يتحدث عن شعرها الطويل الكثيف الاسود الناعم الذي يشبه خطوط الحرير ام عن جمالها وبياضها الشديد الذي ب عتمه الليل يبان وعيناها الواسعتان وبؤبؤ عيناها الشديد السواد واسمها الذي يجذب القلب " ارجوان "
_يا قَمَراً في السَماءِ مَسكَنُهُ
وَنَرجِسُ الأَرضِ في...
و لو بيدي يا عيني، أضمَك بعيني. ماجد : ها نرجع البيت ارجوان ماهي قادره توقف بكي ماجد : خلاص تكفين والله م كنت اتكلم معاها ب شيء كنا نتكلم بخصوص الشغل وهي فيه كلمه ماهي قادره تنطقها صح وضحكت عليها مستحيل اشوف غيرك والله! ارجوان وهي تشاهق : والله ي .. ماجد لو .. شفتك مع بنت ثانيه .. بخلعك ضحك ماجد على تفاعلها "طيب ياحلوتي" نجد مقهوره من ماجد بالمره وحبت تبرد قلبها وقلب ارجوان وراحت شدت شعره بأقوى ماعندهاااا ماجد بعصبيه : مخبولهه مرجوجه ؟؟؟؟!!! ليه تشدين شعري نجد ب تنهيده راحه : والله انقهرت منك مره وارجوان بعد ف اخذت حقها وبردت خاطري والمفروض بالخيزرانه البنت حامل وتبكي يأثر على الجنين! ماجد : خلاص تكفين لاتبكين يا ارجوان والله مابيني وبينها شيء وتنقلع انا ماني يمها اصلاااً ارجوان تمسح دموعها : انا قلتلك وكلامي وصلك ياماجد ماجد : سمي والله ويلا نمشي ونخبر الاهل؟ ارجوان : ماني قايله لهم الان يوم نتجمع كلنا اقول ماجد : على راحتك خرجوا متجهين على السياره وقابلهم فيصل فيصل : علامكم وشفيها ارجوني تبكي!!؟ نجد : لا ماعليك بس فيه مفاجأه ارجوان : اصصص لاتقولين فيصل : افا ارجوني تخبي علي؟ ماجد : مفاجأه ياملقوف ارجوان رفعت صباعها على ماجد : انت الملقوف إلا فيصل ! ماجد ضحك على مواجهتها : زين فيصل : نجد وش المفاجأه نجد طالعت ب ارجوان وماجد " ها مقدر اقول " وغمزت له اواشرت على الجوال نها تقوله أوم راسه فيصل وضحك وكمل طريقه وهم بعد كملوا فتح ماجد الباب ل ارجوان وركبت وركبوا كلهم وشغل السياره وحط اغنيه ل عبدالمجيد عبدالله ارجوان لا شعورياً : الله مجودي ماجد : يادين الله حتى ذا مجودي ! ارجوان : تراك مجنون مادرى عني ترا! ماجد : حتى ولو احط ذكرى ابرك ارجوان : يشيخ اجل حتى ذكرى مافيه نجد : خلاص وجع بزارين شغلوا قرآن ابرك لكم ارجوان : صادقه اخذت نجد جوالها ولقيت فيصل راسل لها رساله محتواها " ها ايش تحمست❤️🔥" نجد ابتسمت بدون ماتحس ورسلت له " بس اسألك بالله ماتقول لأحد " فيصل " ابشري والله" نجد " ارجوان حامل 🥺" فيصل "امانه صدق ؟؟" نجد " اي وربي" فيصل " بصير خال " نجد " وانا عمه" فيصل صدم نجد ب الرد " عقبالنا💙💙" نجد برقت عيونها وهي مبتسمه نجد " ها مافهمت " فيصل " لاتستهبلين " نجد " لا صدق مافهمت " فيصل " يعني يوم نتزوج الله يرزقنا بزارين" نجد برقت عيونها بزياده وفتحت فمها هي عارفه انه يحبها بس كان شووووووي صريح زياده عن اللزومم نجد " اها " فيصل " ولا ماتبين نتزوج " فتحتها ولا ردت احتارت ايش تقول ماجد : غريبه الأخت ساكته نجد بأبتسامه : ها؟ لا ابد اكلم صحبتي ارجوان لفت وطالعت فيها وغمزت سوت نجد بيدها ايش تبغين ضحكت ارجوان ورجعت لفت لمكانها عند الصقر طبعاً رجع بيته وقعد مع امل الصقر : تصدقين الجو زاين بالحيل امل : اي والله وتصدق ودي بمخيم الصقر : ابد والله تم شوفي البنيات متى لو بكره ماعندي مشكله امل : اي بكره زين الصقر : ميخالف بعد شوفي البنات امل : سم راحت واخذت تيلفون البيت واتصلت على امال بكونها اكبر وحده من البنات اتصلت عليها وردت امل : السلام عليكم كيفك ي بنيتي امال : وعليكم السلام بخير دامك بخير يمه امري بغيتي شيء امل : لا والله بس بكره ان شاءالله ناوويين ناخذ مخيم امال : ان شاءالله امل : يعني خلاص اقول لأبوكم تم؟ امال : ايه امل : اجل قولي للبنات واخوانك عشان يجهزون انفسهم امال : سمي امل : زين يلا مع السلامه امال : مع السلامه راحت ورسلت بقروب العائله الي يضمهم كلهم رسلت امال رساله محتواها امال : السلام عليكم شلونكم توها امي كلمتني وقالت بياخذون بكره مخيم جهزوا انفسكم ردوا عليها وكانو بالحيل فرحااااانين عند نجد بالغرفه كانت عندها ارجوان نجد : جاتك على كفوف الراحة يعني تقولين لهم بكره ارجوان : يب الحمدلله نجد : زين ايش بتلبسين؟؟ ارجوان : ماعرف بس عندي لبس اشتريته زمان له سنه يمكن ومالبسته ابد راح البسه بكره نجد : وانا بلبس ذاك الي لبسته يوم اخذو جلسه بالبحر تفتكرينه؟؟؟ ارجوان وهي تتذكر " اها اي اي افتكرته " عند بيت امال غلا : احس الله تحمست هند : اي يحمس امال : سيبوا يحمس وتحمست طلعتوا لبسكم لأنكم سلاحف ف تطليع الملابس هند: افا يا ماما احنا سلاحف امال : اي سلاحف المهم طلعتوا؟ غلا : ايه ماعليك ماما طلعنا امال : زين عند سعود بغرفته ب ظلام وإناره خااافته بدون تيشرت ولابس بنطلون اسود ومفتوح شعره الكيرلي والطفايه على رجله والزقاره بين شفايفه وتفكيره وذهنه بخزامى ماصارو مثل اول شلون كانو يكلمون بعض الان لا خزامى تبادر ولا سعود يبادر بس الحب موجود بس فيه مشكله بينهم بسيطه جداً لكن مارح نذكرها اما عند هتان الي كان نايم وكان يحلم ب هند من كثر تفكيره فيها ونجي ل خزامى كانت جالسه على تسريحتها تسوي شعرها وطلعت لبسها وتفكر ب سعود ونفس الشيء شلون اول وشلون ذحين تجاهلت الشيء ذا وكملت تصفيف شعرها نرجع ل ارجوان وماجد رجعت ارجوان غرفتها واخذت كتابها وقهوتها وقعدت تقرأ بالكتاب ودخل عليها ماجد طالعت فيه بنص نظره ورجعت نظرها للكتاب ماجد :افا شفيك؟ ارجوان : ماشبي شيء ماجد : ماعرفك انا قولي قولي؟ ارجوان : قلتلك ماشبي شيء وإلا صح تعاال انت ماعندك اصحاب؟ ماجد بأستغراب : إلا عندي ليه؟؟ ارجوان : يا أخي روح اخرج تعال مو تقعد عندي اربعه وعشرين ساعه ماجد : افا تبغيني اروح عنك! ارجوان: ماقلت كذا بس ان يعني اخرج وتعال بدل منت مسنتر فالبيت من الشغل للبيت ومن البيت للمسجد ومن المسجد للبيت ومن البيت لشغل ماجد : انتِ عارفه مليون بنت تتمنى واحد زي كذا بس ابشري اذا ماخليتك تندمين على كلامك ذا ولف وكأنه خارج بس ممبين عليه الزعل كانت بتروح له ارجوان بس كابرت وليتها ماكابرت كلم ماجد خويه ريان وجاه بسيارته وراح وخرجوا ريان : غريبه طالع ماجد : لا ابد بس قلت اغير جو ريان بغمزه ونص ضحكه " ولا المدام طاردتك" ماجد : لا يشيخ انتبه لكلامك تراني ماجد ريان : ماقلت شيء ماجد : انطم بس كملوا طريقهم ووصلوا للبوليفارد نزلوا وقعدوا يتمشوون عند عايشه ونجد وارجوان وداغر كانو بالصاله قاعدين يشربون الشاي عايشه : إلا صح كيف التحليل ي ارجوني نسيت م اسألك نجد طالعت ب ارجوان وارجوان طالعت فيها ارجوان : هلا لا ياقلبي ماعرف تقولي لسه م طلعت عايشه : ها كيف ماطلعت غررريبه! نجد : ااا لا يماما بس عشان ذا عليهم ضغططط داغر : اي صح تصير دايم حرمه عبدالله النوبه الي فاتتت راحت حللت وماطلع لهم إلا ثاني يوم عايشه : والله ذا الفُنك الجديد داغر : والله يحكيني انا اقول شكله صاير ضغط ارجوان : اي اي صح عايشه : ليه مارحتي مستشفى عمي ارجوان وهي منحرجه : والله ياخالتي انا على اساس اروح احلل وتطلع النتيجه واذا كنت حامل اروح عند ماجد وافاجأه بس ماطلع عايشه : يا سلام الله يفرح قلبكم يارب اي إلا وين ماجد ارجوان : طلع عايشه : غريبه من بعد ما اتزوج م يطلع كثير ارجوان : ايه قال بيغير جو داغر : يلا زين يغير جو عايشه : وانت صادق مر الوقت وجات الساعه وحده ... ثنتين ..... ثلاثه!!! وماجد ما جاء عرفت ارجوان انه منجد كلامه صح اخذت جوالها ورسلت له رساله عند ماجد جاته رساله من ارجوان مجرد شاف الاشعار ابتسم وحب يرد عليها " الرساله مكتوب فيها" " ماجد فينك الساعه ثلاثه تعال " رد عليها ماجد " مو انتِ ماتبيني ؟؟؟؟؟" ارجوان " عجيبه ذي متى قلت مابيك قلت اخرج روح خلاص لاتخرج ولا تروح سنتر بالبيت " ماجد " ايه زين اشوف ممكن اجي الان وممكن ما اجي واحتمال كبير م اجي" ارجوان شافت الرساله وانقهرت وحست المغص والغثيان والقيء اكرمكم الله من الألم ومن عدم وجود ماجد قعدت تبكي عند ماجد ماجد : هيا على البيت ريان : اقسم بالله انك متعب لنا اربعه ساعات نلفلف بالسياره وذحين يلا البيت ماجد : ايه زوجتي اهم منك ريان : ماشي ماشي وقت المصالح تجيك الكلاب مشتاقه ماجد : احشم نفسك لا اسطرك سكت ريان وتوجهه للبيت ...بعد مرور ساعه .. وصل البيت وكان هههههدوء رقى غرفته وفتح الغرفه ولقي ارجوان ممغوصه وتبكي جاء عندها وجلس بقربها ومسح على ظهرها ماجد : شفيك ارجوان بصياح: بطني ماجد : بسم الله عليك ياعيني خلاص ذحين اسويلك شيء دافي ارجوان : مو الد... ذا حمل حست ارجوان انها جابت العيد ماجد : ماعليه عادي اسويلك ارجوان : زين راح لركن الي بغرفتهم وقعد يسويلها وجابه لها وقعدت تشربه ماجد : ها خفيتي؟ ارجوان : ايه ماجد : شفتي قلتلك يخف ارجوان : شدراك؟ ماجد : اعرف مايحتاجلها ارجوان : زين بنام ماجد : تصبحين على خير مر الوقت وجاء العصر وتحديداً بيت داغر قامو على اتصالات من العائله عايشه توها قايمه من اتصال هديل وتقوم داغر ونجد قامت من اتصال هند وارجوان قامت من اتصال فيصل وماجد قام معاها شافوا الوقت وقاموا جررررررررري يلبسون دق جرس الباب وفتحت العامله حقتهم وكان الصقر الصقر بصوت عالي : ياناس انتم فين اشكل من ساعه ونص وحنا ننتظركم هيا امشوا داغر : سم سم يبا ذلحين جايين الصقر : هيا اخرتونا راحت العصريه بغرفه ماجد وارجوان ارجوان : ماجد سكر لي الاسواره ماجد هاتي يدينك ............قفلها لها......... خلصوا سريع سريع ولبسوا عباياتهم ونزلوا داغر وعايشه ونجد وارجوان وماجد كلهم مع بعض وكان يسوق بهم ماجد وداغر جنبه مر الوقت وعلى طريق البر كانت سياره هتان جنبهم شغلوا اغاني وفتحوا الشباب ويغنون ويصفقون وكلهم مع بعض مر الطريق على خير ووصلوا المخيم ❤️🔥❤️🔥تحمسوا للأحداث الجايييه نزلوا وقعدوا ينزلوا الاغراض غلا : الله المخيم مره كشششوخي هند : ايييي وشوفي هناك فيه اكواخ مره حلوه ارجوان : الله مره تدنن الاكواخ صغيرونه نجد : اي صدق مره ححلوه " تذكروا الاكواخ شيء جداً مهم❤️🔥" محمد : تعالو تعالو يبنات شيلوا الاغراض وانتم ياعيال ماجد : ارجوان لاتشيل شيء هتان : ليه على راسها ريشه ماجد : مايخصك بس ارجوان ماتشيل شيء محمد : وليه ماجد : لا بس ظهرها يعورها ياعمي محمد : زين جات اريج لعند ارجوان اريج : صدق ظهرك يعورك؟ ارجوان ماتعرف تكذب على امها " اي اي مره يماما" اريج م اقتنعت : قولي الصدق ارجوان : هذا الصدق يعورني اريج : اها زين نزلوا الاغراض وقعدوا ف الجلسه والبنات عند المراجيح يتمرجحون ويسولفون غلا : يالله مره براد احسها بتمطر هند : اي صدق برد مره خزامى : الحمدلله جبت معي فروه غلا : انا نسيتها على اخر لحظه خزامى : عادي ماعليه انا اتوقع معي وحده فجأه اترمت على غلا فروه❤️🔥 حاتم : خذي ذي فروه البسيها لاتصخنين غلا : لالا شكراً خذها حاتم : معي حقتي خذيها ذي غلا : تمام شكراً " علاقه حاتم وغلا جداً سطحيه يعني حتى مايسولفون مع بعض غلا هاديه وحاتم هادي وغامض " مر الوقت وجات الساعه تسعه نجد بهمس : ها متى تقولين ارجوان بهمس: ذحين نادي ماجد نجد : سمممممممممممي راحت جري ل ماجد نجد : هيا روح مع ارجوان عشان بتقول انها حححامل ماجد : زين راح لها ارجوان : هيا ماجد : تمام مسك يدها وراحوا لعندهم ووقفوا ماجد : بنقولكم شيء مرررره مهم الصقر : انا خابره امل : ماشاءالله انت خابره وانا ليه ارجوان : والله ياجده بالصدفه عرف امل : اي اوريكم تخبون علي ماجد : لا والله ماعاش ولا كان الي يخبي عليك يلا نقول؟؟ عايشه : وش قولوا اريج: قولواا يلا هديل : قولوا حرقتوا اعصابنا نجد : اي وانا بعد اعرف هند شهقت : نذلات وانااا! نجد : حبيبتي انا اخت زوجها لازم ادري ارجوان يلا : ...واحد .........اثنين...........ثلاثه...... ماجد : ارجوان حااامل كلهم قعدوا يصرخون من الفرحه ويباركون ويهنون اريج بدموع الفرح: والله العظيم كنت حاااسه ارجوان : وهه ياقلبي انتِ والله حبيت افاجئكم عايشه : يلا اقعدي ولاتشيلين شيء ولاتسوين شيء امال : اييي واصحك تشربين قهوه V60 تراها هي بكبرها مصيبه وانتِ حامل لا مصيبه اعظم فيصل : اي يويلك تشربينها ماجد : ماعليكم مابخليها الكل : ايه كفو الصقر : هيا مشينا ياعيال بالمخيم الثاني حق الرجال محمد : وليه يبا خلينا نقعد هنا الصقر : واه انا نسيت اقولكم سامي وعبدالعزيز وعياالهم بيجون والله راح عن بالي اقولكم داغر : يوه طيب سووا القهوه وش نعشيهم الصقر : لا ماعليك العشاء موجود بس سوووا القهوه يلا هديل : سم يبا راحوا الرجال للمجلس وبعد مرور نص ساعه جو الرجال " معلومه البنات مايعرفون مخيم الرجال خرجت خزامى بدون م احد يحس تتمشى هي وسماعتها وتغني مع الاغنيه بصوت واطي بعد ......نص ساعه........ بترجع خزامى للمخيم وضيعت لقيت مخيم قريب من ثلاثه مخيمات وكان مخيم الحريم حقهم ورا المخيمات ذي بمسافه بس ضاعت ولا عرفت راحت لمخيم اول مادخلت فيه جاها شخص من ورا وغطاها بشماغ ووداها ورا المخيم وطاح جكيتها سعود : مخبوله ولا مهبوله ولا مرجوجه انتِ جايه مخيم الرجال! خزامى : وانا شدراني انه حق الرجال كنت امشي وضعت بالطريق قعد سعود يهاوش عليها وفجأه ❤️🔥 تمطر وشافوا الاكواخ وراحوا لعندها ودخلوا فيها وكانت خزامى قاعده ومكفته يدها وماجد كذلك وكانوا مقابلين بعض بس فيه مسافه سعود : شفيك تغيرتي خزامى : ماتغيرت انت الي ماسرت ترسلي ولا تكلمني سعود : اذا انشغلت مو لازم تسألين عني؟؟؟؟ خزامى : وانا بعد انشغلت سعود : سبحانك ياربي ......سكتوا........ خزامى قعدت ترتجف من البرد لأن بلوزتها عريان خزامى : روح جيب جكيتي سعود بتنهيده : تعالي خزامى : نعم احلم وروح جيب جكيتي سعود : بتجين ولا شلون؟ خزامى : والله ماجي سعود : زين قام وكأنه بيروح خزامى : خير على وين بتسيبني لحالي! سعود : قلتلك تجين ولالا خزامى : انا مارح اجي خلاص ولاتخليني لحالي راح سعود لعندها وشدها وحضنها وغطاها بالجكيت حقه وهو حاضنها سعود " تراني احبك بس انتِ تحبين تستفزيتي " خزامى بدون شعور بكيت بعد وشافها تبكي سعود : هوب هوب هوب شفيك؟ خزامى : ماشبي شيء سعود : إلا بك شيء خزامى : خلاص كذا بكيت بدون سببب سعود : زين خلاص امشي اوديك اومت خزامى ب تمام بنص الطريق خزامى طالعت فيه وقالت بكل مصداقيه " احبك " ابتسم لها سعود ❤️🔥❤️🔥وحضنها " اكثر والله اكثر "❤️🔥❤️🔥❤️🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
