتتزوجون من بعض كانت امنيتي
امل : اي والله عاد مثل اول كنا مثل كذا نتزوج من بعضنا
امال : الله يتمم على خير يارب
محمد : اي والله الله يوفقهم يارب
داغر : الكل مبسوط والله
خالد : اي والله بالحيللل مستاننس
هديل : عاد يافرحتي بنتي عند خالتها
امال : إلا امها والله
هديل : ياقلبي والله
الصقر : ها ذلحين وين تبون تروحون
غسان : وشش ياجدي رحنا فيها خلاص برقد والله
الصقر : ماعليه ارقد اهم شيء البنيات مايقصرهم شيء
خزامى : تسلم ياجدي بس خلاص كل شيء تمام
نجد : خزامى ذحين المصممه الي صممتي من عندها شسمها ماشاءالله سريعه صممت فستانك بيومين
خزامى : مصممم مو مصممه وتخيلي مين
غسان : واحد اسمه غسان خالد الحيدري
نجد : احح ماشاءالله انت الي مصممه
غيداء : شرايك بس نجد ماقلنا لكم خليناها مفاجأه بس انا وخزامى وسعود وغيداء وخاله هديل وخاله امال ندري
نجد : ماشاءالله القبيله كلها درت
ضحكوا
غلا : عاد متحمسه اشوفففه
غسان : اكيد بيطلع حلووو لأنه من يديني
هند : اف غسان نرجسي
غسان : يحق لي والله
خلصوا عشاء ورجعوا للأستراحه لأنهم حجزوها لين يوم الأحد
مر اليوم بسلام نجي لليوم المنتتظرررر❤️‍🔥❤️‍🔥❤️‍🔥❤️‍🔥❤️‍🔥❤️‍🔥
الصباح طبعاً البنات رفضوا ياخذون اجازه كانو خزامى وغلا ورهف يتجهزون لدوامهم
رهف : مين يوصلنا؟
خزامى : انا بروح مع حبي
غلا : وع يعنني حبيبك
خزامى : اي حبيبي شتبين
رهف : وهه قلبي تتهنوووون
خزامى : يارب ياحبيبيي انتِ
غلا : بنات نقابي زابط؟
خزامى ورهف : يب يبب
جاء سعود ودق الباب راحت خزامى وفتحته
سعود بأبتسامه : هلا هلا ياأجمل صباحي بنوررر وجهك ياعععشقي انتِ
خزامى بأبتسامه : ترا استحي
سعود : اجمل من يستحي
غلا بصوت عاالي : يخويا ترانا فيه اهجد لاتصير رومنسي بنستلمك طقطقه
ضحك سعود : زوجتي ماتطقطق علي
غلا : اول وحده هي عاد
خزامى : كذابه
سعود : وان طقطقت عادي
خزامى : موتي حرره
غلا : مالت عليكم
رهف بهمس : يوهه يجننون الله يحفظكم
غلا : رهف تقول يووهه يجننون الله يحفظكم
هبدتها رهف : غبيه لاتقولين
سعود : الله يسعدها امين يارب
خزامى : تعلمي تعلمي ياغلا
غلا :  اتعلم بس مو لكم
سعود : يلا حبي مشينا ؟
خزامى : تمام يلا
غلا : حتى حنا معكم بنجي
سعود : ادري يلا امشوا ....... نزلوا تحت لسيارة وركبت خزامى قدام وغلا ورهف ورا وشغل اغنيه لذكرى ومنطربين عليها بس رهف ساكته كانت سرحانه بخيالها
وصلوا للمشفى ونزلوا ودخلوا جوا ورحبوا فيهم
الدكتور ديالا : اهلاً وسهلاً بحفيدات السيد الصقر
البنات : يرووحي انتِ هلابك
ديالا : تفضلوا معي اوريكم مكاتبكم
البنات : زين
راحوا معاها وعرفتهم الاماكن والمكاتب حقتهم بعد ساعتين جاء نواف يسلم على حاتم  دخل مكتبه
حاتم : هلااااا والله
نواف : هلابك ياعيني كيفك
حاتم : بخير دامك بخير
نواف : دوم يارب
حاتم : امر شبغيت
نواف : ابد والله جيت اسلم عليك وبعدها بسافر مع ابوي للجنوب حاتم : توصل بالسلامه ياقلبي بس عاد تحضر ملكه سعود
نواف : الله يسلمك يارب اي ان شاءالله بحضرها وبعدها بنمشي يلا فمان الله
حاتم : فمان الله
طلع من المكتب وخارج فجأه ❤️‍🔥❤️‍🔥❤️‍🔥❤️‍🔥 يقابل نفس البنت الي جات تتعالج عند ابوه جاء الفضول ل نواف وسألها
نواف : السلام عليكم ورحمة الله وبركاته
رهف : وعليكم السلام ورحمة الله وبركاته امر اخوي ايش بغيت
نواف : اسف على الفضول بس انتِ قد جيتي عند ابوي؟
رهف : نعم ؟ ابوك مين
نواف : ابوي شيخ قد مره جيتي وتعالجتي عنده
رهف تذكرت : اهااااا اي اي اهلاً الله يكتب اجركم يارب
نواف : اللهم امين هي انتِ
رهف بأبتسامه بانت من عيونها : اي ليه
نواف : لا بس جاني فضول وسألتك
رهف : ماشاءالله عليك شلون عرفتني
نواف بسرحان فيها : اسألي عيونك
رهف استحت وماقدرت تجاوب
نواف حس على نفسه : اا مع السلامه
رهف: مع السلامه
مر الوقت وجات الساعه ١٢ وراحت رهف عند خزامى ولقيت غلا عندها
رهف: بنات يلا مشينا
غلا : اي يلا عشان يمدي ننام وتجي الأرتست
خزامى : اصلاً انا زق شخلاني اداوم معكم
غلا : قلتلك بس الزق زق مهما صار
رهف : هيا هيا بالله خزامى روحي كلمي سعود يودينا
خزامى : زين
راحت خزامى للمكتب حق سعود بس كان فيه زملاء له
سعود : ااا تفضل احمد شوي وتعال
احمد : تمام
خرج احمد من المكتب
سعود : هلا والله نور مكتبي يروحي
خزامى : حبيبي بنورك اسمع يلا ودينا
سعود : زين يلا
راحت خزامى للبنات وعلطول قالت لهم وجو معاها وخرجوا لسياره وركبوا
غلا : شغل اغنيه
سعود : شتبين
غلا : امممم اي اغنيه ل عايض
سعود : سمي
شغل اغنيه ل عايض تجنن مره وانطربوا عليها بس كالعاده رهف ساكته وسرحانه بالشخص الي كلمها الي هو نواف
وصلوا الاستراحه ولقيوهم يجهزون وفيه عمال يركبون الديكورات علطول دخلوا الغرف ونامو
مر الوقت وجات الساعه خمسه وقعدوا يصحون ف رهف وخزامى وغلا
عايشه : يالله اني بوجهم انتم علامكم ماتقومون
هديل : قلنا لاتداومون بس حكم القوي
خزامى : ماما يرحملي والديك خلاص تكفين وربي بنقوم
غلا : قمنا قمنا
قاموا وعلطول راحوا كل وحده قعدت تتجهز طبعاً خلصت الارتست من نص البنات بس كان باقي غلا وخزامى ورهف
قعدت تسوي ل غلا
هديل : خزامى بسرعه البسي
خزامى : باكل يماما وبعدين لسه م خلصت من غلا
هديل : زين روحي البسي سوي شيء
نجد : اي يلا ياخزامى
خزامى : الأكل اهم ولا تبون ادوخ
ارجوان : عذر يعني
خزامى : اومال ايه ياختشي
هند : قلبت الأخت
الأرتست : خلاص ياعسل خلصنا الميكب تقدري تروحي تسوي شعراتك
غلا : الله يجننننننن تسلمين ياقمر
الأرتست : حبيبي الله يسلمك
خزامى : ابدي الله يسعدك ب رهف بعدين انا
رهف : يابقر انتِ اول عشان تتصورين مع سعود بلا بقرنه
هديل : اي والله انها بقره
خزامى : هفففف طيب طيب يلا ابدي فيني
الأرتست بدت ب خزامى وحقت الشعر قعدت تسوي لها وخزامى تاكل
خلود " الي تسوي شعر خزامى " : خلصنا يروحي
الارتست : وانا بعد خلصت بس باقي احط لك مثبت ميكب
حطت لهت
الارتست : تقدري يروحي تشوفي نفسك
خزامى : الله يجننننننننننننننننن حبيتتتت يمامي ماشاءالله
ارجوان : تبارك الرحمن قلبيييييييي تحصني
خزامى : ياعععشققييي
هديل شافت بنتها وقعدت تبكي
امال : لاااا لا يروحي لاتبكين
هديل : بنتي كبرت
نجد : اكيد ياعمه هديل بتكبر
ضربت هديل نجد بمزح
عايشه : وه ياقلبي الله يتمم لها على خير لاتبكين
اريج : لاتبكين ياقلبي الله يوفقها يارب
خزامى جاتها البكيه حضنت امها
هند : لاااااااااااا انتِ عروس لاتبكين
رهف : وه قلبي لا تكفون لاتبكون
هديل : عقبالك ياقلبيييي
قعدوا يهدون هديل وخزامى
جاء هتان
هتان : وه وه مبرووووك ياحلوتي
نجد : يعنني صاير حنون
هتان : من يومي
خزامى حضنت. هتان. : حبيبي انتا عقبالك
هتان  : امين يارب
جات هند من غرفه الدريسنق وانبهر هتان من جمالها ماحس على نفسه وقاال
" تبارك الرحمن ماشاءالله تحصني ياهند"
هند برقت عيونها واستحت تعلثمت ماقدرت ترد
ماتو ضحك وحس هتان على نفسه
هتان : اااا المصوره برا تستناك هي وسعود
خزامى : زين زين ضيع السالفه
خرج هتان بسرعه وهو مو داري عن نفسه كيف قال كذااا
غلا : يلا يروحي تعالي عشان تطلعين له
خرجت خزامى وكان سعود معطيها ظهره رحبت فيها المصوره
هيّا : يلا ي قمر تعالي هنا وحطي يدك على كتفه وانتا ياعريس بعدها لف
سعود أوم براسه بتمام
قربت خزامى وحطت يدها على كتفه لف سعود وماقدر يخبي مشاعره حضنها بقووووه كأنها اعظم انجازاته ومنجد هي اعظم انجازاته وكانو العيله يناظرونهم والبنات قعدوا يصرخون ويزغرطون فرحانين
صورتهم المصوره وباركت لهم وراحت
رجعت خزامى للغرفه وطبعاً كل البنات جاهزين نوريكم لوكاتهم بالقناه
نجد : بنات ودي فيصل يشوفني
ارجوان : خلاص ياخفيفه
نجد : شسوي اخوك يجنن
ارجوان : احم احم يلا بروح لزوجي ماشاف كشختي
راحت ارجوان ل مجلس الرجاال
محمد : تبارك الرحمن هلا ب قمري
ارجوان : حبيبي بابا
الصقر : حبيبه جدها الجميله
ارجوان : قلبييي ياجدو
ماجد : ارجوان تعالي
ارجوان : اصلاً كنت جايه عشان بكلمك
ماجد : زين تعالي
خرجوا برا المجلس
ماجد : تجين بفستانك هذا قدام العيال!!!!
ارجوان : عاديي يامجودي
ماجد : ارجوان تدرين اني اغار عليك !
ارجوان : طيب اسفه بس كنت ابيك تشوف كشختي
ماجد : ايش تبغين اقول تجننين طول عمرك تخرفنين قلبي
وباسها
ضحكت ارجوان فطست حرفياً
ماجد : علامك
ارجوان: فمك شوفه
ماجد : وش ... ليكون فيه روج
ارجوان اومت ب ايه
ماجد : ياويلي هاتي مناديل
ارجوان : مامعي دقيقه امسح بيدي
مسحته بيدها بس باين شوي ان فيه شيء وردي
ارجوان : يلا سلام بروح
ماجد : بتوحشيني
ارجوان : لا تبالغ
ماجد : ما ابالغ ياعشقي
ارجوان باسته بوسه من بعيد ومشيت
مر الوقت وجو الضيوف وترحيب وكان كل شيء بيرفكتتتت دخلت نجد على المطبخ عشان تودي العصيرات عند الرجال
ارجوان : ياربي تبين فيصل يشوفك؟
نجد : ليتتتتتت
اخذت العصيرات ومعاها رهف بس كانو يحطوون العصيرات عند الباب ويشردون
وصلوا للحوش ويوم وقفوا عند الباب يجي ولد من دوره المياه "اكرمكم الله "
رهف : هيييييي غض البصر
نواف كان يطالعع ومنصدم هاذي رهف !!
نواف : رهفف؟
رهف : يمه بسم الله مين انت
كانت رهف متخبيه ورا نجد ونجد مصنمه
نواف : انا نواف
رهف : يمه بسم الله شتبي جاي
نواف بضحك : جاي ل ملكه صاحبي
رهف : زين خلاص روح
نواف : افا تطرديني
رهف: لااا اقصد ادخل جوه عندهم
فجأه ينفتح الباب كان فيصا والكل يشوفون نجد ورهف وواحد منهم قال بصوت عالي " يالبىىىىىىىى "
شردوا البنات وكان وراهم فيصل
فيصل بصوت عالي : نجد يانجد وقفي
وقفت وجاء فيصل
فيصل : شعندك هنا
نجد بتعلثم الكلام : والله . جايه . اعطيكم . العصيرات وانقلع بس خلعنا واحد خارج من الحمام الله يكرمك
فيصل : زين شايفه انتِ كيف ماشاءالله تجين بدون عبايه ليه
نجد فرحت على توترت على تلخبط كلام : ها شقصدك
فيصل : نجد انتِ عارفه قصدي لاتستهبلين ويلا روحي
نجد : سم
طبعاً رهف شردت قبل نجد ودخلت جوه
جات نجد بعدها بشوي بس محد لاحظ اختفائهم مر الوقت وجاء موعد الزفه وكان معاها سعود بالغرفه بينزفون مع بعض
سعود : تحصني لا يطقونك عين هالعواجيز
خزامى : شدعوهه ماعليك تحصنت
سعود : لا بحصنك انا بنفسي
قعد يقرأ عليها المعوذات وتدخل هند
هند : الله يديمكم يارببب يلا يلا الزفه
خزامى وسعود. : يارب عقبالك يعشقنا
خرجوا من الغرفه وانزفوا وكانو ب قمه الروعه وحطوا اغاني ورقصوا سلو وقطعوا الكيكه وانبسطوا كثير ومر اليوم الجميل بسلاممم❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥
رأيكم