"ياثقل الوقت من دونك وانا ايامي بلاك طوال "

Part10

"خُلق لكِ فِي قلبي وطن يحتويك بأكملِك."
"ويُقال التلميح بالحب ألذ من الاعتراف به."
الصقر : ي ولد علامك ماترد
ماجد : بالغرفه توه كان يغير
الصقر : اجل علامه يطنش الباب مفتوح ولا
ماجد : ايه مفتوح
فتح الباب الصقر
سمعه هتان انه بيفتح الباب قام وسحب هند ودخلوا بالدولاب
هتان بهمس : هششش
هند خافت واشرت بيدها ليه
هتان ب همس : لو جدي شافنا بيفهم  غلط
هند بهمس : زين
كان الدولاب عباره عن ريحه هند الي تسرررح وتدوخ
الصقر : وينه ذا
عرف ماجد ان فيه شيء : ماعرف كان فيه شاف الدولاب يتحرك شوي
انخرش ماجد : ي جدي اي تذكرت بالحمام الله يكرمك
الصقر : زين لا طلع قوله البنات يبون يطلعون خليه يطلعهم
ماجد : زين
خرج الصقر
هتان بسرحان بريحتها وذااايب : ريحتك تجنن
هند انخرشت منه : هيي انت شفيك
هتان بدأ يقرب منها
هند دفته وطاحوا وانفتح الدولاب
ماجد بأستغراب  : اعوذ بالله انتوا شعندكم هنا
هتان : ولا شيء
هند شردت علطول عند البنات
نجد : وجع سنه سنه تروحين
هند وهي فحمانه وتكح : يمه يمه الله لايوريكم وش صار وانتِ ي خزامى اخوك دااااااشر
خزامى : يمه شصارررر
ارجوان : يمامي شفيههههه
قعدت هند وبدأت تحكيهم : يماما ي بنات دخلت الغرفه كانت بارده وظلام لقيت كتاب عجبني اخذته وبديت اتصفح سمعت صوت اندحست ب الدولاب
" اندحست بمعنى اتخبيت "
سكنت هند
البنات بخوف وحماس : كمليييي
هند بتوتر وهي تاخذ نفسها : وبعدين دخل هتان ويغني اغنيه وخدك ي قوت المهم ودخل بعده ماجد وقاله هتان وشبك كذا منفس نسيت وش قاله من الموقف الي صار وبعدها قال هتان يلا نطلع قال ماجد زين يلا غير جاء فيصل ل غرفه الملابس وفتح الدولاب الي انا فيه قال بصوت عالي بسم الله وانا اشرت له انه يسكت وبعدين سأله ماجد شفيك قال هتان لا ولا شيء بس كذا قال ماجد الله يشفيك المهم بعدين قاله هتان اخرج بلبس ماجد خرج وبعدها قالي وش جابك وكذا وقلتله وبدأ يستعبط اخوك ي خزامى المهم وبعدها سمعنا صوت جدي وينادي هتان
خزامى : اي شفناك طولتي خلينا غلا تروح وتقول لجدي
هند : الله ينكبكم المهم وهتان طنشهم وجدي قال ذا علامه مايرد الباب مفتوح ماجد قاله اي قال زين وسمعه هتان وسحبني ودخلنا كلنا الدولاب وانا عطري بدأ يفوح ف الدولاب وانا الزفت بخيت من عطر ماما عطر فرموني
ارجوان ب حماس وتوتر وخوف ايش الي بيصير : يمه وشصار
هند : المهم وبعدها قال جدي غريبه فينه عالعموم قله انه يخرج البنات بعده بدأ يقرب مني وكان ب 💋 بس دفيته وطحنا من الدولاب وشافنا ماجد  وقال بسم الله وش عندكم انا شردت عاد مادري شصار المهم اني ماني مستوعبه الي صار
البنات تنحوا حرفياً صارو زي الجدار
خزامى: واااه والله طلع هتان داشر
نجد : اوف اوف هذا مقطع سلوموشن المفروض
ارجوان : يالله وماجد غلط اصلاً موجود
غلا : ي بنت الحمدلله ماجد موجود عشان مايسوي فيها شيء
رمت عليها خزامى ورقه
غلا : وانا صادقه
ارجوان : طيب عادي نطلع
غلا : هيا هيا خلونا نلبس
هند : انسواااا وربي م اروح
ارجوان : اذا هند ماراحت انا ماروح
هند : والله بكيفك لاتروحين مستحيل امشي معه
خزامى : يوووه بنات تكفون
نجد : خلاص نطلع مع ماجد
ارجوان : هف
نجد : خلاص ارجوان وشفيها عادي
هند : لا ماجد استحي منه
نجد : تاكلين زق وتمشين معانا
هند : هففففف
عند هتان
ماجد بحده وجديه : هتان ! انا ماني بزر عندك ترا قولي الصدق وش سويت انت بالبنت
هتان بتوتر وارتباك : وش الي شسويت  فيها ماسويت فيها شيء
ماجد : اجل ليه ممندحسين بالدولاب
هتان : سمعنا صوت جدي ودخلنا
ماجد : شوف بعديها لكن والله المره الثانيه قسم بالله ماسيبك واعلم غسان وسعود
هتان : ماجد ماني بزر عندك ولا تهدد
ماجد بعزم وقوه وهو معطي ظهره ل هتان وخارج برا : كلامي وسمعته
طلع ماجد
عند الحريم
امال : اقولكم ناخذ القاعه الجديده ل زواج ارجوان
اريج : ايت
امال : هاذي
اريج : اي اي حلوهه
عايشه : اسمعوا الضيافه عليا
اريج : ياقلبي لاتكلفين على نفسك عادي نتقاسمها
عايشه : عيب عليك ي اريج مابينا
امل : اقولكم ي بنياتي الي يقدمون القهوه والشاهي والتوزيعات انا بكلم ام رياض وبناتها
اريج : اي والله ي خالتي ذولاء نعرفهم ونظاف وراقيين
هديل : اي ماشاءالله عليهم
نجي عند غسان وحرمته معليش سحبنا عليهم
رجعوا بيتهم طبعاً بعد م جو من الخطبه ثاني يوم الي هو الجمعه ذا اليوم
على القهوه
غيداء : والله خطبه ارجوان ماشاءالله مره حلوه وحبيت لبسها
غسان : هي ماشاءالله جميله
غيداء بغيره : نعم!
غسان : ي بنت ارجوان اختي تراها بزر
غيداء : اقول اهجد تبغى تتغزل اتغزل فيني
غسان : اهخ منك ي غيوره إلا صح وين لينا
غيداء : نايمه
غسان : جيبيها
غيداء : هه انسى يروحي الحين تقوم وتصيح وتقلب راسي
غسان :نطلع؟
غيداء : يلا
غسان : اجل صحي لينا
غيداء : هووووف طيب . راحت غيدا عشان تقوم لينا وتلبسها بس لقيتها صاحيه تلعب ب العابها اخذتها وراحت تلبسها لأنها كانت متروشه العصر
لبستها وسوت شعرها وراحت هي لبست لبس خفيف ولبست عبايتها وحطت ميكب خفيف ولبست نقابها
غيداء : يلا جهزت
غسان : يلا
ركبوا السياره
غيداء : يمه حر فك التكيف
غسان : انتظري ي بنت تسخن السياره
غيداء : هوووف زين
عند البنات
غلا : هيا مين تروح تكلم ماجد
نجد : ارجوان تكفين انتِ وتدلعي وكذا
ارجوان شهقت ذيك الشهقه : نعم نعم يروح امك اقول دزي بس
خزامى جات جنب ارجوان وقعدت تترجاها : تكفين ي ارجوني الله يخليك مو شرط تدلعين عادي لو بس تطلبينه
ارجوان : لا
نجد : بالله تكفين عشان خاطري
ارجوان : لا يعني لا
غلا : الله يسعدك ويوفقككك تكفييين ياخي
ارجوان : بشرط
نجد : سمي امري تدللي
ارجوان : وحده تجي معي
نجد : طيب مين تروح
ارجوان : انتِ
نجد : طيب يلا وانتوا اجهزوا
خزامى وهند وغلا : تمام
نزلت ارجوان ومعاها نجد وقعدوا يدورون بس لقوه ب غرفه المعيشه قاعد ويدخن
عند ماجد الي كانت زقارته بين شفايفه وسرحان ف خياله
جاته ارجوان ونجد من ورا الباب تتسمع . ارجوان : ماجد
ماجد مارد عليها
ارجوان تتمالك اعصابها عشان ماتنفجر من بروده : ماجد
ماجد طالع فيها ببرود وهدووووء : نعم
ارجوان : نبي نطلع ممكن تطلعنا
ماجد وهو يدخن أوم براسه بالرفض
ارجوان على اساس تمشي وماتبغى نقاش كثير
ماجد بنص ضحكه ولئامه: هه
ارجوان لفت: نعم؟
ماجد : محد كلمك امشي الله يستر عليك
ارجوان خبطت بالارض من كلمته
ضحك على عصبيتها وبدت تجذبه حبه حبه
نجد : يوووه
ارجوان: ماشاءالله سمعتي
نجد : ايه وجع رفض
نزلوا البنات
غلا : ها وافق
ارجوان : نو
هند : زق بعد مالبست
جات هديل وهي شايفتهم لابسين عبايات
هديل : هوب هوب هوب شفيكم لابسين عبايات شعندكم
خزامى: على اساس نطلع بس ماجد رفض
هديل : جدكم كلم هتان اتوقع
نجد : يعني هو بيودينا
هديل : ماعرف روحوا شوفوا جدكم ولا هتان
خزامى : زيننن
راحت طياران وهند تدعي انه مو هو الي بيوديهم
خزامى : جدي الحين مين بيودينا
الصقر : ول انتوا لذحين ماروحتوا
خزامى : اي ماحنا عارفين مين يودينا
الصقر بصوت عالي : هتاااان ي هتااان
هتان جاء جري : سم ي جدي
الصقر : يلا ودي البنات
هتان : سم يلا امشوا
راحوا وركبوا السياره وشغل اغنيه
" نستني اوام تعب الايام "
كان يغني ونظراته ل هند وهند تتلاشى نظراته
خزامى : العب مين ذي الي نستك تعب ايامك
هتان ونظراته محووووطه ل هند : وحده الله يستر عليها اغررررمت بشده فيها
نجد : وع مو لايق عليك
هتان : محد طلب رأيك
نجد : وانا ماطلبت ردك
غلا : فن الردود مع ارجوان وهتان بزارين 2023
ضحكوا ماعدى هند كانت منفسه
خزامى : هي هنووودي شفيك ساكته
هند بهدوء : مافيني شيء
خزامى لفت عليها وبغمزه : يشيخه
هند بهدوء تام : والله
نجد وهي قاااصده هتان وتطالع فيه : الله يجاززززي الي كان السببب
خزامى فهمتها : امييين امين يارب
هتان حاول يغير الموضوع : اي ايت كافي تبغون
غلا : هتان منجدك قلنا لك دوز
هتان : نسيت
خزامى : ايه مادري وين بالك
نجد : باله الداشر ف وحده
هتان : نجد اقطمي لا اقطمك
نجد : سم