"ياثقل الوقت من دونك وانا ايامي بلاك طوال "

Part25

وكَم أقَتباسُ يَليقُ بتَلك العُيونَ السَاحرة؟.

مرت الأيام ورجعوا لبيوتهم وجاء موعد اختبار البنات الي يخليهم يروحون للجامعه وتحديداً الساعه 6 الصباح ف بيت داغر نجد وارجوان يتجهزون عشان يروحون يختبرون ف غرفه ماجد وارجوان كان واضح على ارجوان شويه تعب وجها مصفر ومرهقه شوي
ماجد بقلق عليها : حبي فيك شيء؟؟
ارجوان بشويه ألم : لا مافيني شيء لاتشغل بالك
قام ماجد من مكانه وقرب لعندها وقال
" بالله عليك فيك شيء ؟"
ارجوان وهي تمشط شعرها : والله عادي عوار بسيط لا تشغل بالكك
ماجد بعدم اقتناع : زين
عند نجد ب غرفتها كانت قاعده تربط ربط شوزها " أكرمكم الله "
وتدندن ... خلصت وراحت شافت نفسها بالمرايا وخرجت من الغرفه ونزلت لتحت
نجد : هلا والله ب ماما
عايشه : هلابك حبيبتي
داغر بضحك : لا يشيخه وابوك شفاف ماتشوفينه
نجد : وربي ماشفتك هلا والله بقلبي
داغر: هلابك يلا افطري إلا صح فين ماجد وحرمته
عايشه : ذلحين يجون اكيد
نجد : اروح اناديهم؟؟؟؟
داغر : اي بس لاتزعجينهم اخبرك مزعجه
نجد وهي قايمه من الكرسي : افا عليك يابابا
طارت نجد ل غرفة ماجد وارجوان ودقت الباب بعد دقيقتين فتح ماجد
ماجد : سمي
نجد : سم الله عدوك تعالو الفطور زاهب
ماجد :زين ذحين نجي
نجد : ننتظركم
أوم ماجد ب " طيب "  وراحت نجد
ماجد : يلا تعالي نفطر
ارجوان : مو مشتهيه اكل
ماجد : وشلون لازم تاكلين ولا تدوخين ترا
ارجوان : والله ماقدر خلاص باخذ معي شيء خفيف واذا جعت اكلته
ماجد : عشان خاطري بس لو تاكلين لقمه وحده
ارجوان : والله ياماجد ماقدر ابداً
ماجد : على راحتك زين انزلي معي عشان تفتحين نفسي على الفطور
ارجوان : لا عيب اقعد معكم وما اكل
ماجد : لا حول الله زين البسي واجهزي عبال ماخلص
ارجوان بهدوء : تمام
نزل ماجد تحت وجلس
عايشه : وين ارجوان
ماجد : ماهي مشتهيه شكلها تعبانه
نجد : وااه عشقي شفيها
داغر : وشلون لازم تاكل
ماجد : والله يبا شكلها تعبانه
عايشه : اجل بحط لها اكل لو جاعت تاكل لأن اخاف نغصبها وتستفرغ او شيء
داغر : صحيح
كملوا فطورهم
عند ارجوان كانت متألمه من بطنها وتحس غثيان فضيع لبست لبسها الي من امسسسس مطلعته وسوت شعرها سريع سريع وحطت بس مرطب للبشره ومرطب شفايف ( اللبس راح نوريكم هو بالقناه لبسها ولبس نجد ) طبعاً بعد مالبست راحت وانسدحت على السرير بعد ربع ساعه جاء ماجد
ماجد :ها حلوتي عساك خفـيتي ؟
ارجوان : إلا والله زاد الغثيان
ماجد : بسم الله من ايش انتِ ايش ماكله
ارجوان قبل ماتنطق جاها القي وراحت جررري للحمام خاف ماجد عليها ولحقها من كثر ماتجرح حلقها قامت تبكي
ماجد : بسم الله انتِ وشبككك
ارجوان بخوف : مدري مدرييي
ماجد حضنها وحاول يهديها دقت الباب عايشه ودخلت وانصدمت من شكل ارجوان كانت مرهقه وتعبانه
عايشه بخوف : بسم الله حبيبتي فيك شيء
ارجوان ماتبغى تقلق خالتها : لالا ياخاله عايشه مافيني شيء
عايشه : إلا والله بك شيء
ارجوان : لا ياخالتي بس استفرغت وانتِ بكرامه
عايشه بأبتسامه : استفرغتي ؟
ارجوان بأستغراب : ايه؟
عايشه : ولا شيء حبيبتي انزلي عند نجد
اومت ارجوان ب تمام
بعد مانزلت مسكت عايشه يد ماجد
عايشه : ماجد جيب لها تست ( بمعنى أختبار )
ماجد : ليش
عايشه : يمكن حامل
ماجد : لاوووويين بس يمكن كانت مشتهيه اكل وبعدها انصابت فيه بس لالا ماتوقع حمل
عايشه : جيبه ولا يكثر وهيا وديهم
ماجد : سمي
نزل ماجد وهو يدعي ان صدق تكون ارجوان حامل
نجد : هيا تأخرت
ماجد : يلا يلا امشوا
خرجوا من البيت وركبوا السياره ارجوان قدام ونجد ورا بس كانت ارجوان سرحانه وحاطه راسها على الشباك
ماجد : شتبغون تسمعون
نجد : امممممممم مجودي
ماجد لا شعورياً عصب : اقسم بالله هذا ما اشغله ولا عاد اسمعك تقولين " وهو يقلد صوت نجد "مجودي سامعه !
نجد : بسم الله شقلنا حنا خلاص لاتشغل نفسيه وععع
ماجد : اص بس
لف ماجد على ارجوان وشافها سرحانه
ماجد : ارجون هيي معنا؟
ارجوان : اي اي معكم
نجد : وين معنا مسرحه ياأخت
ماردت ارجوان لأن ماكان عندها رد مرت عشره دقايق ووصلوا
ماجد : يلا انزلوا وصلنا
نجد : ترا شايفين اننا وصلنا مايحتاج تقول
ماجد : نجد وشرايك تنزلين قبل م انزلك انا
نجد : لا انا بنزل بأحترام يلا مع السلامه
ماجد : سلام
قفلت الباب ارجوان وماجد اشر لها ب " مع السلامه "وكان قاعد واقف بالمواقف لأن اصلاً وقت اختبارهم مايطول
وقابلتهم هند
نجد : ارحبيييي
هند : تراحيب المطر...  ارجوني شفيك
ارجوان: غثيان ومغص الله وكيلك بس
هند : يحياتي الله يخفف عنك
نجد بغمز : يبنت لتكونينن حامل الله بكون عمههه
هند : وع وع مو لايق ولا ارجوان ام ياويلتاه
ارجوان.: خير لااا جامعه بتجيني لالا ان شاءالله
نجد ميته ضحك: تخيلوا شكل ارجوان وهي حامل
هند :  اهخخخ يقتل
ارجوان : انقلعوا كلاب ... كملوا مشي
كانوا فيه مجموعه بنات قاعدين وكانوا شايفين ماجد ووحده فيهم خقت على ماجد اسمها " نور " وكانت تدري انه زوج ارجوان بس اول مره تشوفه
نور بصوت عالي : يالبييييييه المز يبنات يجنن الي موقف عند المواقف
جميل صحبة نور : يهبل مو بس يجنن
ارجوان حسبتهم يقصدون واحد ثاني بس اذا مشيت على ارجوان ماتمشي على نجد 🫳🏻انتبهت لهم نجد وشمقت بعيونها
نور : جعل عيونك الفقع
نجد : الي يفقعها لك
ارجوان بهمس : بس نجد بلا مشاكل
هند : اي مانبي مشاكل معهم
جميل : شعندهم صحباتك ذول ايش يقولون
نجد : وانتِ شدخل امك شيقولون
هند : نور وجميل عويض الله من شركم
جميل : مسويه تهدددين
ارجوان: خلاص اص انتِ وهي
نور : وع وعع خساره هالمز فيها
حست ارجوان بالغيره الي اكلتها اكل وعرفت ان قبل شوي يقصدون ماجد ❤️‍🔥❤️‍🔥❤️‍🔥
نجد وهند  شافو قد ايش ارجوان وجها حمر وعصبت
هند : الله يستر
نجد : اي والله وجهها حمر
ارجوان بعصبيه شديده راحت عند نور واعطتها كف نساها اسمها اول مره ارجوان تتعامل بالضرب
ارجوان بصوت عالي : عشان تعرفين كيف تتكلمين على احد ماهو ملككك وجع
نور وهي ماسكه خدها ومصدومه من الي صار قوت نفسها وقالت
" ولاهووووو ملككك الله يكرهه فيك بحق اذا ماخليته يكرهك "
سفهتها ارجوان ومشيت لأن نور من يومها تهديدات بدون أفعال ماعندها ماعند جدتي
نجد : كفوووو عليك اطلق كف والله
ارجوان بهدوء: كفوك
عند نور وجميل
جميل : بس خلاص هدي نفسك
نور معصبه : ماشفتيها كيف سطرتني كف بنت الكلب
جميل : خلاص امشي ذحين بيبدأ الأختبار
مشيوا ودخلوا القاعه حقت اختبارهم
مر الوقت وبنص الأختبار وارجوان وهي تحل اخر سؤال جاها غثياننن قوي مره لاحظت عليها استاذتها مريم
مريم : اشبك ارجوان
ارجوان : ابله بطني تعورني
مريم : طيب حلي السؤال الأخير واخرجي
حلت ارجوان السؤال وخرجت علطول وكانت برا تنتظرها نجد
نجد : هااا بشري بصراحه موووويه الاسئله
ارجوان أومت ب ايي
نجد : شفيك ردي
جاتهم هند : ها بشرو  كيف الاختبار؟
نجد : موووويه
هند : الحمدلله حتنى وانتِ ارجوني
ارجوان اومت ب اي
هند : شفيها ماتتكلم
نجد : شكلها بطنها وغثيان نفس السالفه روحي الحمام بسرعه
ارجوان بألم : لا بس مغص
هند : زين اسمعوا بروح معكم لأن سعود راح يطول علي ف ابغاكم توصلوني
نجد : خلاص تم حياك
هند : اي داريه بس لازم نستنئذن من الزوجه ارجوان
ارجوان تضحك وتقاوم الألم : منجدك اكيد عادي
هند. بضحك : داريه
نجد : يلا يلا مشينا.
وهم نازلين ارجوان تقول
" ياربي قاهرتني نور "
هند: يا أمي تراكِ اعطيتيها كف انا خفت منه وشلون تنقهرين
نجد : منجد الكف ووبي قوي
ارجوان : مدري بس خلاص صنقرت
نجد : الله يعين
خرجوا لماجد الي كان ف سابع نومه واخذ اجازه يومين من دوامه
دقت ارجوان القزاز وانتبه لها وابتسم وفتح الباب وركبوا كتفت ارجوان يدها وواضح انها زعلانه وكان يناظر ماجد فيها وواضح انها زعلانه من شيء
نجد : تبي تعرف ؟؟
ماجد بأستغراب : اعرف وش
ارجوان عرفت نجد ايش تبغى تقول
" نجد اص "
ماجد : وش اص وش ابي اعرف اتكلمي انتِ اسحب الكلام منم بالقطاره
نجد : ارجوان زعلانه لأن نور يوم شافتك
ارجوان : قلتلك اسكتي اسكتي خلاص
ماجد : انا ابي اسمع كملي نجد
نجد : لا خلاص
ماجد بحده : قولي لا اخليك تقولين غصباً عنك
نجد : زين زين خلاص بقول المهم يوم شافتك قعدت تتغزل فيك وقالت خساره هالمز ف ذي قصدها ارجوان
ارجوان بعصبيه: خلاص يختي انطمي
ماجد : كملي
هند : بزارين انتم وش انطمي وكملي
ماجد : هند اص
سكتتت هند
ماجد : كملي يانجد وش اسحب الكلام سحب منك!!!!
نجد : المهم وارجوان عصبت وغارت عليك وراحت اعطتها كف الله وكيلك صوته لحد ذحين يرج ف سموعي
ضحك ماجد وفطس من الضحك على غيرة ارجوان عليه
ماجد : لهدرجة تغارين علي!
هند : لا لااااا لاااا يرحملي والديكم وصلوني البيت وصيروا رومنسين زي ماتبون ذحين قدامي وانا خارجه من اختبار لااااا
نجد : اهخخ الله يعننني انا اجل
ماجد : هذانا وصلنا بيتك يهند
هند : تسلمون اشوفكم بكره ان شاءالله
نجد : اصلاً يمكن اليوم نطلع
هند : ان شاءالله
قفلت الباب ودخلت للبيت ولقيت البيت هجووووووووووود رقت غرفتها واستحمت وغيرت لبسها ونامت
بالمشفى
انقطعت الكهرباء فجأه وكانت خزامى بطريقها لمكتب سعود وخبطت ب واحد طول وعرض
خزامى : يلا سعود مشينا
مارد وكانت الانفاس قريبه
خزامى بتوتر : سعود ؟ شفيك رد لاتخوفني بطل هالحركات
اشرف : بس انا مو سعود
خزامى بخوف : مين انت
سكت اشرف وكل ماله وهو يتقرب من خزامى فجأه ❤️‍🔥 انفتحت الأنوار وكان سعود واقف بصدمه من قرب خزامى واشرف ضحك
اشرف بخبث ومشي وكانت خزامى واقفه سكوت تطالع ب سعود الي مصدوم من الي قدامه ماقدر يستحمل ومشي علطول وكانت خزامى تلحقه
خزامى : سعوووود وقف وقف
سعود مكمل ومطنشها
خزامى : قلتلك وقفففف خلاص شكلي غبي وانا امشي وراك وقفففف
مسكته خزامى من يده
خزامى : خلاص وقف وانا بفهمك كل شيء
سعود : وش تفهميني وانا قدامي كل شيء وشايف قربكم لبعض عاد الله واعلم وشصار لا شعورياً ضربته خزامى على كتفه بقوه
خزامى : احترم نفسك سامع ! اللمبات انطفت وانا كنت ماشيه لعند مكتبك وبعدين خبطت ب الزفت هذا وحسبته انت وقلت سعود بي بطل الحركات ذي وقاال انا مو سعود وقام يقرب وانا توترت منه ومن الظلام ماصدقها سعود وكمل وراح
خزامى : هوووووووووووف منك
ركب سيارته وهو متضايق وخلاص كل شيء صاير زفت بنسبه له
سعود بينه وبين نفسه
" معقوله خزامى تخوني؟؟؟"
" بس ممكن الشيطان لعب براسها"
" بس شفت انا قربهم لبعض لو كانت صادقه صرخت "
" يوه وش التفكير هذا "
خزامى تضايقت من الي صار وراحت ل غلا وكانت رهف والدكتوره ديالا عندها
رهف : بسم الله شفيك
غلا : بنت اشبك
لا شعورياً بكيت خزامى
رهف طالعت ب غلا بصدمه
د / ديالا : اا انا حطلع برا بعدين حجي
غلا بأبتسامه : تمام
خرجت ديالا وقفلت وراها الباب قربوا البنات منها
غلا : بنت شفيك
رهف : لاتخوفينا ردييي!
خزامى : سعوووود
غلا بخوف: اشبهههه
رهف : شفيههه ردي
خزامى هدت وبدت تحكيهم السالفه من الألف الى الياء
غلا : حسبيييي الله لازم تقولين لجدي
رهف : لا خير مخبوله لالا
غلا : لا ياحبي احسن عشان ينطرد
رهف : لا قطع الاعناق ولا قطع الارزاق
خزامى ببكي : اي ويقطع علاقتي ب حبيبي حلوه ذي !
رهف : طيب انتِ اول شيء فهمي سعود وبعدين هو بيتصرف
غلا : اي اي صح منجد خلاص اليوم نتجمع عند بعض وبنص الجمعه اخليه ياخذك وتروحون المجلس تتفاهمون
خزامى : ولو كان مو بالبيت
غلا بضحكه : هه ضحكتيني ماتفوتني يماما اليوم جمعه العيال عند سعود اصلاً ف بتأكيد جالسين بالبيت
رهف : اححححسن شيء اي كذا صح
اومت خزامى ب تمام
غلا : خلاص زين ورهف عاد تعالي مو تسحبين
رهف : لالا ماعليك ان شاءالله جايه جايه
غلا : تمام
خزامى : وجع ماني طايقه الدوام خلونا ننقلع
رهف : اي صح ترا ماعندنا شيء هيا مشينا
غلا : يلا
خرجوا من المشفى بسياره رهف
نجي ل نواف كان له اسبوع ايام ب الجنوب وراجع اليوم وبيفاجئ حاتم ف اتصل على فيصل عشان يزبط معه كل شيء
نواف
" الو السلام عليكم ورحمة الله وبركاته كيفك فيصل"
فيصل
" وعليكم السلام ورحمة الله وبركاته ارحب نواف بخير جعلك بخير انت شلونك وينك ياولد ساحب علينا قاعد اسبوع ف الجنوب "
نواف
" شسوي والله ديرتنا وعند الاهل اليوم نازل انا وابوي وامي وخواتي "
فيصل
" الله يحيكم تنورون الرياض والله "
نواف
" الله يبقيك يالقلب إلا اليوم وين بتتجمعون؟؟؟"
فيصل
" والله يا فبيتنا يا بيت سعود ماشيين على الجدول ف اليوم عند سعود ايه يلا ننتظرك "
نواف
" زين بس حاتم لا يدري ولا واحد من العيال بفاجئهم "
فيصل
" تم"
نواف
" يلا زين فمان الله "
فيصل
" سلام"
نرجع ل ارجون ونجد طبعاً وصلوا البيت ولقيوهم نايمين ف رقوا غرفهم
عند نجد بعد م استحمت ماجاها النوم اخذت جوالها وقعدت تفرفر وفجأه طبت بحساب فيصل انستا ورسلته ل ارجوان عشان تتأكد
نجد
" بنت ارجون ذا حساب فيصل "
عند ارجوان كانت مستلقيه على السرير ومغمضه عيونها وحاطه يدها على جبهتها جاها ماجد
ماجد : حبي تعالي
ارجوان : والله ياماجد مفحالي اتحرك
ماجد : بعطيك شيء
ارجوان بفضول : وش؟؟؟
ماجد : خذي ذا تست روحي شوفي يمكن تطلعين حامل؟
برقت عيون ارجوان وبتوتر
" لالالالا وين لا ان شاءالله "
ماجد بأستغراب: نعم وليه كذا رافضه ؟ ماتبين تجيبين عيال مني؟
ارجوان : ماجد ! لاتقول كلام ماقلته انا
ماجد : اجل وشوله رافضه
ارجوان : ياخي ضغط وجامعه
ماجد : لسه الجامعه باقي عليها شهر
ارجوان : اي بس والله تعب
ماجد : حنا ليه نسبق الأحداث خذي التيست وروحي شوفي
ارجوان : طيب هات
اخذت التيست وراحت للحمام وكانت تدعي انها ماهي حامل بعد عشره دقايق خرجت 🫳🏻
ماجد : ها بشرييي
ارجوان اومت ب لا
ماجد : وش
ارجوان : لا
ماجد : كيف لا مستحيل اكيد حامل
ارجوان : وشلون يعني نكذب الأختبار
ماجد : لاحول الله كنت اتمنى تطلعين حامل
ارجوان : لسه بدري عندي دراسه
ماجد : الله واكبر يالدراسه ذي
عند سعود الي دخل البيت ورقى غرفته ب اسرع وقت ورمى نفسه على سريره ومن كثر حبه لها حس بالقهر الي شوي ويقتله مو قادر يقاوم القهر الي فيه ومن قوه القهر بكي " الله لا يلومه " بكى لين خلاص نفذت طاقته ونام
مر الوقت والظهر قريب على الساعه ثلاثه رسلت غلا بالقروب رساله محتواها
" بنات اليوم الجمعه ف بيتنا سامعين ياويل وياسواد ليل الي ماتجي سامعين !"
نجد
" خلاص خلاص تم"
ارجوان
" تمام اشوف ماجد "
نجد
" بياكل تبن وبيوافق"
ارجوان
"😭😭"
هند
" انا خلاص تمام "
رهف
" انا بعد اكيد "
نجد
" بيجي فيصل ؟"
ارجوان
" لا حول الله على الخفيفه ذي "
غلا
" لا تخافين يانجد اليوم العيال كلهم متجمعين عند سعود "
نجد
" وع من زينهم اهم شيء فصولي "
هند
" الله يغثك يانجد "
نجد
" حيوانه استغفري "
هند
" انقلعي إلا صح فين خزوم مالها حس "
غلا
" ماعليكم راح تجي بس تلاقونها نايمه "
ارجوان
" كالعاده ياساده "
عند خزامى طبعاً كانت نايمه من كثر التوتر والموقف الي صار لها حرفياً موقف لا تُحسد عليه الله يكون بعونها
ف بيت محمد
اريج : يالله وحشتني ارجوان
محمد : والله كلنا
فيصل : اليوم بنتجمع ف بيت سعود يمكن تجي هي عند البنات
حاتم : يمه ليه ماتروحين تغيرين جو
اريج : خلاص ان شاءالله اكلم امال
رسلت اريج على امال رساله محتواها
" كيفك ياقلبي اليوم اذا ماعندك شيء بجيك "
فتحتها امال علطول
" هلا بخير ياعيني الحمدلله
الله يحيك واليوم جاين البنات عند غلا وهند وقولي ل عايشه بعد تجي لأن كلمت هديل تجي عندي"
اريج
" تمام الان اكلمهم"
راحت اريج ورسلت ل عايشه ان الجمعه ف بيت امال ومافتحتها إلا بعد ساعه وردت ب " تمام ان شاءالله جايه "
مر الوقت ف بيت امال كانو قاعدين يجهزون ويحطون الحلى
خالد : خالتي وخالي مب جاينن؟
امال : لا والله ماهم جايين انت عارف هم يقومون الصبح وينامون العشاء مستحييل يغيرون هالنظام واذا غيروه بس يوم نكون عندهم
خالد : يلا زين اخوانك مب جايين؟
امال : والله مادري ماتوقع عندهم اشغال
خالد : اجل زين انا بروح اكمل شغل واخليكم على راحتكم
امال : يلا زين استودعتك الله
خالد. : يلا مع السلامه
امال: مع السلامه
غلا بهمس ل هند : سعود فين ؟
هند : اتوقع انه بالغرفه
عند سعود الي كان مو طايق نفسه لبس ثوبه وتعطر من عطر امه وسوه شعره ونزل
امال : ياهلا يامرحبا
سعود بأبتسامه : هلابك ياقلبي
راح وجلس بالصاله ينتظر الاهل يجون عشان يسلم عليهم بعده يروحون فالمجلس
" الصقر وامل ماهم جايين لأنهم يقومون الصبح وينامون فليل ف مايمدي "
بعد دقايق جات هديل ودخلت معاها خزامى ومعهم هتان الي عيونه على هند
امال : هلا ياقلبي
هديل : هلابك ياعيني
سلموا على بعض وهند دخلت المطبخ تجيب مويه ودخلوا الصاله إلا هتان كان واقف ينتظر هند
يوم جات مسك خصرها لأنها شايله الصينيه
هتان : وحشتيني
هند انحرجت من كلام وماقدرت تخفي الابتسامه
" هتان وخر بودي المويه "
هتان : توعديني تودينها وتجين؟
هند وهي تحاول تخفي ابتسامتها : وليه اوعدك
هتان : لاتستهبلين علي اقولك وحشتيني اخلصي ودي المويه وتعالي
هند : زين
راحت وحطت المويه وهنودتنا فاهيه كالعاده قعدت معاهم وهتان مازال منتظرها القى نظره ولقيها جالسه راح يدور اي عذر عشان تجي راح عندهم
هتان : هند الله يسعدك جيبي مويه للمجلس
هند عرفت قصده : زين
راحت ولحقته
هند : ها ياهتان
هتان مسك خصرها النحيل : عليك خصر يقتل
سكتت هند بدون ماترد
هتان : اذا طال صمت الشفايف مسموح نبوسها؟
برقت عيون هند بصدمه وهتان 💋
ضربت هند هتان على صدره
"!!! انت معتوه حسك عينك تسوي كذا سامع "
هتان : حاضر ياحب
ابتسمت هند ومشيت ل الصاله وهي متوتره
امال : حطيتي مويه؟
هند بتوتر : ايه
غلا طالعت ب هند وشافت توترها بس تجاهلت الموضوع
امال : يا هند روحي نادي سعود يسلم على خالته
هند : سمي
غلا بهمس ل خزامى : اكسبي الفرصة وكلميه
خزامى اومت ب طيب
راحت هند ل المجلس وفتحت الباب وكان فيه هتان وسعود
سعود : هلا هند شبغيتي؟
هند بتعلثم من نظرات هتان : لا بس اا اا خالتي فيه وكذا وامي تقول تعال سلم على خالتك
سعود بدون خلق لأي شيء : زين شوي جاي
هند : لا شوي رهف بتجي ف مايمدي
سعود بينه وبين نفسه
" لا حول الله "
سعود بنفس عميق : خلاص خلاص زين ذلحين اجي
مشت هند وراها سعود الي كان يمشي ببطئ
هند : وي سعود بطه امشي يلا ترا رهف لاجات مره تقدرون تسلمون على احد
سعود : زين امشي انتِ بس
مشوا ودخلوا كانت فالواجهه خزامى اول ماشافها ابتسم من جواته بس اخفاها على وجهه
هديل : هلا والله كيفك ياعيني
سعود : بخير داممك بخير ياخالتي
امال : شدعوه مستحيين سلم على خطبيتك
غلا سوت تداخل سريع
" لالا يمه مسلم عليها من زمان"
امال : وانتِ شدراك
غلا : ماعليك مباحث
سعود: يلا عن اذنكم
الكل : اذنك معك
ماعدا خزامى كانت ساكته
خرج وخزامى سريع قامت وراحت له جري بدون محد يلاحظ غير غلا الي كانت متفقه معها
خزامى بهمس : سعود سعووود وقف وقف
سعود بنفس عميق: شتبغين
خزامى : ممكن نتكلم؟؟
سعود : مابينا كلام يخزامى من بعد اليوم وبكلم امي تقول لأمك مافيه نصيب
خزامى برقت عيونها وعصبت : شلون مافيه نصيب انت ماتدري وش السالفه لاتستعجل !!!
سعود : اها يلا برري موقفك!
بنص حديثهم جات رهف كان باب الشارع مفتوح
رهف : اا معليش
خزامى : لا عادي ياعيني ادخلي
جات رهف من جنب خزامى عشان تمر وقالت بهمس
" بالهداوه بالهداوه وروحوا مكان ثاني عشان يمكن احد يجي "
هشت راسها خزامى ب طيب  مسكت يد سعود وراحوا ورا فالحوش
عند رهف دخلت ورحبوا وهللوا فيها
غلا بهمس : سعود وخزامى مع بعض صح؟
رهف اومت ب اي
عند سعود وخزامى
خزامى حكت سعود كل شيء
": وهاذي السالفه بأكملها"
سعود : ايش يثبت هذا الشيء؟
خزامى : مافيه شيء يثبت لكن اقسم لك على القرآن اني صادقه هو كان يبغى يتحرش فيني والله ياسعود
سعود حس ان خزامى صادقه منجد : خلاص طيب
خزامى بأبتسامه : تمام
كانت بتمشي بس مسك يدها وقال ❤️‍🔥❤️‍🔥
سعود : اسف ياحبي
خزامى كانت تدمع
سعود : لا تبكين اسف والله... حضنها بقوة
" خلاص ليه تبكين صدقتك"
خزامى : بكيت لأنك اخذت فكره من مخك عني وهي ماهي فيني مره مره تضايقت من ذا الشيء ياسعود
سعود : اسف والله
باس خدها الي كله موجود فيه شعرها
سعود : رضيتي؟
خزامى اومت وهي اي
خزامى : زين بروح
سعود : زين ياقلبي
راحت خزامى وهي مبتسمه
رهف وغلا بهمس : بشرييي؟
خزامى سوت ب يدها👍🏻
فرحوا البنات والحمدلله ... بدأو يجوون والبنات طلعوا بالحوش والحريم بصاله يسولفون
عايشه: صح متى حددتوا زواج خزامى وسعود
امال : والله قلنا لو بعد شهر لأن كل شيء جاهز الحمدلله
هديل : عاد يبغالنا نبدأ نجهز
اريج : والله شفت مصممه تصاميمها روعه
غيداء : ايش اسمها يخاله اريج؟
اريج : دزايين كريستال
غيداء : ايووه هاذي شفت مره هابيين فيها
اريج :تصاميمها منجد حلوه والله بصمم عندها لزواج خزامى وسعود
هديل : بإذن الله
قامت غيداء عشان تروح عند البنات
امال : ووين ياقلبي
غيداء : بروح عند البنات
امال : زين ياعيني
راحت ولقيتهم مشغلين اغاني
غلا : هلا ومرحبا ب مرت خييو
هند : اسفرت وانورتتت
غيداء : ياحبي لكم
رهف : بنات حطوا اغاني
شهقت نجد : وه يناس رهههف تقول حطوا اغاني
رهف : اييي ليه؟
نجد : ابدددد ولا شيء هيا يلا بحط
ارجوان : هيا انا ونجدددد
نجد : يلا
حطت الاغنيه وبدت تتمايل ارجوان بخصرها ومعاها نجد بالصدفه مر فيصل ومعه ماجد وهتان
هتان : اووووووف شوف البنات يرقصوونن
ماجد صقع عيون هتان : يويلك تطالع ارجوان قاعده ترقص لاتطالللع
فيصل : حتى نجد قاعده تترقص لاتطالع
ماجد : شتبي بأختي
فيصل : وانت شتبي بأختي
ماجد : زوجتي
فيصل : وذي بعد بتصير زوجتي
ماجد : تستهبل انت!
فيصل : انقلع بس
هتان : عيوني يازقان
قفل ماجد الباب وراحوا للمجلس وماجد كانت ارجوان بباله وانقهر ان فيصل وهتان شافوها حتى لو كان فيصل اخوها وهتان يقربلها ماجد مره غغيور❤️‍🔥
يووم دخلوا كملوا سواليف
رسل نواف ل فيصل انه برا  وقاله فيصل ان الباب مفتوح
شاف نواف الرساله ودخل وفتح المجلس وقال بصوت عالي
" انا جيييييييتتتتت "
حاتم فرح وقام من مكانه وراح حضنه : ارححححححبببببب
نواف : هلااااااا بقلببيييييييييييي
سلموا عليه وقعدوا وسواليف
غسان : إلا نواف ماعرست؟
نواف : لا لسه والله
غسان : الله يوفقك يارب
نواف : اجمعين

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥رأيكممممم