العراق :للكاتبه فاطمة العساف
Ins :fm.f21
.........................................
" كتبت لك رسالة
قد لا ارسلها ابدا "
.......................
ناي :وصلت لبيت
خفت اترزل من امي من شفتها ماكو بالصاله مشيت على اطراف اصابعي
حتى ما تسمع صوتي من امشي دخلت لغرفتي وكبل سديت الباب وقفلته
واني فرحانه عود امي مشافتني
درت وجهي حتى اغير ملابسي والكا امي كدامي
بحيث كبل طفرت خايفه
_ شنو شفتي جني كدامج
ناي :لا بس سوين هنا بغرفتي
_ جنت انظف بيها واغير بيها كم شغله
وين الملابس الي المفروض مشتريتهن؟
ناي :ها يا غير طلعت من المدرسة متاخره
ومطرت الدنيا وصار حادث على طريق
وبسبب الحادث صار ازدحام
خطيه ابو سياره سيارته حيل تاذت وهو اخذو على مستشفى
بس الحمد لله ماكو ويا احد جان وحده
اباوع على امي ضاجت
_السياره تعوض اهم شي صحه السايق
خطيه اهل الولد هسه اكيد عده زوجه واطفال
زين انتِ اكلتي شي لو بعدج بدون اكل
جوعانه؟ اسويلج شي تاكلينه
بس قبلها غيري ملابسج لتمرضين
ناي : لا موجوعانه بس اريد ابدل وانام
مرات الموهبه بالجذب هم تفيد
يصير الجذب بطل وجنتل مان بحياتك وينقذك من مشكله
واحلى بعد عندي موهبه ثانيه
من اجذب جذبه اضبطها وعندي امكانيه اقنع المقابل بجذبتي وتصير عبالك صدك صار وياي
الي اكوله
بعدني احجي ويا نفسي وابدل
تذكرت ابويه هسه اشلونه اشلون وضعه بالمطر؟
شقه الي ساكن بيها دافيه او لا
زين الراتب مالته جاي يكفي او لا
مرتجى : كل بالي صار يم ترف
خلي كلشي يصير بيهه ولا هي تاذه
شباك الي جان بالمختبر جبير يعني يكدر شخص يعبر منه
اول فكره اجت بالي اكسره بس اشلون؟
باوعت داير مدايري
شلت السيج الي جنت كاعد عليه وشمرته بكل قوتي على الشباك نكسر
الطلاب زاد صراخهم عبالهم
شي ثاني انكسر
اني اصلا اعرف ترف من عطرها
سحبتها يمي وشمرتها من شباك الي كسرته
وطفرت وراها من نفس المكان
حسيت كزاز شباك دخل برجلي بس مهتمين
فتحت عيوني واني بكاع على وجهي
من الوجع مااكدر ارفع جسمي و واكف
بس وكفت
التفت على جانبي شفت ترف نايمه على وجهه
ترف شو باعيلي
اعرف بيها تسمعني بس مغلسه عندي
ترف متردين
احجي شنو من الخوف صرتي خرسه
ترف : لا تحجي وياي كلمه اجيت اموت من وراك
مرتجى : لا بله فوكاها
اصلا لو عايفج بالمختبر جان متي
يلا كومي خلي نروح
كله من وراج كتلج منداوم ما نصخم ما نجي
بس عنادج اخ منه
عفتها ومشيت بس اني شنو كوه امشي من رجلي
اسمعها تمشي وراي وتحجي
